गङ्गाजमुनाका विद्यालयमा भोली शोक बिदा

धादिङ, ४ असोज । धादिङको गङ्गाजमुना गाउँपालिकाले सातथर आधारभूत विद्यालयका प्रधानाध्यापक चन्द्रबहादुर घलेको निधनमा भोली असोज ५ गते पालिकाभरका सामुदायिक विद्यालयमा शोक बिदा दिने भएको छ ।

गाउँपालिकाले आज जारी गरेको सूचनाअनुसार वडा नं. ७ भोर्लेमा रहेको उक्त विद्यालयका प्रधानाध्यापक घलेको असोज ४ गते असामयिक निधन भएको हो । उहाँको निधनमा गाउँपालिकाभित्रका सम्पूर्ण सामुदायिक विद्यालयमा एक दिन शोक बिदा दिइएको सूचनामा उल्लेख छ ।

घलेको निधनले गाउँपालिकाको शैक्षिक क्षेत्रमा ठूलो क्षति पुगेको गाउँपालिकाले जनाएको छ । गाउँपालिकाले दिवङ्गत घलेप्रति श्रद्धाञ्जली अर्पण गर्दै शोकसन्तप्त परिवारजनमा समवेदना व्यक्त गरेको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।