असल छिमेकी सहकारीको अध्यक्षमा अधिकारकर्मी सुवेदी
पोखरा ।
पोखरा महानगरपालिका–१७, बिरौटामा रहेको असल छिमेकी बचत तथा ऋण सहकारी संस्था लिमिटेडको अध्यक्षमा अधिकारकर्मी रामप्रसाद सुवेदी चयन भएका छन्।
संस्थाको १७औँ वार्षिक साधारण सभा तथा छैटौँ अधिवेशनबाट आर्थिक वर्ष २०८३/८४ देखि २०८५/८६ सम्मको कार्यकालका लागि सुवेदीको अध्यक्षतामा नौ सदस्यीय नयाँ कार्यसमिति सर्वसम्मत चयन भएको हो।
नवनिर्वाचित कार्यसमितिको उपाध्यक्षमा केशकुमारी भुजेल, सचिवमा तारादेवी सुवेदी र कोषाध्यक्षमा प्रदीप सुवेदी चयन भएका छन्। निर्वाचन संयोजक तथा पत्रकार श्यामनाथ कुँवरले निर्वाचन परिणामबारे जानकारी दिएका हुन्।
त्यसैगरी, कार्यसमिति सदस्यमा राजु गिरी, सीता परियार, सिर्जना ढुङ्गाना, डिल्लीराम शर्मा र सुनिता लामिछाने चयन भएका छन्।
लेखा सुपरिवेक्षण समितिको संयोजकमा मधु पन्थी चयन भएका छन् भने सदस्यमा झ्यामकुमारी पौडेल र मुनादेवी श्रेष्ठ चयन भएका छन्।
२०६७ पुस २६ गते स्थापना भएको यस सहकारीले समुदायमा बसोबास गर्ने मानिसलाई एकीकृत गर्दै महिला तथा विपन्न वर्गको आर्थिक पहुँच विस्तार गर्नुका साथै उद्यमशीलताको विकास गर्ने उद्देश्य राखेको छ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=22849, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ कार्तिक १७, सोमबार ११:२२कास्की आइडल–२ को गायनतर्फ अमृत र नृत्यतर्फ गौमाया विजेता- समाचार२०८३ कार्तिक १७, सोमबार ११:११पोखरामा बुधबारदेखि नवौं गोदावरी पुष्प प्रदर्शनी तथा फूल मेला हुने
- समाचार२०८३ कार्तिक १६, आईतवार ०८:२२युनाइटेड क्लबको देउसीभैलोबाट विपद् कोषमा सहयोग जुटाइँदै, कार्यक्रमअघि नै जुट्यो एक लाख रुपैयाँ
- समाचार२०८३ कार्तिक १५, शनिबार २३:३८बरपिपल बहुउद्देश्यीय सहकारीको अध्यक्षमा लिलबहादुर घर्ती सर्वसम्मत
