दशौँ धादिङ महोत्सव हुँदै
धादिङबेशी,६ पौष । धादिङ जिल्लाको दीगो विकास र आर्थिक सशक्तीकरणलाई लक्ष्य गर्दै धादिङ उद्योग वाणिज्य संघको आयोजनामा “दशौँ धादिङ महोत्सव–२०८२” हुने भएको छ। महोत्सव यही माघ १५ गतेदेखि २५ गतेसम्म नीलकण्ठ नगरपालिका–३, धादिङबेसीमा सञ्चालन हुनेछ।
“धादिङको दीगो विकास र अर्थतन्त्रको आधार– कृषि, जलस्रोत, पर्यटन तथा उद्योगको पूर्वाधार” भन्ने मूल नाराका साथ आयोजना हुने महोत्सवले जिल्लाको कृषि उत्पादन, स्थानीय उद्योग, पर्यटन सम्भावना र सांस्कृतिक पहिचानलाई प्रवर्द्धन गर्ने धादिङ उद्योग बाणिज्य संघका अध्यक्ष रामकुमार डल्लाकोटीले बताउनु भयो ।
महोत्सवमा धादिङको पहिचान झल्काउने स्थानीय तरकारी, सल्यानटारको मास, गणेश हिमाल क्षेत्रको पर्यटन तथा त्रिशूली नदीको र्याफ्टिङ जस्ता विषयवस्तुहरू विशेष आकर्षणको रूपमा प्रस्तुत गरिनेछ। यसका साथै, स्थानीय तथा राष्ट्रिय कलाकारहरूको सांस्कृतिक प्रस्तुति, कृषि तथा औद्योगिक प्रदर्शनी, व्यापारिक स्टल, मनोरञ्जनात्मक कार्यक्रम र विविध खानाका परिकारहरू समेत समावेश गरिने जनाइएको छ।
आयोजकले महोत्सवलाई सफल बनाउन सबैमा सहभागिता जनाई सहयोग गर्न आग्रह गर्दै महोत्सवले स्थानीय उत्पादनको बजारीकरण, रोजगारी सिर्जना र पर्यटन प्रवर्द्धनमा टेवा पुग्ने विश्वास व्यक्त गरेको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८३ असार २७, शनिबार २१:४६आज आमने-सामने हुँदै हालान्ड र केन, कसको खेल कस्तो?- स्वास्थ्य/जानकारी टिप्स२०८३ असार २७, शनिबार १३:४८बुद्धनगरमा आत्मदाह प्रयास गरेका राउतकाे आईसीयूमा उपचार हुँदै
- कला, विचार/मनोरञ्जन२०८३ असार २७, शनिबार १२:३६‘माया भनेकै यस्तो होला’को पोस्टर सार्वजनिक, दिलको हल्दी डे झल्कियो
- कला, विचार/मनोरञ्जन२०८३ असार २७, शनिबार ११:३२निर शाहको ‘कमला मिस’ को पोस्टर सार्वजनिक
