फेवातालमा कार खस्दा एक युवककाे मृत्यु
पाेखरा ।
कास्कीको पोखरा महानगरपालिका–६ पामे (गैह्राको चौतारा नजिक) स्थित फेवातालमा कार खस्दा एक युवाको मृत्यु भएको छ।
मृत्यु हुनेमा स्याङ्जा फेदीखोला गाउँपालिका–५ घर भई हाल पाेखरा महानगरपालिका–७ मासबार बस्ने २४ वर्षीय अदित गुरुङ रहेका छन् ।
आज बिहान करिब २:१० बजे BAA 1582 नम्बरको कारका चालकले सवारी साधनको नियन्त्रण गुमाउँदा गाडी फेवातालमा खसेको प्रहरीले जनाएको छ।
दुर्घटनाको खबर प्राप्त हुनासाथ सशस्त्र प्रहरी बल नेपाल नं. २४ गण हे.क्वा. कालिका, कास्कीबाट स.प्र.उ. बसन्त बहादुर सिंहको कमाण्डमा २१ जनाको टोली (गोताखोर DM सहित) घटनास्थलमा खटिएको थियो।
गोताखोर टोलीले अचेत अवस्थामा चालकलाई ताल बाहिर निकाली थप उपचारको लागि गण्डकी मेडिकल कलेजमा लगेकाेमा अस्पतालले मृत घोषणा गरेको सशस्त्र प्रहरी बलले जनाएको छ ।
दुर्घटनाग्रस्त सवारी साधनलाई क्रेनको सहायताले तालबाट बाहिर निकालिएको छ। घटनाबारे थप अनुसन्धान भइरहेको प्रहरीले जनाएको छ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=20873, citypokhara.com
लेखकको बारेमा
लेखकसँग सम्बन्धित खबरहरु
समाचार२०८२ फाल्गुन २, शनिबार ०९:१६फेवातालमा कार खस्दा एक युवककाे मृत्यु- समाचार२०८२ फाल्गुन १, शुक्रबार ०३:०८निर्वाचन रिपोर्टिङ सम्बन्धी तालिम सम्पन्न
- समाचार२०८२ माघ २९, बुधबार १८:४२चपस कास्कीद्वारा स्व. दिनेश सिटौला र स्व.सुनिल थापाप्रति भावपूर्ण श्रद्धाञ्जली
- समाचार२०८२ माघ २९, बुधबार १८:३६आहा ! रारा पोखरा गोल्डकप : जावलाखेल विजयी, मछिन्द्र २-० ले पराजित
