गृहमन्त्रीमा सुधन गुरुङ र विज्ञान, प्रविधि तथा नवप्रवर्तन मन्त्रीमा महावीर पुन सिफारिस
काठमाडौं । प्रधानमन्त्री बालेन्द्र शाहले प्रतिनिधिसभा सदस्य सुधन गुरुङलाई गृहमन्त्रीमा नियुक्तिका लागि राष्ट्रपति रामचन्द्र पौडेलसमक्ष सिफारिस गरेका छन्।
सिफारिसअनुसार गुरुङले आज दिउँसो ३ बजे राष्ट्रपति पौडेलबाट पद तथा गोपनीयताको शपथ लिने कार्यक्रम रहेको छ। यसअघि उनी चैत १३ गते गृहमन्त्री नियुक्त भएका थिए। सम्पत्ति विवरणसम्बन्धी विषयमा प्रश्न उठेपछि उनले पदबाट राजीनामा दिएका थिए।
गुरुङको कार्यकालका क्रममा उठेका सार्वजनिक सरोकारका विषयमा अध्ययन तथा छानबिन गर्न सरकारले समिति गठन गरेको थियो। पूर्वन्यायाधीश अच्युतप्रसाद भण्डारीको अध्यक्षतामा गठित समितिले शुक्रबार प्रधानमन्त्री शाहलाई आफ्नो प्रतिवेदन बुझाएको थियो।
आज बसेको मन्त्रिपरिषद् बैठकले उक्त समितिले पेस गरेको प्रतिवेदन ग्रहण गर्दै गुरुङलाई पुनः गृहमन्त्रीमा सिफारिस गर्ने निर्णय गरेको जनाएको छ।
त्यसैगरी, प्रधानमन्त्री शाहले विज्ञान, प्रविधि तथा नवप्रवर्तन मन्त्रीमा प्रतिनिधिसभा सदस्य महावीर पुनलाई सिफारिस गरेका छन्। पुनले पनि आजै राष्ट्रपति पौडेलबाट पद तथा गोपनीयताको शपथ लिने कार्यक्रम तय भएको छ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=21817, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ आश्विन २७, मंगलवार १२:५७प्रदेशका अधिकार र समस्या संघको प्राथमिकतामा परेनन् : मुख्यमन्त्री पाण्डे- समाचार२०८३ आश्विन २७, मंगलवार १२:३०बालहितकारी परियोजना नेपालको सामाजिक परीक्षण सम्पन्न, बाल संरक्षण र पुनःस्थापनामा जोड
- समाचार२०८३ आश्विन २६, सोमबार १४:३३असल छिमेकी सहकारीको अध्यक्षमा अधिकारकर्मी सुवेदी
- समाचार२०८३ आश्विन २६, सोमबार १४:१९असल छिमेकी सहकारीकाे १७औँ वार्षिक साधारण सभा
