तीजको दरको पैसा कटाएर बाढीपीडितलाई सहयोग, महाकालेश्वर महिला समूहले दियो ३५ हजार ५ सय
पोखरा, दीपेन्द्र ढकाल (राजु)। भोटेकोशी हुँदै त्रिशूली नदीमा आएको विनाशकारी बाढीपहिरोबाट प्रभावित तथा पीडित परिवारका लागि पोखरा–११, फूलबारीस्थित महाकालेश्वर आदर्श महिला समूहले आर्थिक सहयोग गरेको छ।
बाढीपहिरोबाट ठूलो धनजनको क्षति भएपछि पीडितहरूको राहतमा सहयोग पुगोस् भन्ने उद्देश्यले समूहले आफ्ना सदस्यहरूको व्यक्तिगत तथा संस्थागत रकम संकलन गरी प्रधानमन्त्री दैवी प्रकोप राहत कोषमा ३५ हजार ५ सय रुपैयाँ सहयोग गरेको हो।
विशेषगरी, समूहले तीजको दर खाने खर्चमा कटौती गरेर समेत राहतका लागि रकम जुटाएको जनाएको छ। चाडपर्वमा हुने खर्चलाई केही कटौती गर्दै विपद्मा परेका नागरिकको पीडामा साथ दिन पाउँदा आफूहरूलाई खुशी लागेको समूहका पदाधिकारी तथा सदस्यहरूले बताएका छन्।
भोटेकोशी हुँदै त्रिशूली नदीमा आएको बाढीले विभिन्न क्षेत्रमा पुर्याएको क्षति र त्यसबाट प्रभावित नागरिकको अवस्थाप्रति दुःख व्यक्त गर्दै समूहले आफ्नो सानो सहयोगले भए पनि पीडित परिवारको राहतमा योगदान पुग्ने विश्वास व्यक्त गरेको छ।
महाकालेश्वर आदर्श महिला समूहले विपद्को समयमा सबैले आ–आफ्नो क्षमताअनुसार सहयोग गर्दै पीडितको दुःखमा साथ दिनुपर्नेमा जोड दिएको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
स्वास्थ्य/जानकारी टिप्स२०८३ भाद्र २९, सोमबार २१:३६रसुवा बाढीका ३४१ बिरामीमध्ये २७८ घर फर्किए- समाचार२०८३ भाद्र २९, सोमबार २०:३०बाढीपछिको पुनःस्थापनाका लागि स्रोतको कुनै कमी हुँदैनः प्रधानमन्त्री शाह
- समाचार२०८३ भाद्र २९, सोमबार १७:२९अन्तराष्ट्रिय धादिङ समाजको आयोजनामा बैरेनी अस्पतालमा दुई दिने नि:शुल्क विशेषज्ञ स्वास्थ्य शिविर सम्पन्न,२३५ जना लभान्वित
- कला, विचार/मनोरञ्जन२०८३ भाद्र २९, सोमबार ११:३२आमाको पर्खाइ र दशैँको भावनासहित ‘आ बाट आमा २’ को फस्टलुक
