अवकाशको उमेरहद् बढाइयो,सेवा प्रवेशको घटाइयो

काठमाडौँ- सरकारले संघीय निजामती सेवाको गठन, सञ्चालन तथा सेवाका सर्तसम्बन्धी व्यवस्था गर्न तयार पारिएको विधेयकको मस्यौदा सार्वजनिक गरेको छ।

विधायन ऐन, २०८१ को दफा ६ को उपदफा (२) बमोजिम उक्त मस्यौदा प्रकाशन गरिएको हो। सरकारले सार्वजनिक गरेको मस्यौदामाथि सरोकारवाला निकाय, कर्मचारी तथा आम नागरिकबाट सुझाव संकलन गर्न सूचना जारी गरिएको छ।

सार्वजनिक गरिएको मस्यौदामा सेवा प्रवेशको उमेर हद घटाइएको छ भने अवकाशको उमेरहद बढाइएको छ ।

यसअघि पुरुषका लागि ३५ र महिलाका लागि ४० बर्ष रहेको सेवा प्रवेशको उमेरहद घटाएर क्रमस ३२ र ३५ गराइएको छ । ५८ बर्षे अनिवार्य अवकासको उमेरहद् बढाएर ६० पुर्याइएको छ ।

सूचनाअनुसार, प्रकाशन भएको मितिले सात दिनभित्र आफ्नो राय-सुझाव पेश गर्न आग्रह गरिएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।