काठमाडौँ। २०७९ सालको हिट चलचित्र ‘झिँगेदाउ’ युट्युबमा रिलिज गरिएको छ । शुक्रबार ओएसआर मुभिज अफिसियल च्यानल मार्फत चलचित्र रिलिज गरिएको हो ।
‘झिँगेदाउ’को सिक्वेल ‘झिँगेदाउ २’ असोज २ मा रिलिज हुँदैछ । पहिलो श्रृखलामा कथा जहाँ टुङ्गीएको थियो ‘झिँगेदाउ २’ मा त्यही बाट कथा उठाइएको निर्देशक ज्ञानेन्द्र देउजाले जनाएका छन् ।
‘झिँगेदाउ’ भिमनिधि तिवारीको कथा झिँगेदाउमा आधारित चलचित्र हो । चलचित्रमा केकी अधिकारी, आँचल शर्मा, मुकुन भुषाल, कुशल बिष्ट, हिउवाला गौतम लगायतका कलाकारको अभिनय रहेको छ । चलचित्रमा केकी र आँचल जेठानी देउरानीको भुमिकामा देखिनेछन् । चलचित्रले देखाएको मैलिक परिवेश र जेठानी देउरानी विचको नोक झोकलाई दर्शकहरूले औधी रूचाएका थिए ।
