धादिङको जहरेमा पहिरो, दुईतर्फी सडक अवरुद्ध

धादिङ, २३ साउन । गजुरी गाउँपालिका–६, जहरे खेत क्षेत्रमा बिहान ६ः२० बजे तिर माथिबाट रुखसहित खसेको पहिरोका कारण पृथ्वी राजमार्गको उक्त खण्ड दुईतर्फी पूर्णरूपमा बन्द भएको छ ।
पानीका कारण जमिन खुकुलो भएपछि पहिरो झरेको स्थानीयले बताएका छन् ।

पहिरोले सडकमा रुखहरू समेत थिचिएर अवरोध सिर्जना गरेपछि तत्कालै पहिरो पन्छाउन सुरक्षा निकाय र डोजरलगायतका उपकरणहरू परिचालन गरिएतापनि निरन्तर बर्षा र पहिरो झरिरहेकाले सफा गर्न समय लाग्ने भएको हो ।

त्यस्तै, थाक्रे गाउँपालिका–७ स्थित सात किलोमा पहिरोका कारण सवारीसाधन एकतर्फी मात्र सञ्चालनमा रहेको छ । यातायातका साधनहरू पालैपालो चलाइएको छ भने जोखिम न्यूनीकरण गर्न डोजरले निरन्तर सफाइ कार्य गरिरहेको छ ।

हाल धादिङ जिल्ला आसपासमा बर्षा भैरहेको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।