गजुरी नजिकै चालिसेमा पहिरो खस्दा पृथ्वीराजमार्ग अवरुद्ध
धादिङ, १ भदौ । पृथ्वी राजमार्गअन्तर्गत धादिङको गजुरी गाउँपालिका–२ चालिसेमा आज बिहान सुख्खा पहिरो खस्दा सडक दुईतर्फी अवरुद्ध भएको छ । जिल्ला प्रहरी कार्यालय धादिङका अनुसार बिहान करिब ५ः४५ बजे सडक माथिबाट सुख्खा पहिरो खसेपछि राजमार्गमा सवारीसाधन आवतजावत पूर्ण रूपमा रोकिएको हो ।
पहिरोका कारण सडक अवरुद्ध भएको जानकारी प्राप्त भएपछि इलाका प्रहरी कार्यालय गजुरीबाट प्रहरी सहायक निरीक्षक रामशरण बस्नेतको कमाण्डमा ट्राफिक प्रहरीसहित छ जनाको टोली घटनास्थलमा खटिएको प्रहरीले जनाएको छ ।
सडकमा खसेको पहिरो पन्छाएर राजमार्ग सञ्चालनमा ल्याउने काम भइरहेको छ । सडक अवरुद्ध हुँदा पृथ्वी राजमार्ग हुँदै गजुरी हुँदै राजधानी काठमाडौं भित्रने र बाहिरिने दुवैतर्फ सवारीसाधन रोकिएका छन् ।
प्रहरीले पहिरो पन्छाउने कार्य जारी रहेकाले सडक पूर्ण रूपमा सञ्चालनमा नआएसम्म सावधानी अपनाउन यात्रु तथा सवारी चालकलाई आग्रह गरेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ कार्तिक २०, बिहीबार १८:१९‘चिरञ्जीवी भवः’को पहिलो गीत ‘जाले रुमाल’ सार्वजनिक- स्वास्थ्य/जानकारी टिप्स२०८३ कार्तिक २०, बिहीबार १४:१०सातै प्रदेशमा जलन उपचार सेवा विस्तार गर्न जनशक्ति उत्पादन गर्दै सरकार
- कला, विचार/मनोरञ्जन२०८३ कार्तिक २०, बिहीबार १०:३७बिग मुभिजमा अब अन्तर्राष्ट्रियस्तरको सुविधा अनुभव गर्न पाइने
- खेलकुद२०८३ कार्तिक २०, बिहीबार ०८:२५एनपीएलमा आज दुई खेल: लुम्बिनी र जनकपुर तथा विराटनगर र काठमान्डु भिड्ने
