धादिङबेशी स्थित पहरेचौताराबाट जुवा खेलिरहेको आरोपमा ६ जना पक्राउ
धादिङबेशी, ३ साउन । धादिङको नीलकण्ठ नगरपालिका–३ स्थित पहरेचौताराबाट जुवा खेलिरहेको आरोपमा घरधनीसहित ६ जनालाई प्रहरीले पक्राउ गरेको छ।
उनीहरूको साथबाट एक लाख ६९ हजार ३५० रुपैयाँ नगदसहित जुवा खेल्न प्रयोग गरिएका सामग्री बरामद गरिएको जिल्ला प्रहरी कार्यालय धादिङले जनाएको छ। प्रहरीका अनुसार साउन २ गते दिउँसो पहरेचौतारास्थित डिलबहादुर तामाङको घरकोठामा अवैध रूपमा जुवा–तास खेलाइरहेको गोप्य सूचना प्राप्त भएको थियो। सूचनाका आधारमा जिल्ला प्रहरी कार्यालयबाट खटिएको टोलीले घरमा खानतलासी गर्दा जुवा खेलिरहेको अवस्थामा उनीहरूलाई नियन्त्रणमा लिएको हो।
पक्राउ पर्नेमा गंगाजमुना गाउँपालिका–२ घर भई हाल नीलकण्ठ नगरपालिका–३ बस्ने ६१ वर्षीय घरधनी डिलबहादुर तामाङसहित सोही स्थानमा बस्दै आएका पाँच जना छन्। पक्राउ परेकाहरूको उमेर ३९ देखि ५३ वर्षसम्म रहेको प्रहरीले जनाएको छ। प्रहरीले घटनास्थलबाट नगद एक लाख ६९ हजार ३५० रुपैयाँ, तीन गड्डी तास, सातवटा मोबाइल फोन र जुवा खेल्न प्रयोग गरिएको एउटा डसना बरामद गरेको छ। पक्राउ परेका व्यक्तिहरूविरुद्ध जुवा सम्बन्धी कसुरमा मुद्दा दर्ता गरिएको छ।
उनीहरूलाई साउन ३ गते जिल्ला प्रशासन कार्यालय धादिङमा उपस्थित गराई अनुसन्धानका लागि १० दिनको म्याद थप अनुमति लिइएको जिल्ला प्रहरी कार्यालय धादिङले जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८३ श्रावण ४, सोमबार १९:४३विपद्का बेला कार्यालय नछाड्न स्थानीय तहका प्रमुख प्रशासकीय अधिकृतलाई निर्देशन- खेलकुद२०८३ श्रावण ४, सोमबार १२:१०विश्वकप २०२६ः अन्तिम युद्धमा कहाँ चुक्यो अर्जेन्टिना ?
- खेलकुद२०८३ श्रावण ४, सोमबार ०३:५६अर्जेन्टिनालाई हराउँदै स्पेन बन्यो दोस्रो पटक विश्वकप च्याम्पियन
- समाचार२०८३ श्रावण ३, आईतवार २०:१९धादिङबेशी स्थित पहरेचौताराबाट जुवा खेलिरहेको आरोपमा ६ जना पक्राउ
