काठमाडौं- नेकपा एमालेका अध्यक्ष केपी ओलीले ‘समृद्ध नेपाल, सुखी नेपाली कम्युनिष्ट आन्दोलनको गन्तव्य भएको बताउनु भएको छ ।
नेपाल कम्युनिष्ट पार्टी स्थापनाको ७५ वर्ष पूरा भएको अवसरमा आज नेकपा एमालेले ललितपुरको गोदावरी स्थित सनराइज सभा हलमा आयोजना गरेको विशेष कार्यक्रमलाई सम्बोधन गर्दै अध्यक्ष ओलीले कम्युनिष्ट आन्दोलनको गन्तव्य समृद्ध नेपाल, सुखी नेपाली रहेको र कम्युनिष्ट स्थपनाको सय बर्ष पुग्दा साकार पारिछाड्ने संकल्पका साथ अगाडि बढेको बताउनु भयो ।
समृद्ध नेपाल सुखी नेपालीको संकल्प कम्युनिष्ट पार्टी एक सय वर्ष पुग्दा पुरा गरेरै छाड्ने अध्यक्ष ओलीले प्रतिबद्धता व्यक्त गर्नुभयो ।
समाजवादको स्पष्ट खाका सहित समाजवादको टाइमलाइन तोकेर आफूहरू अघि बढेको ओलीले भनाइ थियो ।
‘ कम्युनिष्ट आन्दोलन अन्धकारमा छामछाम छुमछुम गरेर हिँडेको छैन आजको कम्युनिष्ट आन्दोलन, भड्किरहेको छैन आज कम्युनष्टि आन्दोलन, अन्योलमा परिरहेको छैन यसको गन्तव्य संवृद् नेपाल सुखी नेपाली हो ।
ओलीले अहिले नै सवै कम्युनिष्टहरु एकीकरण भएर देशभरीका सवै कम्युनिष्टहरु मिल्ने सम्भावना नरहेका बताउनु भयो ।
‘पार्टी एकीकरणको गरिहालौं, पार्टी एकता भइहाल्छ भन्ने कुरा त्यो व्यक्तिगत आकांक्षा मात्रै हुनसक्छ । त्यसैले अहिले सहकार्यको माध्यमबाट निकट हुँदै जान्छौं । त्यसपछि मात्रै एकताको बिन्दुमा पुग्न सक्छौं । तर, अहिले नै एकीकरण गरौं देशभरीका सवै कम्युनिष्ट मिलौं भन्ने हो भने फुटेका किन थियौं? के भएर फुटेका थियौं भन्ने प्रश्न उठ्छ । अहिले सहकार्यको लागि सहमतिबाट जाऔं’ ओलीले भन्नुभयो ।