२५औं आहा रारा पोखरा गोल्डकप : चर्च ब्वाइजलाई ३–० ले हराउँदै जावलाखेल सेमीफाइनलमा
पोखरा । जावलाखेल युथ क्लब २५ औं आहा रारा पोखरा गोल्डकपको सेमीफाइनलमा प्रवेश गरेको छ । सहारा क्लब पोखराको आयोजनामा जारी प्रतियोगिताको दोस्रो क्वाटरफाइनल खेलमा चर्च ब्वाइजलाई ३–० को फराकिलो गोलअन्तरले हराउँदै सेमीफाइनलको यात्रा तय गरेको हो ।
पोखरा रंगशालास्थित फुटबल मैदानमा भएको खेलको पहिलो हाफबाटै जावलाखेलले चर्च ब्वाइजलाई निकै दबाबमा राखेको थियो । गोलरहित बराबरीमा रोकिएको खेलको दोस्रो हाफमा चर्चब्वाइजन निरिह देखियो ।
धरवेन्दर कुँवरले जावलाखेलका लागि पहिलो गोल गरे । ४८ औं मिनेटमा बल अघि बढाउदा चर्च ब्वाइजका गोलरक्षक अघि बढ्दै रोक्ने प्रयास गर्दा फुत्किएको बलमा उनले गोल गरे
८८ औं मिनेटमा निकोलस ओदाने हामिल्टोनले अग्रता दोब्बर पारे । यस्तै निर्धारित समय सकिएपछि थप गरिएको अतिरिक्त चार मिनेटमा परिवर्तित खेलाडी सुजन गुरुङले गोल गरे ।
उनी ७३ औं मिनेटमा प्रशान्त राजकको स्थानमा मैदान प्रवेश गरेका थिए । जावला खेलले अब सेमीफाइनलमा उज्वेकीतानी टोली आभा र प्लानिङ ब्वाइज युनाइटेडको विजेतासंग खेल्नेछ ।
प्रतियोगिता अन्तरगत भोलि मनाङ मस्र्याङ्दी क्लब र थन्डर बोल्ड नर्थ युनाइटेड बीच तेस्रो क्वाटरफाइनल खेल हुनेछ
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=20887, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ श्रावण २२, शुक्रबार २३:०८पोखरामा बीवाईडीको आधिकारिक सर्भिस सेन्टर सञ्चालनमा- समाचार२०८३ श्रावण २२, शुक्रबार ११:५७कञ्चन पत्रकारिता पुरस्कार २०८३ बाट पत्रकारद्वय सारु र जिटी सम्मानित
- समाचार२०८३ श्रावण २१, बिहीबार ०६:५४गुह्येश्वरीमा दैनिक तीन करोड २४ लाख लिटर ढल प्रशोधन
- समाचार२०८३ श्रावण १७, आईतवार २०:५२पोखरा–१७ मा फोहोर वर्गीकरणका लागि ५७० डस्टबिन वितरण
