गजुरी गाउँपालिकामा कक्षा १२ को नतिजा : आदर्श माविको उत्कृष्ट प्रदर्शन

गजुरी २१,धादिङ । गजुरी गाउँपालिकामा २०८१ सालको कक्षा १२ को सार्वजनिक नतिजा अनुसार कुल १६७ जना विद्यार्थी परीक्षा सहभागी हुँदा ११० जना विद्यार्थी सफल भएका छन्, जसअनुसार समग्र उत्तीर्ण प्रतिशत ६५.८७% रहेको छ।

पाँच विद्यालयमध्ये आदर्श माविले सबैभन्दा राम्रो प्रदर्शन गर्दै ९५.१६% उत्तीर्णता दर हासिल गरेको छ। ६२ जना परीक्षार्थीमध्ये ५९ जना विद्यार्थी उत्तीर्ण भएका छन्।

त्यसपछि किरानचोक माविबाट २४ जनामध्ये १८ जना विद्यार्थी उत्तीर्ण भई ७५% उत्तीर्णता दर हासिल भएको छ। डोल भन्ज्याङ माविमा ३५ जनामध्ये २२ जना सफल भई ६२.८६% नतिजा ल्याएको छ।

त्यसैगरी गजुरीपिडा माविले मात्र ३०.४३% र महेन्द्रोदय माविले सबैभन्दा कम १७.३९% उत्तीर्णता दर हासिल गरेका छन्। गजुरी गाउँपालिकाका अध्यक्ष गणेशलाल श्रेष्ठले उत्कृष्ट नतिजा ल्याएका विद्यालय र विद्यार्थीहरूलाई सामाजिक सन्जाल मार्फत बधाई ज्ञापन प्रकट गर्नु भएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।