पाख्रीखोला लिफ्टिङ खानेपानीको आज उद्घाटन,दुई सय घरपरिवार लाभान्वित

२०८० आश्विन २८, आईतवार १८:५२

धादिङ,२८ असोज ।
धादिङको नीलकण्ठ नगरपालिका वडा नम्बर ९ मा निर्माण सम्पन्न भएको पाख्रीखोला लिफ्टिङ खानेपानीको आज उद्घाटन गरीएको छ ।नीलकण्ठ नगरपालिका र सर्भिस फर पिसको साझेदारीमा निर्माण सम्पन्न भएको खानेपानीको प्रदेश सांसद गोविन्द लम्साल र नगरपालिका संघका केन्द्रिय अध्यक्ष तथा नगर प्रमुख भीम प्रसाद ढुंगानाले संयुक्त रुपमा उद्घाटन गर्नुभएको हो ।

नीलकण्ठ नगरपालिकाको ७७ लाख,२ लाख श्रमदान र सर्भिस फर पिसको ८६ लाख गरी जम्मा १ करोड ६५ लाखकोे लागतमा निर्माण सम्पन्न भएको हो । तिर्खा मुक्क्त नगरपालिका बनाउने लक्ष्यको साथ नगरपालिकाले ठुलो खानेपानी आयोजनाको कामलाई प्राथमिकता दिएको नगर प्रमुख भीम प्रसाद ढुंगानाले बताउनु भएको छ । नगरपालिका भित्रका कृषि,खानेपानी,शिक्षा,स्वास्थ्य लगायतको क्षेत्रमा दातृ निकायसँगको साझेदारीमा नगरमा काम भईरहेको बताउनु भएको छ ।

खानेपानी लिफ्टिङ गर्दाको विद्युतको महशुलको ७० प्रतिशत नगपालिकाले भुक्तानी गरिदिने पनि ढुंगानाले बताउनु भएको छ । आफु पदमा रहेपनी वा नरहेपनी देश र जनताको लागि सेवा गरीरहने प्रतिबद्धता व्यक्त गर्नुभएको छ ।

सर्भिस फर पिसका महासचिव जिन्तु नकर्मी९खनालं०को अध्यक्षता,प्रदेश सांसद गोविन्द लम्सालको प्रमुख आतिथ्यता तथा नरपालिका संघका अध्यक्ष तथा नगर प्रमुख भीम प्रसाद ढुंगानाको विशेष आतिथ्यतामा कार्यक्रम सम्पन्न भएको हो । कार्यक्रममा पत्रकार तथा नगरपालिका संघका सल्लाहकार सरोज अधिकारी,नीलकण्ठ नगरपालिकाका सल्लाहकार दिपक कोईराला,पुर्व वडा अध्यक्ष तथा नेपाली काँग्रेसका वडा सभापति भोज बहादुर रेग्मी लगायतको आतिथ्यता रहेको थियो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।