दुई दिने मोतिबिन्दु शल्यक्रिया शिविरमा १०७ जनाको सफल शल्यक्रिया
धादिङबेशी, ५ पौष । धादिङमा सम्पन्न दुई दिने मोतिबिन्दु शल्यक्रिया शिविरमा १०७ जनाको सफल शल्यक्रिया गरिएको छ। नेपाल आँखा कार्यक्रम, तिलगंगा आँखा प्रतिष्ठान तथा तिलगंगा सर्जिकल सामुदायिक आँखा केन्द्र, धादिङको आयोजना, द फ्रेड हलोज फाउण्डेसनको आर्थिक सहयोग, नीलकण्ठ बहुमुखी क्याम्पसको युवा रेडक्रस सर्कल र नेपाल आर्मी कलेजका जनस्वास्थ्य तेस्रो वर्षका विध्यार्थीको भोलिन्टियरी सहयोगमा उक्त शिविर सम्पन्न भएको हो । शिविरमा मस्ट मण्डली कल्याणकारी बचत तथा ऋण सहकारी संस्था लि. तथा सिम्खडा कल्याणकारी कोष,धादिङले बिरामी तथा कुरुवाहरुका लागि निशुल्क जाउलो वितरणमा सहयोग गरेको थियो ।
तिलगंगा आँखा अस्पतालबाट सर्जरीका लागि आउनु भएकी डाक्टर किपा बैद्यका अनुसार शिविरमा आएका अधिकांश बिरामी उमेरका कारण मोतिबिन्दुबाट प्रभावित थिए। उहाँले यसपटक धेरै पाकेका मोतिबिन्दुका बिरामी कम देखिएको बताउनुभएको छ । साथै सबै बिरामीको को अप्रेसन राम्रो भएको दाबिपनि गर्नुभएको छ । शिविरमा ४६ जनाको मेसिनबाट गरिएने फेको (Phaco) प्रविधिबाट र ६१ जनाको हातले गरिने एसआईसीएस (SICS) प्रविधिबाट शल्यक्रिया गरिएको तिलगंगा सर्जिकल आँखा केन्द्र धादिङका प्रमुख सुपेन्द्र ताम्राकारले बताउनुभयो ।
उहाँका अनुसार मोतिबिन्दु प्रायः उमेर बढेसँगै देखिने समस्या हो, जसमा आँखाको लेन्स बिस्तारै धमिलो हुँदै जाने गर्दछ। समयमै शल्यक्रिया गरी कृत्रिम लेन्स राखेपछि बिरामीहरूले फेरि स्पष्ट देख्न सक्ने उहाँले बताउनुभयो।
ताम्राकारले मोतिबिन्दु उमेरका कारण मात्र नभई चोटपटक, बालबालिकामा जन्मजात रूपमा समेत हुन सक्ने बताउँदै यस्ता जटिल अवस्थाको उपचार भने अस्पतालमै गर्नुपर्ने जानकारी दिनुभयो । साथै आँखालाई सुरक्षित राख्न चोटपटकबाट बच्न, स्वस्थ जीवनशैली अपनाउन, चुरोट तथा मदिरा सेवन नगर्न उहाँले आग्रह गर्नुभएको छ ।
शिविरमा सेवा लिने अधिकांश बिरामी नेत्रावती डबजोङ गाउँपालिका, नीलकण्ठ नगरपालिका तथा ज्वालामुखी गाउँपालिकाबाट आएका थिए ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ बैशाख ४, शुक्रबार २२:२८‘ककाकिकी’को रिलिज मिति घोषणा, भदौ १९ देखि प्रदर्शनमा- समाचार२०८३ बैशाख ४, शुक्रबार २१:१७धादिङबेशीमा मातातिर्थ औँशी लक्षित बजार अनुगमन
- समाचार२०८३ बैशाख ४, शुक्रबार २०:०७घरमै पुगेर राहदानी वितरण गर्दै तनहुँ प्रशासन
- खेलकुद२०८३ बैशाख ४, शुक्रबार ११:५३यूएईसँग टी-२०आई खेल्ने नेपाली टोली घोषणा
