चिल्ड्रेनपार्क आवासीय माध्यमिक विद्यालयमा मनोपरामर्श तथा उत्प्रेरणा कार्यक्रम सम्पन्न, विद्यार्थीहरु उत्साहित

धादिङ,३१ साउन
चिल्ड्रेनपार्क आवासीय माध्यमिक विद्यालयको आयोजनामा आगामी एसईई परीक्षालाई लक्षित गर्दै एकदिने विद्यार्थी मनोपरामर्श तथा उत्प्रेरणा कार्यक्रम सम्पन्न भएको छ। कक्षा १० का विद्यार्थीमा देखिन सक्ने मनोसामाजिक समस्या न्यूनीकरण गर्नुका साथै परीक्षाको प्रभावकारी तयारी, आत्मविश्वास अभिवृद्धि र मानसिक सुस्वास्थ्य कायम गर्ने उद्देश्यले कार्यक्रम आयोजना गरिएको विद्यालयले जनाएको छ।

विद्यालयका प्रिन्सिपल षष्टिकुमार श्रेष्ठका अनुसार एसईई परीक्षाको तयारीका क्रममा विद्यार्थीमा देखिने तनाव, डर, अन्योल तथा विभिन्न मनोसामाजिक समस्यालाई कम गर्दै उनीहरूलाई सकारात्मक सोचका साथ अघि बढ्न प्रेरित गर्ने उद्देश्यले कार्यक्रम सञ्चालन गरिएको हो।कार्यक्रममा नीलकण्ठ नगरपालिकाका मनोसामाजिक परामर्शकर्ता रामकुमार थापाले विद्यार्थीलाई मानसिक स्वास्थ्य, सकारात्मक सोच, लक्ष्य निर्धारण तथा एसईई परीक्षाको प्रभावकारी तयारीलगायतका विषयमा सहजीकरण गर्नुभएको थियो।

उहाँले परीक्षा जीवनको एउटा महत्वपूर्ण चरण भए पनि यसलाई अनावश्यक डर र तनावका रूपमा लिन नहुने बताउँदै नियमित अध्ययन, समय व्यवस्थापन, आत्मविश्वास र सकारात्मक सोचका साथ तयारी गर्न विद्यार्थीलाई प्रेरित गर्नुभएको थियो।कार्यक्रमपछि विद्यार्थीहरूले आफूले जानेर वा नजानेर गरेका कतिपय गल्तीलाई आत्मसमीक्षा गर्दै आगामी दिनमा ती गल्ती नदोहो¥याउने प्रतिबद्धता व्यक्त गरेका छन्। कार्यक्रमले आफ्नो सोच र दृष्टिकोणमा सकारात्मक परिवर्तन ल्याएको भन्दै विद्यार्थीहरूले अबदेखि आफ्नो भविष्य निर्माणसँगै परिवारका सपना साकार पार्न थप मेहनत र अनुशासनका साथ अघि बढ्ने उद्घोष गरेका छन्।विद्यालयले यस्ता कार्यक्रमले विद्यार्थीलाई केवल परीक्षाका लागि मात्र नभई जीवनका चुनौती सामना गर्न सक्षम, आत्मविश्वासी र सकारात्मक व्यक्तित्व निर्माण गर्नसमेत महत्वपूर्ण योगदान पुग्ने विश्वास व्यक्त गरेको छ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।

यो पनि पढ्नुहोस् : पुछारबजार टोल विकास संस्थाको अध्यक्षमा शरणकुमार श्रेष्ठ निर्वाचित