सिद्धलेकमा गाउँपालिका अध्यक्षसँग आमा समूहको अन्तरक्रिया कार्यक्रम
धादिङबेशी, ७ जेठ । सिद्धलेक गाउँपालिकाले सञ्चालन गरेको “अध्यक्षसँग आमा समूह अन्तरक्रिया” कार्यक्रम अन्तिम चरणमा पुगेको छ। जेठ ४ गतेदेखि सुरु भएको कार्यक्रम अन्तर्गत बुधबार वडा नं. ५ र ६ मा अन्तरक्रिया सम्पन्न भएको तथा आज वडा नं. ७ मा कार्यक्रम सम्पन्न भएसँगै औपचारिक रूपमा समापन हुने गाउँपालिकाले जनाएको छ।
गाउँपालिकाका अनुसार पहिलो दिन वडा नं। १ को जलेश्वरी आधारभूत विद्यालय र वडा नं। २ को नलाङ पात्ले माध्यमिक विद्यालयमा अन्तरक्रिया गरिएको थियो। दोस्रो दिन वडा नं. ३ को अमर आदर्श माध्यमिक विद्यालय तथा वडा नं। ४ को मालिका आधारभूत विद्यालयमा कार्यक्रम सञ्चालन गरिएको थियो। बुधबार वडा नं. ५ स्थित बाघबच्छला माध्यमिक विद्यालय र वडा नं. ६ स्थित कुम्पुर आधारभूत विद्यालयमा कार्यक्रम सम्पन्न भएको हो।
बुधबार आयोजित कार्यक्रममा गाउँपालिका अध्यक्ष परशुराम खतिवडा ले स्थानीय आवश्यकता र प्राथमिकताका आधारमा योजना निर्माण गरी गाउँपालिकामा पेश गर्न आमा समूहलाई आग्रह गर्नुभयो। उहाँले जनअपेक्षाअनुसारका योजना कार्यान्वयनमा गाउँपालिका प्रतिबद्ध रहेको बताउनुभयो।
त्यसैगरी गाउँपालिका उपाध्यक्ष सबिता अर्याल ले सीपमूलक तथा उत्पादनमुखी तालिमलाई प्राथमिकतामा राख्दै साबुन निर्माण, घरेलु उत्पादन तथा व्यवसायमुखी कार्यक्रमका प्रस्ताव गाउँपालिकामा ल्याउन आमा समूहलाई आग्रह गर्नुभयो।
कार्यक्रममा वडा नं. ५ का वडा अध्यक्ष बुधे घले, वडा नं. ६ का वडा अध्यक्ष सुरेन्द्र कुमार मगर, शाखा प्रमुख, कर्मचारी, आमा समूहका प्रतिनिधि तथा स्थानीयवासीको सहभागिता रहेको थियो।
गाउँपालिकाले आमा समूहलाई सामाजिक रूपान्तरण, सामाजिक सचेतना तथा स्थानीय विकासका साझेदारका रूपमा सशक्त बनाउने उद्देश्यले कार्यक्रम सञ्चालन गरिएको जनाएको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार २९, सोमबार ०८:१३‘गौँथली’को अनौठो प्रचार अभियान : डोकोमा घाँस बोकेर सडकमा उत्रिइन् अभिनेत्री सिम्रन- कला, विचार/मनोरञ्जन२०८३ असार २९, सोमबार ०८:०१‘ड्रेस टु इम्प्रेस’ १३ औँ संस्करणमा चार फेशन डिजाइनर भए उत्कृष्ट
- कला, विचार/मनोरञ्जन२०८३ असार २९, सोमबार ०७:४४ईन्फा अवार्ड-२०२६ को उत्कृष्ट पाँच मनोनयन सार्वजनिक
- समाचार२०८३ असार २८, आईतवार १९:०९धादिङबेसीमा सामुदायिक वनको संक्षिप्त कार्ययोजना सम्बन्धी छलफल
