पोखरामा युवा संघको नयाँ नेतृत्व सम्मानित, महत्वाकांक्षी योजना सार्वजनिक
पोखरा । नेकपा (एमाले) गण्डकी प्रदेश कमिटीले राष्ट्रिय युवा संघ नेपालको दशौँ सम्मेलनबाट निर्वाचित नयाँ नेतृत्वलाई बुधबार पोखरामा सम्मान गरेको छ।
कार्यक्रममा एमाले गण्डकीका अध्यक्ष नवराज शर्माले युवाहरूलाई देश र पार्टीको भविष्यको रूपमा चित्रण गर्दै नयाँ नेतृत्वलाई सबैको भावना समेटेर काम गर्न सुझाव दिए। “युवाहरूमा ठूलो सम्भावना छ, उनीहरूले देश र पार्टी निर्माणमा महत्त्वपूर्ण भूमिका खेल्नुपर्छ,” शर्माले भने।
नवनिर्वाचित अध्यक्ष क्षितिज थेबेले ‘सुखी नेपाली, समृद्ध नेपाल’ को लक्ष्य प्राप्तिका लागि आफूहरू प्रतिबद्ध रहेको बताए। उनले आगामी तीन वर्षमा ३ लाख युवालाई उद्यमी बनाउने र त्यसबाट ३० लाख रोजगारी सिर्जना गर्ने महत्वाकांक्षी योजना सार्वजनिक गरे। “युवाहरूलाई व्यवसाय र रोजगारीसँग जोड्ने काम पहिलेदेखि नै चलिरहेको छ, अब यसलाई थप विस्तार गर्नेछौँ,” थेबेले भने।
उनले सम्मेलनमा देशभरबाट आएका प्रतिनिधिहरूले आफ्नै खर्चमा सहभागिता जनाएको र कुनै चन्दा नलिई करिब १ करोड खर्च भएको जानकारी दिए। उनले युवा सम्मेलन भव्य र शान्तिपूर्ण रूपमा सम्पन्न भएकाे बताए । थेबेले गणतन्त्रको पक्षमा कुनै सम्झौता नगर्ने र ‘समृद्ध नेपाल, सुखी नेपाली’ को नारालाई साकार पार्ने प्रतिबद्धता पनि व्यक्त गरे।
कार्यक्रममा सल्लाहकार परिषद्का अध्यक्ष मोहन रेग्मी, उपाध्यक्ष मीनप्रसाद गुरुङ, सचिव धनञ्जय दवाडी, उपसचिव दामबहादुर विकलगायतले नयाँ नेतृत्वलाई बधाई दिँदै सम्मान गरे। कार्यालय सचिव आर.के. पोखरेलले कार्यक्रम भव्य र व्यवस्थित रूपमा सम्पन्न भएको बताए।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=18413, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ कार्तिक १८, मंगलवार १५:०१लायन्स क्लब अफ पोखराको स्वर्ण महोत्सव मंसिर ५ गते, १२ सय जनाको सहभागिता रहने- समाचार२०८३ कार्तिक १७, सोमबार ११:२२कास्की आइडल–२ को गायनतर्फ अमृत र नृत्यतर्फ गौमाया विजेता
- समाचार२०८३ कार्तिक १७, सोमबार ११:११पोखरामा बुधबारदेखि नवौं गोदावरी पुष्प प्रदर्शनी तथा फूल मेला हुने
- समाचार२०८३ कार्तिक १६, आईतवार ०८:२२युनाइटेड क्लबको देउसीभैलोबाट विपद् कोषमा सहयोग जुटाइँदै, कार्यक्रमअघि नै जुट्यो एक लाख रुपैयाँ
