मालपोत कार्यालय धादिङमा अधिकांश सेवा एकै दिनमा ।
धादिङ, २० साउनः
मालपोत कार्यालय धादिङले आवश्यक कागजात पूरा भएका सेवाग्राहीलाई जग्गा किनबेच, नामसारी, रोक्का–फुकुवा तथा रजिस्ट्रेसनलगायत अधिकांश सेवा एकै दिनमा उपलब्ध गराउँदै आएको जनाएको छ ।
भूमि प्रशासन अधिकृत मनोजकुमार पोखरेलले कार्यालयको सेवा प्रवाहलाई थप प्रभावकारी, पारदर्शी र सेवामुखी बनाइएको जानकारी दिनुभयो । उहाँका अनुसार मालपोत कार्यालय नागरिकलाई दैनिक रूपमा प्रत्यक्ष सेवा दिने निकाय भएकाले छिटो, सहज र जिम्मेवार सेवा प्रवाहमा विशेष ध्यान दिइएको छ ।
कार्यालयले कर्मचारीलाई सेवाग्राहीसँग शिष्ट व्यवहार गर्न निर्देशन दिएको छ। कुनै कर्मचारीले सेवाग्राहीसँग रिसाउने, झर्किने वा असभ्य व्यवहार गर्न नपाउने आन्तरिक नीति लागू गरिएको पोखरेलले बताउनु भयो । काम हुन नसक्ने अवस्था भए सेवाग्राहीलाई त्यसको स्पष्ट कानुनी कारण जानकारी गराएर मात्रै फर्काउने व्यवस्था गरिएको छ ।
नेपाल सरकारले बैंकसँग सम्बन्धित जग्गा रोक्का तथा फुकुवाको प्रक्रिया अनलाइन प्रणालीमार्फत सञ्चालन गरेपछि सेवा थप सहज बनेको कार्यालयले जनाएको छ । बैंकले अनलाइन प्रणालीबाट विवरण पठाएपछि कार्यालयले कागजात परीक्षण गरी रोक्का, फुकुवा वा आवश्यक कैफियत उल्लेख गरेर प्रक्रिया अघि बढाउने गरेको छ।
जग्गा वर्गीकरण स्थानीय तहको जिम्मेवारीअन्तर्गत पर्ने उल्लेख गर्दै पोखरेलले धादिङका अधिकांश स्थानीय तहमा वर्गीकरण सम्पन्न भइसकेको बताउनु भयो । हाल ज्वालामुखी र रुबीभ्याली गाउँपालिकामा मात्रै वर्गीकरणको काम बाँकी रहेको र ती पालिकालाई ताकेता गरिएको उहाँको भनाइ छ ।
सार्वजनिक जग्गा दर्ता, अतिक्रमण, विवादित जग्गा तथा कानुनी मुद्दासम्बन्धी विषयमा अख्तियार दुरुपयोग अनुसन्धान आयोग, विभाग र अन्य निकायबाट अनुसन्धान भइरहेको कार्यालयले जनाएको छ। अनुसन्धान वा मुद्दा प्रक्रियामा रहेका केही जग्गा रोक्का राखिएको र कानुनी प्रक्रिया पूरा भएपछि मात्रै निर्णय गरिने पोखरेलले स्पष्ट पार्नुभयो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ श्रावण २०, बुधबार २२:२१‘मन बिनाको धन–२’मा मदनकृष्णको इन्ट्री, अभिनयसँगै गीत पनि गाउने- समाचार२०८३ श्रावण २०, बुधबार २०:५२ब्रोड पिकमा मृत्यु भएका चार पर्वतारोहीको शव आधार शिविर ल्याइयो
- कला, विचार/मनोरञ्जन२०८३ श्रावण २०, बुधबार १८:३५‘म मदनकृष्ण’ मा हरिवंश आचार्यको भूमिकामा अरुण
- स्वास्थ्य/जानकारी टिप्स२०८३ श्रावण २०, बुधबार ०८:२८सरकार र ज्योति रानाभाटबीच सहमति « रिपोर्टर्स नेपाल
