मन्त्रीहरुलाई जिम्मेवार बनाउन लागिपरेको छु, हेरफेर गर्न होइन- प्रधानमन्त्री दाहाल
विराटनगर- प्रधानमन्त्री पुष्पकमल दाहाल प्रचण्डले विकास निर्माण र जनताका कामका बारे सरकार संवेदनशिल भएर अगाडि बढ्ने बताउनु भएको छ ।
विराटनगरमा संचारकर्मीहरुसँग कुरा गर्दै प्रधानमन्त्री प्रचण्डले अहिले विभिन्न मन्त्रालयहरुको रिपोर्ट हेर्ने कार्य भइरहेको र मन्त्रीहरुलाई विशेष जिम्मेवारी दिइने तथा काम सम्पन्न नगर्नेहरु प्रति कडा रुपमा प्रस्तुत हुने उल्लेख गर्नुभयो ।
प्रधानमन्त्री प्रचण्डले अहिले सरकार पुनर्गठन नै गरिहाल्ने अवस्थामा आफु नभएको र मन्त्रीहरुलाई जिम्मेवार बनाउन आफु लागि परेको स्पष्ट पार्नुभयो ।
प्रधानमन्त्री प्रचण्डले पर्यटन मन्त्रीले अभिव्यक्त गरेको धार्मिक विषयलाई आफुले गम्भिर रुपमा लिएको र सम्बन्धित मन्त्रीसँग कुरा गरेर यसबारे निर्णय लिने पनि बताउनुभयो ।
अर्को एक प्रश्नको जवाफमा प्रधानमन्त्री प्रचण्डले कोशी प्रदेशको नामाकरण बारे भइरहेकेा विवादलाई छलफल र सम्वादबाट हल गर्न प्रयासरत रहेको र यसलाई अतिवादतर्फ नलैजान आग्रह गर्नुभयो ।
फरक प्रसंगमा नेकपा माओवादी केन्द्रका अध्यक्षसमेत रहनु भएका प्रधानमन्त्री प्रचण्डले पार्टी नाम नेपाल कम्युनिष्ट पार्टी समाजवादी वा समाजवादी केन्द्र राख्ने गरी छलफल भइरहेको पनि जानकारी दिनुभयो ।।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ भाद्र ५, बिहीबार १९:३६लैङ्गिक उत्तरदायी बजेट विषयक अन्तरक्रिया कार्यक्रम धादिङबेसीमा सम्पन्न- समाचार२०८२ भाद्र ५, बिहीबार १९:०९पुटिनसँग शिखर सम्मेलनभन्दा पहिला सुरक्षाको सुनिश्चिततामा हुनुपर्छः जेलेन्स्की
- समाचार२०८२ भाद्र ५, बिहीबार १९:०३सिद्धलेकमा भएको वडा स्तरिय तीज गीत प्रतियोगितामा फुलबारी आमा समुह प्रथम
- समाचार२०८२ भाद्र ५, बिहीबार १८:५६नेपाल प्रिमियर लिग (एनपीएल)को दोस्रो संस्करण मङ्सिरमा हुने
