इटहरीमा भैँसी प्रतियोगिता !

२०८० चैत्र ११, आईतवार १६:३९

किसानलाइ भैँसी पालनतर्फ आकर्षित गर्न सुनसरीको इटहरीमा भैँसी प्रतियोगताको अयोजना गरिएको छ ।

पछिल्लो समय मुलुक भित्र किसानको रोजाइमा भैँसी पालन कम हुन थालेको भन्दै इटहरीमा भैँसी प्रतियोगिताको आयोजना गरिएको हो ।

दुग्ध उत्पादन सहकारी संस्था लिमिटेडले आफ्नो स्थापनाको ४२ वर्ष मनाइरहँदा सुनसरी र मोरङ्गका किसानलाई सहभागी गराएर भैँसी प्रतियोगिताको अयोजना गरिएको छ ।

सुनसरीको इटहरी र मोरङ्गको सुन्दरहरैँचाबाट ३० जना किसानको ५० वटा भैँसीको प्रतियोगितामा सहभागिता रहेको थियो ।

पछिल्लो समय किसानले भैँसी पाल्न छाड्न थालेकोले यसको महत्व वुझाउन प्रतियोगताको अयोजना गरेको दुद्य उत्पादक जिल्ला शहकारी सस्थां सुनसरीका अध्यक्ष राजन धमलाले जानकारी दिनु भएको छ ।

इटहरी उपमहानगरपालिकाका पशु चिकित्सकहरुले प्रतियोगितामा सहभागी भैँसीको स्थास्थ्य,सौन्दर्य र दुध उत्पादकत्वको अवस्था हेरेर बिजेता घोषणा गरेका थिए ।

यसरी प्रतियोगितामा पहिलो हुने इटहरी-३ का चन्द्र बहादुर वस्नेतको भैँसी प्रथम, सुन्दरहरैँचा-५ का पदमकुमारी राईको भैँसी दोस्रो तथा सोही स्थानका भोजराज गौतमको भैँसी तेस्रो हुन सफल भएको अयोजक संस्थाले जानकारी दिएको छ ।

त्यस्तै सोही स्थानका तिर्थकुमारी लिम्बुको भैँसीले सान्त्वना पुरस्कार प्राप्त गरेको छ ।

विजेता भैँसी पालकलाई नगद पुरस्कारले पुरस्कृत गरिएको छ ।।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।