चितवनमा ४० करोडको लागतमा कृषि प्रशोधन उद्योग निमार्ण गरिने
चितवन – भरतपुर महानगरपालिका वडा नम्बर २२ पटिहानीमा नेपालकै ठुलो अत्याधुनिक कृषि प्रशोधन उद्योग निमार्ण थालिएको छ । मेरो किसान लिमिटेडले करिब चालिस करोडको लागतमा उद्योग सहित शीत भण्डार निमार्ण गर्न लागेको हो । कम्पनीको छैटौँ स्थापना दिवसको अवसर पारेर सञ्चालकले सोमवार भूमि पूजासहित शिलान्यास गरेका छन् ।
चितवनका किसानसँगै देशभरका स्थानीय उत्पादकहरूबाट कच्चा पदार्थ सङ्कलन गरेर प्रशोधित वस्तुहरू देशव्यापी वितरण र अन्तर्राष्ट्रिय निर्यात गरिने कम्पनीले जनाएको छ । ८२५ भन्दा बढी कृषि उत्पादनहरूको प्रशोधन सहित विदेश निर्यात गरिने प्रबन्ध निर्देशक अविनाश सिलवालले बताउनुभयो । चितवनको तोरीको तेल, गोलभेँडाको के चप, बेसार, अदुवाको सुठो, अलैँची, कोदो, फापर, मह, कफी लगायत प्रशोधन गरिनेछ ।
मेरो किसान लिमिटेडले विभिन्न मुलुकमा नेपाली उत्पादनको निर्यात गर्दै आएको छ । सोही ठाउँमा तरकारी तथा फलफूलको दीर्घ संरक्षणका लागि शीत भण्डार बनाउन लागिएको छ । कम्पनीका अनुसार पुससम्म निमार्णको काम सकेर उत्पादन थालिने अध्यक्ष चूडामणि गौतमले बताउनुभयो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ फाल्गुन १०, आईतवार १६:१७नेप्से परिसूचक २७ अङ्कले घट्यो- कला, विचार/मनोरञ्जन२०८२ फाल्गुन १०, आईतवार १४:३२विराज र सुपुस्पा फिचर्ड ‘राम नाम सत्य’ को पहिलो गीत सार्वजनिक
- स्वास्थ्य/जानकारी टिप्स२०८२ फाल्गुन १०, आईतवार १३:२१सुदूरपश्चिममा डेङ्गुबाट तीन वर्षमा सात हजारभन्दा बढी प्रभावित
- समाचार२०८२ फाल्गुन १०, आईतवार ११:४९खरानीको थुप्रोमा सत्ताको मृगतृष्णा
