नीलकण्ठ नगरपालिकाद्धारा एसईईमा उत्कृष्ट नतिजा ल्याउने विद्यार्थी तथा विद्यालयलाई सम्मान
धादिङ, १९ असार ।
धादिङको नीलकण्ठ नगरपालिकाले माध्यमिक शिक्षा परीक्षा (एसईई) मा ४.०० जिपिए ल्याउने विद्यार्थीहरुलाई सम्मान गरेको छ। नगरपालिका भित्रका नीजि तथा सामुदायिक विद्यालयबाट एसईईमा ४ जिपिए ल्याउने पाँच जना विद्यार्थीलाई जनही ५० हजार रुपैयाँ नगदसहित सम्मान गरिएको हो।
सम्मानित हुने विद्यार्थीहरुमा न्यु किबो बोर्डिङ स्कुलका समिर भण्डारी र आयुष भण्डारी, नीलकण्ठ बालमन्दिर माविकी सन्ध्या तिमलसिना, चिल्ड्रेन पार्क आवासीय माविकी प्रिसिला तामाङ र सुनौलो भैरवी माविकी प्रशंसा श्रेष्ठ रहेका छन्।
नीलकण्ठ नगरपालिकाले उत्कृष्ट विद्यार्थी मात्र नभई, शतप्रतिशत विद्यार्थी ग्रेडेड गराउन सफल विद्यालयलाई समेत सम्मान गरेको छ ।
नगरपालिका भित्रका विद्यालयहरुमध्ये सर्वोत्कृष्ट विद्यालय प्रकाश मावि, लामागुरु महादेव मावि, महेन्द्र मावि र भैरवी माविलाई ४/४ लाख रुपैयाँ नगदसहित सम्मान गरिएको हो।
जिल्लाभर ८ जना विद्यार्थीले ४.०० जिपिए ल्याएकोमा तीमध्ये ५ जना नीलकण्ठ नगरपालिकाका भित्रका विद्यालयबाट रहेका छन्।
नगरपालिकाका नगर प्रमुख भीम प्रसाद ढुंगानाले नगरपालिकाले सदैव विद्यार्थी र विद्यालयको प्रोत्साहनमा प्राथमिकता दिने बताउनुभयो । उहाँले भन्नुभयो,– “नतिजा देखाउनुस्, पैसा लिन आउनुस्। त्यसै पैसालाई शैक्षिक सुधारमा लगानी गर्नुस्। हामी आवश्यक परेको सहयोग दिन तयार छौं।“
नगर प्रमुख ढुंगानाले विद्यालयभित्रको आन्तरिक प्रतिस्पर्धा शैक्षिक उन्नयनको प्रमुख आधार भएको बताउनुभयो । विकास निमार्णको काम कटाएर भएपनि शिक्षा क्षेत्रको विकासको लागि बजेट विनियोजन गरेको उहाँले बताउनुभयो ।
कार्यक्रममा शिक्षा विकास तथा समन्वय इकाई धादिङका प्रमुख भुमीलाल सुवेदी शर्माले नीलकण्ठ नगरपालिकाले देखाएको प्रतिबद्धता अन्य पालिकाका लागि पनि उदाहरणीय हुने बताउनुभयो ।
सम्मान कार्यक्रममा अन्य शैक्षिक विधामा उत्कृष्ट प्रदर्शन गर्ने विद्यालय, शिक्षक र विद्यार्थीलाई पनि पुरस्कृत गरिएको थियो। नीलकण्ठ नगरपालिकाले जिरो कक्षा देखि १२ कक्षा सम्म निशुल्क शिक्षा घोषण गरिसकेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८३ असार १०, बुधबार १९:०३त्रिपुरासुन्दरी गाउँपालिकाको कार्यालयमा अभद्र व्यवहार गर्ने सुरेन्द्र वाँडा पक्राउ- कला, विचार/मनोरञ्जन२०८३ असार १०, बुधबार १५:१४‘कार्की साइँला’को प्रदर्शन मिति परिवर्तन, असोज २ गतेदेखि प्रदर्शनमा आउने
- कला, विचार/मनोरञ्जन२०८३ असार १०, बुधबार १४:४८‘गौँथली’ मा अरुण सिम्रनको नयाँ जोडी, साउन १ देखि दर्शकमाझ
- स्वास्थ्य/जानकारी टिप्स२०८३ असार १०, बुधबार १३:५५ज्येष्ठ नागरिकको आँखाको शल्यक्रिया « रिपोर्टर्स नेपाल
