ज्वालामूखी गाउँपालिकाका करार कर्मचारी सामाजिक सुरक्षा कोषमा आवद्ध
धादिङबेशी, १० बैशाख । धादिङको ज्वालामूखी गाउँपालिकाका करार सेवाका कर्मचारीहरू सामाजिक सुरक्षा कोषमा आवद्ध भएका छन् । नेपाल सरकार अन्तर्गत श्रम, रोजगार तथा सामाजिक सुरक्षा मन्त्रालयको व्यवस्थाअनुसार गाउँपालिकालाई रोजगारदाताको रूपमा सूचीकृत गरी कर्मचारीहरूलाई कोषमा समावेश गरिएको हो ।
सामाजिक सुरक्षा कोषले जारी गरेको रोजगारदाता सूचिकृत प्रमाणपत्रअनुसार ज्वालामूखी गाउँपालिका, बागमती प्रदेश, धादिङलाई योगदानमा आधारित सामाजिक सुरक्षा ऐन, २०७४ बमोजिम औपचारिक रूपमा दर्ता गरिएको उल्लेख छ । यससँगै गाउँपालिकामा कार्यरत करार सेवाका कर्मचारीहरू सामाजिक सुरक्षा प्रणालीमा आबद्ध हुने प्रक्रिया कार्यान्वयनमा आएको हो ।
प्रमाणपत्रमा उल्लेख भएअनुसार गाउँपालिकाले आवश्यक प्रक्रिया पूरा गरी कोषसँग आवद्धता सुनिश्चित गरेको छ । यसबाट कर्मचारीहरूले कोषमार्फत उपलब्ध विभिन्न सामाजिक सुरक्षाका सुविधाहरूमा प्राप्त गर्ने अपेक्षा गरिएको छ ।
कोषका तर्फबाट उपकार्यकारी निर्देशक बिबेक पन्थीद्वारा हस्ताक्षरित प्रमाणपत्र २०८२ चैत्र १९ गते गाउँपालिकालाई प्रदान गरिएको थियो । यस कदमलाई स्थानीय तहमा कार्यरत करार कर्मचारीहरूको सामाजिक सुरक्षा पहुँच विस्तार गर्ने पहलका रूपमा हेरिएको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार ५, शुक्रबार ०८:३२हिमाल घर्ती मगरको ‘ए साइली’ सार्वजनिक- खेलकुद२०८३ असार ५, शुक्रबार ०७:५८कतारको पोष्टमा क्यानडाको ६ गोल « रिपोर्टर्स नेपाल
- समाचार२०८३ असार ४, बिहीबार १९:५०नेत्रावती डबजोङको आ.व. २०८३।०८४ को नीति तथा कार्यक्रम : सडक, शिक्षा, स्वास्थ्य र कृषिलाई प्राथमिकता
- समाचार२०८३ असार ४, बिहीबार १७:५०दिगो विकास, सुशासन र रोजगारीलाई प्राथमिकता दिँदै नीलकण्ठको नीति तथा कार्यक्रम सार्वजनिक
