नेपाल मगर संघ स्थापना दिवसको अवसरमा फागुन १५ गते शमीभन्ज्यामा साँस्कृतिक कार्यक्रम हुने

धादिङ,११ फागुन
नेपाल मगर संघ स्थापनाको अवसरमा धादिङको ज्वालामुखी गाउँपालिका वडा नम्बर ३ स्थित शमीभन्ज्याङमा बृहत सांस्कृतिक कार्यक्रम हुने भएको छ । ४४ औँ नेपाल मगर संघ स्थापना दिवसको अवसरमा यहि फागुन १५ गतेका दिन शुभकामना आदान प्रदान सहित बृहत सांस्कृति कार्यक्रम हुने अध्यक्ष कुल बहादुर झ्यारी मगरले जानकारी दिनुभयो ।

नेपाल मगर संघ स्थापनाको अवसर पारेर नेपाल मगर संघ ज्वालामुखी गाउँपालिका इकाई समिति धादिङको आयोजनामा सन्चालन भएको ७ दिने वापा मापा मगर पुरोहित तालिम समेत सम्पन्न गरीने झ्यारीले नीलकण्ठ एफएमलाई जानकारी दिनुभयो । फागुन १५ गते सांस्कृति कार्यक्रम सहित मगर संस्कृति झल्कने खाना सहित राष्ट्रिय तथा स्थानीय कलाकारहरुको प्रस्तुती रहने छ । कार्यक्रममा संगिना मगर,पमद आले मगर,रोशनी राना मगर,विवश दर्लामी मगर,टेक बहादुर मगर र धन मगरको सांस्कृतिक प्रस्तुती रहने आयोजकले जानकारी दिएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।