बागमती प्रदेश स्तरिय मनोज स्मृति कप महिला भलिबलको उपाधी धादिङलाई
धादिङ,१२ पुस
बागमती प्रदेश स्तरीय अन्तर जिल्ला मनोज स्मृति कप महिला भलिबल प्रतियोगिताको उपाधी धादिङले जितेको छ ।सिन्धुपाल्चोकलाई सोझो सेटमा पराजित गर्दै धादिङ च्याम्पियन बनेको हो। फाइनल खेलमा धादिङले सिन्धुपाल्चोकलाई २५–१०, दोस्रो सेट २५–६ र तेस्रो सेट २५–७ को फराकिलो अन्तरले हराएको हो ।धादिङले उपाधी हात पारेसँगै नगद २ लाख रुपैयाँ पुरस्कार जितेको छ । फाईनलमा पराजित भएको उपविजेतामा चित्त बुझाएको सिन्धुपाल्चोकले १ लाख रुपैयाँ हात पारेको छ।
यस्तै तेस्रो स्थानका लागि भएको खेलमा रामेछापले नुवाकोटलाई पराजित गर्दै ५० हजार रुपैयाँ पुरस्कार जितेको छ। प्रतियोगिता अवधिमा विभिन्न विधामा उत्कृष्ट प्रर्दशन खेलाडीहरुलाई पनि पुरस्कृत गरीएको छ । जसमा बेस्ट स्पाइकरः सलिना गुरुङ (धादिङ),बेस्ट डिफेन्डरः जमुना गुरुङ (धादिङ),बेस्ट सेटरः भावना तामाङ (धादिङ),बेस्ट ब्लकरः वाल्मिका आचार्य (धादिङ),बेस्ट सर्भरः एलिसा श्रेष्ठ(रामेछाप),उत्कृष्ट खेलाडीः रेविका तामाङ (धादिङ) ले जित्नुभएको छ ।
धादिङ जिल्ला भलिबल संघका अध्यक्ष अमृत गुरुङ (तिलक) को अध्यक्षतामा सम्पन्न भएको कार्यक्रममा नीलकण्ठ नगरपालिकाका नगर प्रमुख तथा नेपाल नगरपालिका संघका अध्यक्ष भीमप्रसाद ढुङ्गानाको प्रमुख आतिथ्यता रहेको थियो । धादिङबेसीमा पुस ९ गतेदेखि सञ्चालन भएको बागमती प्रदेश स्तरीय अन्तरजिल्ला मनोज स्मृति कप महिला भलिबल आज सम्पन्न भएको हो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८३ जेष्ठ १२, मंगलवार १३:३८प्रधान सेनापति राष्ट्रिय खुला टेनिस प्रतियोगिता सम्पन्न- कला, विचार/मनोरञ्जन२०८३ जेष्ठ १२, मंगलवार १०:४१चलचित्र ‘कुम्भ’ को एक्सन प्याक ट्रेलर सार्वजनिक
- खेलकुद२०८३ जेष्ठ ११, सोमबार २३:१०पलेशाले दिलाइन् नेपाललाई कास्य
- कला, विचार/मनोरञ्जन२०८३ जेष्ठ ११, सोमबार २०:४९‘काजी’को असारे गीत ‘ज्यानको तिर्खा’ मा गरिमा र संदीप
