काठमाडौं । आधुनिक पप शैलीमा तयार गरिएको नयाँ गीत ‘कहाँ कहाँ’ को म्युजिक भिडियो सार्वजनिक गरिएको छ। प्यारो केसीको प्रस्तुतिमा आएको यस गीतले युवा पुस्ताको प्रेम, भावना र आधुनिक जीवनशैलीलाई आकर्षक ढंगले प्रस्तुत गरेको छ।
गीतका शब्द तथा संगीत स्वयं केसीकै रहेको छ भने स्वर पनि उनले नै दिएका छन्। गीतलाई प्रभात महर्जनले एरेन्ज तथा मिक्स गरेका छन्, जसले गीतलाई समकालीन पप फ्लेवर दिएको छ।
म्युजिक भिडियोमा प्यारो केसी र समिया कार्कीको अभिनय देख्न सकिन्छ। उनीहरूको केमेस्ट्रीले गीतको भावनालाई जीवन्त बनाएको छ। भिडियोलाई हृतिक खड्काले छायांकन गरेका हुन्, जसले दृश्यलाई आकर्षक बनाएका छन्।
त्यस्तै, प्रतिक्षा खत्रीले मेकअप आर्टिस्टको रूपमा काम गरेकी छन् भने भिडियोको सम्पादन तथा कलर प्रबिन भट्टले गरेका छन्। भिडियो निर्देशन सन्तोष राजबहाकले गरेका हुन्, जसले गीतको कथा र प्रस्तुतीकरणलाई प्रभावकारी बनाएका छन्। साथै, ड्रोन शटहरू श्याम महतले सम्हालेका छन्, जसले भिडियोमा भिजुअल आकर्षण थपेको छ। ‘कहाँ कहाँ’ आधुनिक पप संगीत प्रेमीहरूका लागि नयाँ स्वाद दिने गीतका रूपमा सार्वजनिक भएको छ।
