धादिङबेँसीमा समुह अध्यक्ष गोष्ठी तथा वित्तीय साक्षरता कार्यक्रम संचालन

धादिङबेशी,२९ जेष्ठ । धादिङबेँसीमा समुह अध्यक्ष गोष्ठी तथा वित्तीय साक्षरता सम्बन्धी कार्यक्रम सम्पन्न भएको छ । नेशनल लघुवित्त वित्तीय संस्था लिमिटेड, शाखा कार्यालय धादिङबेँसीले बिहिबार उक्त कार्यक्रम आयोजना गरेको हो ।

संस्थाका अनुसार समूह अध्यक्ष, सदस्य तथा सेवाग्राहीलाई लक्षित गरी वित्तीय ज्ञान, बचत, ऋणको सदुपयोग तथा वित्तीय अनुशासन सम्बन्धी जानकारी प्रदान गर्ने उद्देश्यले कार्यक्रम सञ्चालन गरिएको हो ।

धादिङबेँसीस्थित जनजिविका होटलमा बिहान साढे १० बजेदेखि सञ्चालन भएको कार्यक्रममा स्थानीय सेवाग्राही, समूह प्रतिनिधि तथा सरोकारवालाको सहभागिता रहेको थियो । कार्यक्रममा वित्तीय कारोबारलाई व्यवस्थित बनाउने उपाय, बचतको महत्व, ऋण व्यवस्थापन तथा वित्तीय सचेतनाका विषयमा जानकारी दिइएकोे छ ।

कार्यक्रमका अवसरमा बचततर्फ उत्कृष्ट हुने समूह तथा सदस्यलाई सम्मान गरिएको थियो । बचततर्फ प्रथम स्थान हासिल गर्ने युनिक निगालपानी पुरुष समूहका मनोहर बिक, द्वितीय स्थान हासिल गर्ने बगालेटार महिला समूहकी धनमाया तामाङ र तृतीय स्थान हासिल गर्ने मिलनटोल महिला समूहकी शान्तामाया श्रेष्ठ लाई सम्मान गरिएको थियो ।

नेशनल लघुवित्त वित्तीय संस्था लिमिटेडले समुदायस्तरमा वित्तीय पहुँच विस्तार तथा वित्तीय साक्षरता अभिवृद्धिका लागि यस्ता कार्यक्रम सञ्चालन गर्दै आएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।