तिलगंगा सर्जिकल आँखा केन्द्र धादिङबाट २ लाख नागरिकले सेवा लिए
धादिङ,२२ कार्तिक
तिलगंगा सर्जिकल आँखा केन्द्र धादिङको सामाजिक लेखा परिक्षण कार्यक्रम सम्पन्न भएको छ । बुधबार आँखा केन्द्र धादिङका व्यवस्थापन समिति अध्यक्ष नवराज अधिकारीको अध्यक्षतामा सामाजिक लेखा परिक्षण कार्यक्रम सम्पन्न भएको हो ।कार्यक्रममा केन्द्रको स्थापनाकाल देखि वर्तमान अवस्था, सेवा प्रवाह लगायतका विषयमा आँखा केन्द्र धादिङका प्रमुख रामसंहि तामाङले जानकारी गराउनु भएको थियो ।
केन्द्रले स्थापनादेखि अहिलेसम्म २२ वर्षको अवधिमा २ लाख भन्दा बढी आँखाका बिरामीलाई उपचार सेवा प्रदान गरेको छ । साथै महिला सामुदायिक स्वास्थ्य स्वयंसेविका, शिक्षक, विद्यालयका नर्सहरु लगायतलाई प्राथमिक आँखा उपचार तालिम समेत प्रदान गरेको छ ।
नेपालको जम्मा जनसंख्या मध्ये १० प्रतिशत नागरिकले चस्मा लाउनु पर्ने तथ्याङकले देखाएको र ३५ वर्ष भन्दा माथिका ६० प्रतिशत मानिसलाई आँखाको समस्या हुने गरेको तामाङले बताउनुभयो । तामाङका अनुसार केन्द्रले हालसम्म धादिङको ६ वटा स्थानीय तहमा आँखा केन्द्र स्थापना गरि सेवा प्रवाह गरिरहेको छ ।
नेपाल सरकारले आर्थिक अवस्था कमजोर भएका नागरिकहरूलाइ निशुल्क सेवा प्रदान गर्दै आएको र आँखाको सेवालाई प्रभावकारी बनाउनको लागि स्वास्थ्य विमामा समेत समेट्न पर्ने तामाङको भनाई छ ।कार्यक्रममा सहभागि सेवाग्राहि तथा स्वास्थ्य स्वयंसेविका सावित्रा कोईरालाले आँखा केन्द्र धादिङबाट सामान्य नागरीकले पनि सहज रुपमा सेवा लिन पाउने वातावरण देख्दा खुसि लागेको बताउनुभयो ।
नेपाल सरकारले जेष्ठ नागरीकका लागि दिने निशुल्क सेवामा आँखा सेवा नपरेकाले सम्बन्धित निकायसँग समन्वय गरेर जेष्ठ नागरिकहरूलाइ निशुल्क सेवा दिनुपर्ने जेष्ठ नागरिकहरुको भनाइ छ ।आँखा केन्द्र धादिङले धादिङका विभिन्न स्थानमा निःशुल्क आखा शिविर सञ्चालन गरी जटिल प्रकृतिको उपचार, मोतिबिन्दु, आँखामा मासु पलाउने रोगका बिरामीको शल्यक्रियाद्वारा उपचार सेवा दिदैं आईरहेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार १०, बुधबार १५:१४‘कार्की साइँला’को प्रदर्शन मिति परिवर्तन, असोज २ गतेदेखि प्रदर्शनमा आउने- खेलकुद२०८३ असार १०, बुधबार ०७:३७बराबरीमा रोकिए इङ्ल्याण्ड र घाना « रिपोर्टर्स नेपाल
- कला, विचार/मनोरञ्जन२०८३ असार ९, मंगलवार २०:४५चलचित्र ‘आइ एम जीत बहादुर’ को रोमान्टिक गीत सार्वजनिक
- समाचार२०८३ असार ९, मंगलवार १९:१४विद्यालय दिवाखाजा सम्बन्धी २ दिने अभिमुखीकरण कार्यक्रम नीलकण्ठमा सुरु
