सूर्यचन्द्र विकास समाजद्वारा २०५ जनाको निःशुल्क रक्त परिक्षण
पाेखरा । सामाजिक सेवामा निरन्तर लागिरहेको पोखरा ५, मालेपाटनमा रहेको सूर्यचन्द्र विकास समाजले आज निःशुल्क रक्त परिक्षण तथा स्वास्थ्य सचेतना कार्यक्रम सम्पन्न गरेको छ । सो कार्यक्रममा २०५ जनाको रक्त परिक्षण तथा स्वास्थ्य जाँच गरिएको समाजले जानकारी दिएको छ ।
समाजले विश्व मधुमेह दिवसको अवसरमा गण्डकी प्रदेशको पहिलो युनाईटेड रेफरेन्स ल्याबोरेटरीको प्राविधिक सहयोगमा निःशुल्क रक्त परिक्षण एवम् स्वास्थ्य सचेतना कार्यक्रम आयोजना गरेको हो ।
समाजका अध्यक्ष सावित्री कोईरालाको अध्यक्षतामा भएको कार्यक्रमका प्रमुख अतिथि पोखरा महानगरपालिका वडा नं ५ का वडाध्यक्ष विष्णुप्रसाल वरालले सामाजिक सेवाका क्षेत्रमा पहिचान बनाएको समाजले नागरिकलाई स्वास्थ्य सचेतना र परिक्षणको कार्य गर्नु सह्रानिय कार्य भएको बताए ।
पोखरा स्वास्थ्य विज्ञान प्रतिष्ठानका वरिष्ठ फिजिसियन डा.कृष्णराज अधिकारीले आफ्नो स्वास्थ्यको हेरचाहका लागि स्वयं नागरिक सचेत हुनुपर्ने बताए । आनिबानि, आहार बिहार, खानपानमा विशेष ध्यान दिनुपर्ने बताए उनले बेला बेलामा स्वास्थ्य जाँच गराईरहनु पर्छ, उनले भने, यसो गरियो भने शरिको कुन अंगमा के समस्या भएको हो पत्ता लाग्ने र त्यसको समयमै उपचार गर्न सकिने बताए ।
युनाइटेड रेफरेन्स ल्याबोरेटरीका अध्यक्ष ठाकुर प्रसाद पन्तले गण्डकी पहिलो पटक खुलेको संस्था नागरिकको स्वास्थ्यका लागि दत्तचित्त भएर काम गरिरहेको बताए । हामी सिकिस्त भएपछि अस्पताल जाने र ज्यान जोेखिममा परिसकेको अवस्थामा चेत खुल्ने बानिलाई बदल्न जरुरी रहेको बताए ।
कार्यक्रममा वडा नं ५ का वडा सदस्यहरु हरिमाया विश्वकर्मा, कल्पना भुवाजी क्षेत्री, गोविन्द पराजुली, मणिराम वरालको उपस्थिति रहेको थियो ।
युआरएलका प्रवन्धक गणेश कोईराला, सल्लाहकार वालकृष्ण शर्मा, वाराही मावि व्यवस्थापन समितिका अध्यक्ष वसन्तराज कोइराला, प्रधानाध्यापक शिवप्रसाद भण्डारी, धर्मस्थली आधारभूत विद्यालय व्यवस्थापन समितिका अध्यक्ष लक्ष्मण कोईराला, प्रधानाध्यापक वदन कुमार शर्मा, कञ्चन बचतका अध्यक्ष कृष्ण वराल, धर्मस्थली बचतका अध्यक्ष सारदा बहादुर थापा, केशवप्रसाद कोईराला, विभिन्न संघ संस्थाका प्रतिनिधि तथा आमा समूहका सदस्यहरुको सहभागिता थियो । कार्यक्रमकाे सञ्चालन समाजका महासचिव दीपक वरालले गरेका थिए ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=20021, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ कार्तिक १८, मंगलवार १५:०१लायन्स क्लब अफ पोखराको स्वर्ण महोत्सव मंसिर ५ गते, १२ सय जनाको सहभागिता रहने- समाचार२०८३ कार्तिक १७, सोमबार ११:२२कास्की आइडल–२ को गायनतर्फ अमृत र नृत्यतर्फ गौमाया विजेता
- समाचार२०८३ कार्तिक १७, सोमबार ११:११पोखरामा बुधबारदेखि नवौं गोदावरी पुष्प प्रदर्शनी तथा फूल मेला हुने
- समाचार२०८३ कार्तिक १६, आईतवार ०८:२२युनाइटेड क्लबको देउसीभैलोबाट विपद् कोषमा सहयोग जुटाइँदै, कार्यक्रमअघि नै जुट्यो एक लाख रुपैयाँ
