नीलकण्ठ–८ मा संचालित घुम्ती शिविरमा ८ सय ५४ जनाले सेवा लिए
धादिङ, असार १ गते ।
नीलकण्ठ नगरपालिका–८ मा सञ्चालन गरिएको एकीकृत घुम्ती शिविरमार्फत ८ सय ५४ जनाले निःशुल्क सेवा प्राप्त गरेका छन्। नीलकण्ठ नगरपालिकाको आयोजनामा वडा नं ८ को प्राङ्गणमा सम्पन्न शिविरमा स्वास्थ्य, कृषि, पशुसेवा लगायतका विभिन्न सेवा सहज रूपमा उपलब्ध गराइएको हो।
नगर प्रमुख भीम प्रसाद ढुङ्गानाको प्रमुख आतिथ्यतामा उद्घघाटन गरिएको शिविरसँगै निःशुल्क फिजियोथेरापी सेवा पनि सञ्चालनमा ल्याइएको छ। शिविर उद्घाटनसँगै सञ्चालनमा ल्याइएको फिजियोथेरापी सेवा अब नियमित रूपमा उपलब्ध हुने नीलकण्ठ नगरपालिकाका प्रवक्ता तथा वडा नं ८ का वडाध्यक्ष प्रकाश कुमार श्रेष्ठले बताउनुभयो ।
एकीकृत घुम्ती शिविरमा १२३ जनाको आँखा परीक्षण गरिँदा १० जनामा मोतिविन्दुको समस्या देखिएको छ। ४४ जनाको पाठेघर जाँच गर्दा २ जनामा क्यान्सरको प्रारम्भिक अवस्था पत्ता लागेको छ। १२० जनाले आयुर्वेद सेवा, १५० जनालाई औषधि वितरण, १७१ जनाको सामान्य स्वास्थ्य परीक्षण गरिएको थियो।
यसैगरी, १२५ जनाले कृषि सेवा, ९ जनाले गोवर परीक्षण, १४ वटा कुकुरलाई एन्टि–रेविज खोप, ३६ जनाको खकार संकलन, ५५ जनाले रोजगार परामर्श र ७ जनाले जेष्ठ नागरिक परिचयपत्र सेवा लिएको अध्यक्ष श्रेष्ठले जानकारी दिनुभयो । यस्तै शिविरमा ९३७ जनाले पशुपंछीको उपचार तथा परामर्श र पशुबन्ध्याकरण लगायतका सेवा लिएका छन् ।
वडाध्यक्ष प्रकाश कुमार श्रेष्ठका अनुसार, “यस किसिमका शिविरहरू नगरवासीहरूलाई सहज रूपमा आवश्यक सेवा प्रदान गर्ने उद्देश्यले सञ्चालन गरिएको हो। यसले स्वास्थ्य, सामाजिक र आर्थिक पक्षमा टेवा पुग्ने विश्वास लिएका छौं।”
यस्तै, असार २ गते अर्थात भोलिदेखि नीलकण्ठ–८ रामकोट हटियामा रहेको अनन्त आशा नेपालको आरोहण शिक्षालय तालिम केन्द्रमा तीनदिने दन्त शिविर सञ्चालन हुने जनाइएको छ।
नगरपालिकाले नागरिकको हितलाई ध्यानमा राख्दै यस्ता कार्यक्रमहरू आगामी दिनमा पनि निरन्तर सञ्चालन गर्ने जनाएको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८२ कार्तिक २४, आईतवार १५:५३केदार घिमिरेद्वारा चलचित्र पत्रकार कल्याणकारी कोषमा २५ हजार सहयोग- समाचार२०८२ कार्तिक २४, आईतवार १३:३२शहीद मेमोरियल अस्पताल धादिङको साधारणसभा सम्पन्न,अध्यक्षमा पुनः श्रेष्ठ निर्वाचित
- कला, विचार/मनोरञ्जन२०८२ कार्तिक २४, आईतवार ०९:०८सन्तोष र प्रियनाको ‘बयान’ ले मिलियन भ्युज पार्यो
- समाचार२०८२ कार्तिक २४, आईतवार ०६:४९सार्वजनिक सेवा प्रसारण (पिएसबी) नेपालको प्रथम वार्षिकोत्सवमा राष्ट्रपति पौडेल सहभागी हुने
