काउन्सिल अध्यक्ष डा. आचार्यद्वारा पदबहाली
काठमाडौँ २१ मङ्सिर ।
प्रेस काउन्सिल नेपालका नवनियुक्त अध्यक्ष डा. कुमार शर्मा आचार्यले आज आइतबारदेखि कार्यभार सम्हाल्नुभएको छ । प्रेस काउन्सिल नेपालको बैठकसम्बन्धी कार्यविधि, २०७१ को २(ङ)अनुसार अध्यक्ष डा. आचार्यले काउन्सिल सदस्यहरूको उपस्थितिमा शपथग्रहण गर्नुभएको थियो । अध्यक्ष डा. आचार्यले शपथग्रहणपश्चात् आजै कार्यकक्षमा गई पदबहाली गर्नुभयो ।
मुलुक सङ्कटपूर्ण अवस्थामा रहेको बेला आफू काउन्सिलको नेतृत्वमा आएको बताउँदै अध्यक्ष डा. आचार्यले मेलमिलापको वातावरण बनाएर सबै पदाधिकारी र कर्मचारीसँग सल्लाहसुझाव लिँदै अगाडि बढ्ने उल्लेख गर्नुभयो ।
पत्रकारिता क्षेत्र आफ्नो लागि नयाँ भएको धारणा राख्दै उहाँले धरै बोल्नुभन्दा काम गरेर देखाउनुपर्छ भन्नुभयो । अध्यक्ष डा. आचार्यले जेञ्जी आन्दोलनको प्रमुख माग सुशासन र भ्रष्टाचारमुक्त समाज रहेकाले आफूले यसमा समेत ध्यान दिँदै कार्य सम्पादन गर्ने प्रतिबद्धता जनाउनुभयो ।
अध्यक्ष डा. आचार्यलाई स्वागत गर्दै सदस्यहरू कुमारी निमा काफ्ले, शन्तराम बिडारी, नकुल अर्याल, बालकृष्ण अधिकारी, निर्मला शर्माले नीतिगत निर्णय र विवाद समाधानमा काउन्सिलको भूमिका अझै सशक्त हुने विश्वास व्यक्त गर्नुभयो । संस्थालाई राजनीतिक, आर्थिक दबाबबाट मुक्त राखी स्वतन्त्र निर्णय गर्ने अवस्था हुने उहाँहरूको विश्वास थियो । सदस्यहरूले नेपालको पत्रकारिता संयमित, मर्यादित र व्यवस्थित बनाउन काउन्सिलको नयाँ नेतृत्व सक्षम हुने बताउनुभयो ।
मुख्य अधिकृत झबिन्द्र भुसालले सहजीकरण गर्नुभएको कार्यक्रममा काउन्सिल सदस्यहरू केशवशरण लामिछाने, भीमलाल श्रेष्ठ, रामप्रसाद दाहाल, विजयराज अधिकारी, सदस्य–सचिव छबीन्द्र पराजुली, काउन्सिलका वरिष्ठ प्रशासकीय अधिकृत(प्रवक्ता) दीपक खनाल, सहप्रशासकीय अधिकृत(सूचना अधिकारी) रामशरण बोहरा, उपप्रशासकीय अधिकृतद्वय राधेश्याम अधिकारी र रहमतुल्ला मियाँलगायत कर्मचारीहरूको उपस्थिति रहेको थियो ।
वरिष्ठ अधिवक्ता डा. आचार्यलाई २०८२ मङ्सिर १५ गतेको मन्त्रीपरिषद् बैठकको निर्णयबाट काउन्सिल अध्यक्ष मनोनित गरिएको थियो । नेपाल बारको उपाध्यक्ष भइसक्नुभएका डा. आचार्य यसअघि मेलमिलाप परिषदको संस्थापक सदस्य र ३ बर्षे कार्यकाल पछि मेलमिलाप विज्ञको रूपमा कार्यरत हुनुुहुन्थ्यो ।
पुरा र थप ताजा समाचारको लागि यहाँ थिच्नुहोस् ।
https://www.presscouncilnepal.gov.np/np/2025/12/07/11302/, www.presscouncilnepal.gov.np
लेखकको बारेमा
लेखकसँग सम्बन्धित खबरहरु
समाचार२०८३ असार २९, सोमबार २१:५५कर्म–कर्ण आदिवासी जनजाति पत्रकारिता पुरस्कारबाट पत्रकार हितानमगर र गुरुङ सम्मानित- समाचार२०८३ असार २९, सोमबार २१:४४विश्वभरका नेपालीलाई भाषा र साहित्यमार्फत् जोड्ने सेतु भानुभक्तः प्रदेश प्रमुख भट्ट
- समाचार२०८३ असार २९, सोमबार १९:५०काउन्सिल अध्यक्ष श्रेष्ठद्वारा पदबहाली, एआईसम्बन्धी मार्गनिर्देशिका बनाएर अघि बढ्ने
- समाचार२०८३ असार २८, आईतवार १६:३४सम्मानित एलेक्सा लाइफ साइन्सेसको गुनासो : १९ वर्षदेखि मूल्य समायोजन नहुँदा स्लाइन उद्योग संकटमा
