पाेखरामा जुवातास खेल्ने र खेलाउने ९ जना पक्राउ
पोखरा । पोखरा महानगरपालिका वडा नं. २७ स्थित तालचोक, हिमालीटोलमा जुवातास खेलिरहेको अवस्थामा ९ जना व्यक्तिहरूलाई प्रहरीले पक्राउ गरेको छ।
बिहिबार साँझ पाैने ५ वजे स्थानीय प्रहरी टोलीलाई जुवा खेल्ने गतिविधिको बारेमा सूचना प्राप्त भएको थियो। उक्त सूचनाका आधारमा इलाका प्रहरी कार्यालय शिशुवा कास्कीको टोली घटनास्थलमा पुगेको थियो।
पक्राउ परेका व्यक्तिहरूसँग नगद रकम रू. ६७,५६०, अमेरिकी डलर ११२, अष्ट्रेलियन डलर २४०, र ४ बुक तास बरामद गरिएको कास्की प्रहरीले जनाएको छ।
पक्राउ गरिएका ९ जना व्यक्तिहरूसँग जुवा खेल्न र सट्टेबाजीमा संलग्न हुने आरोपमा सार्वजनिक हित, स्वास्थ्य र नैतिकता विरुद्धको मुद्दा दर्ता गरिएको छ। प्रहरीले अनुसन्धान प्रक्रिया अघि बढाउँदै, अभियुक्तहरूको ६ दिनको म्याद थप गरिसकेको छ।
कास्की प्रहरीले जुवा र सट्टेबाजीलाई नियन्त्रणमा लिनका लागि कडा निगरानी राख्ने र कुनै पनि व्यक्तिलाई कानूनभन्दा बाहिरको गतिविधिमा संलग्न हुन नदिने प्रतिबद्धता व्यक्त गरेको छ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=21376, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ कार्तिक १९, बुधबार १८:५९अब आफ्ना सवाल आफैँ उठाउनेछन् दृष्टिविहीन युवा र महिला, पोखरामा पहिलो राष्ट्रिय भेला- समाचार२०८३ कार्तिक १८, मंगलवार १५:०१लायन्स क्लब अफ पोखराको स्वर्ण महोत्सव मंसिर ५ गते, १२ सय जनाको सहभागिता रहने
- समाचार२०८३ कार्तिक १७, सोमबार ११:२२कास्की आइडल–२ को गायनतर्फ अमृत र नृत्यतर्फ गौमाया विजेता
- समाचार२०८३ कार्तिक १७, सोमबार ११:११पोखरामा बुधबारदेखि नवौं गोदावरी पुष्प प्रदर्शनी तथा फूल मेला हुने
