नेत्रावती डबजोङ गाउँपालिकाको शिक्षामा गौरवमय सफलताः एसईई रिजल्टमा जिल्लाकै प्रथम हुन सफल
धादिङ,१५ असार
बिनोद तमु
धादिङ जिल्लाको नेत्रावती डबजोङ गाउँपालिका एसईई रिजल्टमा जिल्लाकै प्रथम बन्न सफल भएको छ । समग्र उत्तिर्ण अंकको आधारमा नेत्रावती डबजोङ गाउँपालिका ९१.८१ प्रतिशत सहित प्रथम बन्न सफल भएको हो । साधारण तथा प्राविधिक धारमा सहभागी १५६ मध्ये १४३ जना विद्यार्थी उत्तीर्ण भई गाउँपालिकाले ९१.६७ प्रतिशत सफलता दर हासिल गरेको हो ।यो नतिजासँगै नेत्रावती डबजोङ गाउँपालिका धादिङका १३ वटै स्थानीय सरकार मध्ये अग्रस्थानमा रहेको छ। दोस्रो स्थानमा गङ्गाजमुना गाउँपालिका (८३.६२%) र तेस्रोमा ज्वालामुखी गाउँपालिका (८१.९८%) रहेका छन् ।
शैक्षिक पूर्वाधारमा गरिएको लगानी अब देखिन थालेको गाउँपालिकाका अध्यक्ष मेधनाथ रिजालले बताउनुभयो ।विद्यालयहरुको नियमित अनुगमन तथा मूल्यांकन, र छात्रवृत्ती तथा प्रोत्साहन कार्यक्रमहरू जस्ता रचनात्मक कदमहरूले रिजल्टमा सुधार आएको अध्यक्ष रिजालले बताउनुभयो। गाउँपालिकाले एसईई कक्षा तयारीको लागि विद्यालयहरुलाई विद्यार्थीहरुको संख्याको आधारमा रकम उपलब्ध गराउदै आएको उपाध्यक्ष सीता मायाँ चोदेनले बतायनुभयो । अभिभावक चेतना,विद्यार्थी परामर्श,शिक्षक तालिम लगायत विद्यार्थीहरुलाई ड्रेस वितरणले पनि विद्यार्थीहरुलाई प्रोत्साहन मिलेको उपाध्यक्ष सीतामायाँ चोदेनले बतायनुभयो ।
शिक्षालाई व्यवहारिक बनाउने लक्ष्य सहित नेत्रावती डबजोङ गाउँपालिकाले शिक्षालाई प्राथमिकतामा रोखर काम गरीरहेको प्रमुख प्रशासकीय अधिकृत हरेराम शाहले बताउनुभयो ।शिक्षामा गरेको लगानी खेर नगएको भन्दै शाहले जनप्रतिनिधिहरुको शिक्षा क्षेत्रलाई हेर्ने दृष्टिकोण सकारात्मक भएको कारणले रिजल्ट पनि सकारात्मक आएको बताउनुभयो ।गाउँपालिकाले आगामी आर्थिक बर्षदेखी गाउँपालिकाले“विद्यार्थी डिम्याट खाता कार्यक्रम” लागु गरेको छ ।विद्यार्थीहरूलाई विद्यालय तहदेखि नै शेयर बजारको आधारभूत ज्ञान दिइने र बित्तिय साक्षरता सम्बन्धी ज्ञान दिने उदेश्यले कार्यक्रम ल्याईएको गाउँपालिकाले जनाएको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ असार २३, सोमबार ०७:१२सहकारीका बचतकर्ताकाे पौने चार अर्ब फिर्ता- समाचार२०८२ असार २३, सोमबार ०७:०६इजरायल र हमासबीच कतारमा अनौपचारिक युद्धविराम वार्ता
- कला, विचार/मनोरञ्जन२०८२ असार २२, आईतवार २२:२९‘जदौ’ मा मुकुन र साम्राज्ञी पछि नीति शाह अनुबन्धित
- कला, विचार/मनोरञ्जन२०८२ असार २२, आईतवार २२:०९के देखिन्छ ‘जनै हराएको मान्छे : सम्बन्धका धागाहरू’ को पोस्टरमा ?
