खाल्टेमा गृहिणी महिलाहरूलाई ढाका बुन्ने तान हस्तान्तरण
धादिङ,६ साउन
नीलकण्ठ नगरपालिका वडा नम्बर ५ खाल्टेमा गृहिणी महिलाहरूलाई आत्मनिर्भर बनाउने उद्देश्यले ढाका कपडा बुन्ने तान हस्तान्तरण गरिएको छ। गृहणी महिला सशक्तिकरण कार्यक्रम अन्तरगत बाग्मती प्रदेश सरकार तथा नीलकण्ठ नगरपालिकाको संयुक्त सहकार्यमामा ढाकाको तान हस्तान्तरण गरिएको हो।
खाल्टेमा सोमबार एक कार्यक्रमका बिच २१ जना गृिहणी महिलाहरूलाई तान हस्तान्तरण गरिएको हो। कार्यक्रम मनकामना ढाका उद्योगकी अध्यक्ष फुलमाया श्रेष्ठको अध्यक्षतामा सम्पन्न भएको कार्यक्रममा नगरपालिकाका वरिष्ठ जनस्वास्थ्य अधिकृत विष्णु प्रसाद रिजालको प्रमुख आतिथ्यता, वडा नं ५ का वडा सदस्य प्रेमबहादुर मगर, महिला विकास निरीक्षक निर्मला के.सी. लगायतको आतिथ्यता रहेको थियो।
प्रमुख अतिथि रिजालले महिलाहरूलाई आर्थिक तथा सामाजिक दृष्टिले सशक्त बनाउन यस्तो कार्यक्रम आवश्यक रहेको बताउनुभयो। उहाँले उत्पादित ढाका सामग्रीको बजार सुनिश्चित गरिने प्रतिबद्धता समेत व्यक्त गर्नुभयो ।नगरपालिकाले खाल्टेका गृहिणी महिलाहरूले व्यवसाय दर्ता गराएको आधारमा समुहलाई एक लाख बीउ पुंजी समेत प्रदान गरेका छ ।नीलकण्ठ नगरपालिकाको चौध वडा मध्ये पाँच वटा वडामा संचालन भइरहेको यस कार्यक्रममार्फत महिलाहरूलाई आत्मनिर्भर बनाउनुका साथै सामाजिक, आर्थिक तथा स्वास्थ्य सम्बन्धी विषयमा समेत जागरुक बनाउने उद्देश्य लिइएको नगरपालिकाले जानकारी दिएको छ। तलिमको प्राविधिक सहयोग रोयम नेपालले गरेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ पुष १३, आईतवार १९:३५डा. शाक्यको ‘मेरो गीतभित्र’ बजारमा- स्वास्थ्य/जानकारी टिप्स२०८२ पुष १३, आईतवार १५:११गाउँमा विशेषज्ञसहितको स्वास्थ्य शिविर « रिपोर्टर्स नेपाल
- कला, विचार/मनोरञ्जन२०८२ पुष १३, आईतवार १३:३८‘मिरमिरे’मा किन दयाहाङ र सिर्जना नै ?
- समाचार२०८२ पुष १३, आईतवार ११:२५त्रिवेणी कप फुटवल प्रतियोगिता सुरु
