नीलकण्ठ–५ मा विपद व्यवस्थापन सम्बन्धि बिद्यालय अनुशिक्षण कार्यक्रम

धादिङ,२६ जेठ ।
नीलकण्ठ नगरपालिकामा विपद व्यवस्थापन सम्बन्धि बिद्यालय अनुशिक्षण कार्यक्रम सम्पन्न भएको छ ।

नगरपालिकाको वडा नम्बर–५ स्थित पञ्चकन्या आधारभूत विद्यालयमा विपद व्यवस्थापन सम्बन्धि अनुशिक्षण कार्यक्रम गरिएको हो । कार्यक्रम नीलकण्ठ नगरपालिका वन, वातावरण तथा विपद व्यबस्थापन शाखाको आयोजनामा संचालन भएको हो ।

कार्यक्रममा विपद् व्यवस्थापनको पूर्वतयारी, जनचेतना र आवश्यक सतर्कता अपनाउने उपायहरूबारे जानकारी गराईएको थियो । विपद् व्यवस्थापनको अभ्यासस्वरूप नगरप्रहरीद्वाराकिचनमा प्रयोग हुने सामान्य घरेलु बस्तुहरुकै प्रयोगबाट सिलिन्डरमा लागेको आगो नियन्त्रण गर्ने उपायको कृत्रिम घटनाको प्रदर्शनसमेत गरिएको थियो ।

विद्यालय व्यवस्थापन समितिका अध्यक्ष नेम बहादुर श्रेष्ठको अध्यक्षता भएको कार्यक्रममा नगरपालिकाका प्रमुख प्रशासकीय अधिकृत पुरुषोत्तम सुवेदीको प्रमुख आतिथ्य रहेको थियो । कार्यक्रममा वडा नं– ५ का वडा अध्यक्ष राम बहादुर श्रेष्ठ, विद्यालयकी प्रधानाध्यापक प्रमिला अधिकारी लगायत शिक्षक तथा विद्यार्थीहरुको उपस्थिति रहेको थियो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।