दुई महिने सिलाइ–कटाइ तालिम सकियो
धादिङ,१३ असार
धादिङको नेत्रावती डबजोङ गाउँपालिकाको आयोजनामा सञ्चालन गरिएको दुई महिने सिलाइ–कटाइ तालिम सम्पन्न भएको छ। गाउँपालिकाको महिला सीपमूलक तालिम कार्यक्रमअन्तर्गत २०८३ वैशाख १३ गतेदेखि सुरु भएको तालिम शुक्रबार सम्पन्न भएको हो।
तालिममा गाउँपालिकाको वडा नम्बर १ र २ का २१ जना महिलाको सहभागिता रहेको थियो। तालिमपछि सहभागीहरू कुर्ता, भोटो, टोपी, सर्ट, पाइन्ट, चोलोलगायत विभिन्न पोशाक सिलाउन सक्षम भएका छन् ।
समापन समारोहमा सहभागी महिलाहरूले स्वागत गीतमार्फत आगामी दिनमा उन्नत (एडभान्स) सिलाइ–कटाइ तालिम सञ्चालन गर्न गाउँपालिकासँग आग्रह गरेका थिए। कार्यक्रमलाई सम्बोधन गर्दै नेत्रावती डबजोङ गाउँपालिकाका प्रवक्ता ठाकुर गुरुङले महिलालाई आत्मनिर्भर बनाउने उद्देश्यका साथ यस्ता सीपमूलक तालिमलाई आगामी दिनमा पनि निरन्तरता दिइने बताउनुभयो। उहाँले तालिमबाट सिकेका सीपलाई व्यवहारमा लागू गर्दै स्वरोजगार र आयआर्जनका गतिविधिमा सक्रिय हुन सहभागीहरूलाई आग्रह गर्नुभयो।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ श्रावण ७, बिहीबार ०८:३५‘एन्जिला’ उत्कृष्ट चलचित्र बन्दै ४ हजार डलरको अवार्ड जित्यो- कला, विचार/मनोरञ्जन२०८३ श्रावण ६, बुधबार २२:०८निर्देशक सन्तोषले चलचित्र जाँचपासबाट प्राप्त भत्ता कलाकार थापाको उपचारमा सहयोग
- खेलकुद२०८३ श्रावण ६, बुधबार २०:२९१२१ देशका ४७२ खेल पत्रकारले गरे मेस्सीलाई उत्कृष्ट खेलाडी घोषणा
- स्वास्थ्य/जानकारी टिप्स२०८३ श्रावण ६, बुधबार १८:०९मन्त्रीको उपस्थितिमा आयुर्वेद तथा वैकल्पिक चिकित्सा सुधारका लागि उच्चस्तरीय छलफल
