डोटीको केआईसिंहमा अटो दुर्घटना, एक महिलाको मृत्यु
डोटी- डोटीमा अटो दुर्घटना हुँदा एक महिलाको मृत्यु भएको छ भने चार जना घाइते भएका छन्।
बिहीबार दिउँसो डोटीको केआईसिंह गाउँपालिका–४ बास्कोटस्थित दिपायल–बोगटान भित्री सडकखण्डमा वायलबाट देउरडीतर्फ जाँदै गरेको सु.प.प्र.०१००१ ह ८६८४ नम्बरको अटो दुर्घटना भएको हो।
प्रहरीका अनुसार केआईसिंह गाउँपालिका–३ बासुदेवीका करिब २४ वर्षीय दिपेन्द्र बमले चलाएको अटोको ब्रेक फेल भई सडकको दायाँतर्फको नालीमा पल्टिएको थियो।
दुर्घटनामा परी अटोमा सवार पाँच जना घाइते भएका थिए। घाइतेमध्ये केआईसिंह गाउँपालिका–३ डल्लाकी ५५ वर्षीया लछु ऐरको उपचारको लागि लैजादै गर्दा बाटोमै मृत्यु भएको जिल्ला प्रहरी कार्यालय डोटीका प्रहरी नायब उपरीक्षक रण बहादुर चन्दले जानकारी दिनुभएको छ।
दुर्घटनामा केआईसिंह गाउँपालिका–२ देउगडाकी ३५ वर्षीया गौरीदेवी मल्ल, वडा नं. ३ बासुदेवीकी ५५ वर्षीया हरिनादेवी बम, वडा नं. ३ डल्लाकी १५ वर्षीया चेतना ऐर र ४५ वर्षीया मातादेवी ऐर घाइते भएका छन्।
घाइतेहरूलाई उपचारका लागि महाकाली अस्पताल, राजपुर डोटी ल्याइएको प्रहरीले जनाएको छ।।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८३ आश्विन १९, सोमबार १९:१२नुवाकोटका बाढीपीडितलाई कोरियन मेडिकल एशोसिएसनको राहत- समाचार२०८३ आश्विन १९, सोमबार १८:५२भूमिहीन समस्या समाधान सरकारको उच्च प्राथमिकतामा: प्रधानमन्त्री शाह
- स्वास्थ्य/जानकारी टिप्स२०८३ आश्विन १९, सोमबार १५:५५बाढी प्रभावित रसुवामा छ दिने निःशुल्क स्वास्थ्य तथा दन्त शिविर सञ्चालन
- कला, विचार/मनोरञ्जन२०८३ आश्विन १९, सोमबार १३:२३आईआईएफटी स्पेस एन्ड डिजाईन प्रतिस्पर्धामा रुची, दिपेश, विवेक र एन्जल उत्कृष्ट
