व्यवसायीको सुझाव सुन्दै घरदैलोमा उत्तममान बुद्धाचार्य
पोखरा । पोखरा उद्योग वाणिज्य संघको ३६औँ महाधिवेशन नजिकिँदै जाँदा अध्यक्ष पदका उम्मेदवार उत्तममान बुद्धाचार्य व्यवसायी भेटघाट तथा घरदैलो अभियानमा व्यस्त भएका छन्।
बुद्धाचार्यले पोखराका विभिन्न क्षेत्रका उद्योगी व्यवसायीकलाई भेटघाट गर्दै उनीहरूका समस्या, सुझाव र अपेक्षा सुनिरहेका छन्। घरदैलोका क्रममा उनले व्यवसायीहरूसँग प्रत्यक्ष संवाद गर्दै आगामी नेतृत्वबाट उनीहरूले चाहेको विषयबारे जानकारी लिइरहेका छन्।
व्यवसायीका दैनिक समस्या, बजारको अवस्था, पार्किङ तथा सामान ढुवानीलगायतका विषयमा व्यवसायीसँग प्रत्यक्ष छलफल भइरहेको उनको भनाइ छ।
‘उहाँहरूको सुझाव र अपेक्षालाई आगामी योजनामा समेटेर अघि बढ्ने मेरो प्रयास हो,’ बुद्धाचार्यले भने।
लामो समयदेखि व्यवसायमा सक्रिय रहँदै आएका बुद्धाचार्यले पोखरा उद्योग वाणिज्य संघमा सदस्य, वाणिज्य उपाध्यक्ष हुँदै वरिष्ठ उपाध्यक्षको जिम्मेवारी सम्हालिसकेका छन्। यही अनुभवका आधारमा संघलाई अझ व्यवसायीमैत्री, पारदर्शी, प्रविधिमैत्री र परिणाममुखी बनाउने योजना उनले अघि सारेका छन्।
बुद्धाचार्यले सार्वजनिक गरेको १७ बुँदे प्रतिबद्धतामा व्यवसायीका लागि एकद्वार सहायता केन्द्र, व्यवसायिक डाटा बैंक, एआई तथा डिजिटल प्रविधिको प्रयोग, युवा तथा महिला उद्यमशीलता प्रवर्द्धन,अभियानलगायतका कार्यक्रम समेटिएका छन्।
घरदैलोका क्रममा व्यवसायीबाट प्राप्त सुझावलाई आफ्नो अभियानको महत्वपूर्ण आधारका रूपमा लिँदै बुद्धाचार्यले साना ठूला सबै व्यवसायीलाई समेटेर संघलाई साझा संस्थाका रूपमा अघि बढाउने प्रतिबद्धता व्यक्त गरेका छन्। पोखरा उद्योग वाणिज्य संघको ३६औँ महाधिवेशन भदौ २० र २१ गते हुँदैछ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=22470, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ कार्तिक १९, बुधबार १८:५९अब आफ्ना सवाल आफैँ उठाउनेछन् दृष्टिविहीन युवा र महिला, पोखरामा पहिलो राष्ट्रिय भेला- समाचार२०८३ कार्तिक १८, मंगलवार १५:०१लायन्स क्लब अफ पोखराको स्वर्ण महोत्सव मंसिर ५ गते, १२ सय जनाको सहभागिता रहने
- समाचार२०८३ कार्तिक १७, सोमबार ११:२२कास्की आइडल–२ को गायनतर्फ अमृत र नृत्यतर्फ गौमाया विजेता
- समाचार२०८३ कार्तिक १७, सोमबार ११:११पोखरामा बुधबारदेखि नवौं गोदावरी पुष्प प्रदर्शनी तथा फूल मेला हुने
