Breaking News
पशुपतिनाथ मन्दिर पोखरामा सिग्देल

पोखरा । पशुपतिनाथ मन्दिर पोखराको तेह्रौ साधारण सभा तथा पाचौ अधिवेशन बुधवार पोखरामा सम्पन्न भएको छ । अधिवेशनले दामोदर सिग्देलको अध्यक्षतामा एघार सदस्यीय कार्यसमिति समेत चयन गरेको छ ।

समितिको उपाध्यक्षमा विसिना लम्साल, सचिवमा कृष्ण हरि सिग्देल, सह-सचिवमा देवका कुमारी पौडेल, कोषाध्यक्षमा नवराज बास्ताेला, सदस्यहरुमा पुष्प राज सिग्देल, खेमराज पौडेल, दिपा पाठक, अप्सरा मल्ल, राधादेवी पौडेल, बालकृष्ण बराल त्यसैगरी संस्थाको सल्लाहकारमा देवीप्रसाद चालिसे, विरेन्द्र नारायण बिजुक्छे, रामचन्द्र पौडेल, सुयश श्रेष्ठ, ईश्वरी सुवेदी चयन भएको निर्वाचन समिति संयोजक डा. श्रीकान्त शर्मा खतिवडाले जानकारी गराउनु भयो।

मन्दिर व्यवस्थापन समितिका अध्यक्ष श्रीराम बरालको अध्यक्षता तथा धार्मिक तथा समाजसेवी व्यक्तित्व युक्त प्रसाद श्रेष्ठकाे प्रमुख आतिथ्यतामा सम्पन्न कार्यक्रममा उपाध्यक्ष दामोदर सिग्देलले स्वागत मन्तब्य तथा सचिव गाेविन्द बराल ज्युले कार्यक्रम संचालन गर्नु भएको थियो । कार्यक्रममा प्रमुख अतिथि धार्मिक तथा समाजसेवी व्यक्तित्व युक्तप्रसाद श्रेष्ठले आफ्नो मन्तव्य राख्दै सनातन हिन्दु धर्म तथा मठमन्दिर माथि अहिले विभिन्न कोणबाट आक्रमण हुन थालेकोले यसलाई जोगाउन सनातन धर्मालम्बिहरु एकजुट भएर अगाडि बढ्नुपर्ने बताउनुभयो।

कार्यक्रममा अध्यक्ष, सचिव, कोषाध्यक्ष तथा लेखासमितिको प्रतिवेदन माथि छलफल गरि सर्वसहमतिमा पारित समेत गरिएको थियो।

एक यात्रा संस्मरण, सविना श्रेष्ठ, रजिष्टर्ड नर्स

गत आइतबार महत्वपूर्ण साँस्कृतिक पर्व, यः मरी पुन्ही परेको, साथै शनिबार र आइतबार दुई दिन विदा परेकोले, म आफु पढ्ने कलेज, नेपाली सेना स्वास्थ्य विज्ञान संस्थानबाट आफ्नो घर, काभ्रे जानको लागि निस्किए ।


गोंगबु बसपार्क पुगे । त्यहाँ मयुर यातायातको गाडी थियो, मैले सोधे, यो गाडी साँगा जान्छ ? जवाफ आयो, “अ जान्छ, जान्छ, बस्नु ।”
गाडीमा अलि हल्ला हुने त स्वाभाविक नै थियो, स्पीकरमा गीत पनि बजिरहेको थियो । मैले पनि एयरफोन लगाएर एकैछिन आखा चिम्लीए, सुर्यविनायक, भत्तपुरमा धेरै बेर सम्म गाडी नचलेपछि मलै किन चलेन भनेर हेदा त सबै यात्रुहरु झर्दै रहेछन् । मैले सहचालकलाई फेरी सोधे यो गाडी यहि सम्म मात्र होर ? उहाँले जवाफ दिनु भो, अँ यही सम्म मात्र हो झनुर्स ।

मैले सहचालकलाई फेरी सोधे , अनि तपाईले अधि मैले सोध्दा त साँगा सम्म जान्छ भनेको होइन र ? नत्र म बसपार्कमा अरु गाडीमा चढ्थे नि ?
तपाई पहिला भाडा दिएर झनुर्स, म तपाईलाई अर्को गाडीमा हाल्दि हाल्छु नि । सहचालक झर्किए ।
भाडा दिएर अर्को गाडीमा जाने कुरा मात्र होइन, बिचमा आएर यस्तो कसरी भयो भनेर जिज्ञाशा राख्दा सहचालकले तपाई धेरै ठुलो कुरा नगर्नु भनेर झनै रिसाए ।
यात्रुलाई सुरक्षित आफ्नो गतब्यमा पुर्याउने उहाँहरुको जिम्मेवारी हुन्छ तर बिचमै झर्न भनेर उहाँ झनै झर्कनु भयो, मैले पनि अर्को गाडीमा सिट मिलाईदिन आग्रह गर्दै सहमति जनाए ।
आधिबाटोमा सिट कहाँबाट मिलाईदिनु मैले ? सहचालकले मलाई पिटला झै गरे । मैले उहाँलाई, आफुले जिम्मा लिएर आए पछि जम्मेवार बन्नुस भने ।
अनि चालक ज्यू आएर तपाई जानुस बहिनी, बरु तपाईको भाडा पर्दैन भन्नु भयो ।
खासमा यो भाडाको वा पैसाको कुरा थिएन, कुरा थियो त जिम्मेवारीको, कर्तव्यको । गाडीमा कहिलेकाही प्राविधिक गडबढी नहुने होइन, तर जायज कारण त हुनुपर्यो ।
सहचालकले, साँहूले फोन गरेर गाडी रिजर्ब अर्डर आएकोले गाडी फर्काएर लानु पर्ने बताए । रिजर्भ भो भन्दैमा यत्रो मान्छे झार्न पाइन्छ ? साँझको ६ बज्न लागि सक्यो, अध्यारो भई सक्यो, यस्तो चिसोमा यात्रुहरुलाई अलपत्र पार्न पाइन्छ ? तपाईको जिम्मेवारी हुँदैैन ? त्यसो भए मलाई तपाईको साहुँको नम्बर दिनुस भनी नम्बर मागे । उनले झनै झर्किदै, साहुको नम्बर किन चाहियो भने । मैले म कुरा गर्छु भनेर जवाफ दिए । सहचालकले कुरा गरेर तपाईले केही पनि पाउनु हुन्न, अरु सबै जना गइ सक्यो तपाई मात्र बहुला हो एक्लै कराएर बस्नलाई ? भने ।
त्यस पछि मलाई असहिय भयो, त्यसो भए, मैले बसको नम्बरको फोटो खिचेर ट्राफिकमा जान्छु भने अनि फोटो खिचेर ट्राफिक बिटमा गइ मौखिक उजुर दिए । त्यहाँ वरपर भएका अरु मानिसले पनि मेरो कुरामा सहमति जनाउदै, मयुर गाडीले प्राय यस्तै गर्ने गरेको जानकारी ट्राफिकलाई दिए । ट्राफिक सरलाई लिएर सो गाडी भएको ठाँउ सम्म पुग्दा, म सँगै आएका प्राय यात्रुहरु आफ्नो व्यवस्था गरेर हिडिसकेका थिए, कोही चाहीँ ट्वाल्ल परेर हेरेर बसेको थिए । अरु यात्रुहरु प्राय कसैले विरोध गरेनन् । यिनीहरु यस्तै हुन बोलेर केही हुँदैन भन्ने पनि भयो होला ।
ट्राफिक सरले चालकलाई, बहिनालाई कहाँ जाने भनेर ल्याउनु भएको भनी सोध्नुभयो, चालकले उत्तरमा ल्याउन त साँगा नै लग्ने भनी ल्याएको तर गाडी बिग्रएको, इन्जीन खराब भएको, उकालोमा चढ्दैन भन्ने कुरा गरे ।
यस कुराले मलाई झनै रिस उठ्यो ।
मैले यो कुरालाई इन्कार गर्र्दै सहचालकसँग भएको कुरा बताए ।


सहचालकले झनै , यो दिदीलाई मात्र समस्या छ, तपाई भन्दा टाढा जाने पनि छन् । धुलिखेल जाने त खुरुखुरु गइ राखेका छन् भनी ट्रफिककै अगाडी मलाई कराए ।
ट्राफिले कुरा बुझेपछि उनीहरुलाई सम्झाउदै, अब यो बहिनीलाइ के व्यवस्था गर्नु हुन्छ, आफ्नै गाडीमा पुर्याइदिनुहुन्छ कि पठाओ बोलाउनुहुन्छ भनेर सोधे, चालकले पाठाओ बोलाउछु भने ।
पठाओको भाडा २३५ थियो, चालकले मलाई पैसा राख्नुस हामी जान्छम भनेर पैसा मेरो हातमा राखी आफु विदा हुन खोज्यो तर मैले म तपाईसँग हात थाप्दिन, पठाओलाई तपाई आफै दिनुस भने । अनि मैले गोङबु बसपार्क देखि सुर्यविनायक सम्म आएको गाडी भाडा दिए । ट्राफिक सरले मेरो र चालक दुवैको परिचय विवरण टिपी मलाई पठाओमा चढाएर विदा हुनुभयो र म सुरक्षित साँगा पुगे ।


आज म परे भोलीको दिनमा अरु कोही पर्लान, वृद्ध-वृद्धा पर्लान, यस्तो समस्या अरु कसैले भोग्न नपरोस भनी कामना गर्दछु । साथै सम्पूर्ण सम्बन्धित व्यक्तिहरुमा यस्ता किसिमका घटनाहरु नदोहोरिउन भनी अनुरोध गर्दछु ।


धन्यवाद ।


अन्त्यमा यस घटनामा सहयोग गर्नुहुने, आफ्नो कर्तव्य प्रति जिम्मेवार, ट्राफिक सर प्रति आभारी छु । तपाईहरु पनि कतै अन्यायमा पर्नुभएको छ भने आवाज उठाउन जरुरी छ । हामी २१ औँ सताब्दिका सचेत नागरीक हौँ । हामीले आफ्नो कर्तव्य पनि पुरा गर्नु पर्छ, अनि अधिकारको पनि सहि उपयोग गर्नुपर्छ । आफुलाई परेको बेला मैले मैले आवाज उठाए र सफल पनि भए ।

बाग्लुङ समाज पोखराद्वारा ४८ युनिट रगत संकलन

पोखरा । ‘रक्तदान जिवनदान, महादान’ भन्ने मुलमन्त्रका साथ बाग्लुङ समाज पोखराले सृजनाचोकमा आयोजना गरेको खुल्ला रक्तदान कार्यक्रममा ४८ युनिट रगत संकलन भएको छ ।

कार्यक्रममा पोखरा महानगरपालिका वडा नं ८ का वडा अध्यक्ष रुद्रप्रसाद बरालले रक्तदान एउटा पुण्य कर्म रहेको बताउनुभयो ।
उहाँले रगतको अभावका कारण जनताले अकालमा मृत्युवरण गर्न नपरोस् भन्दै वडास्तरबाट यस्ता कामको मुल्याङ्कन भइरहेको बताउनुभयो । 

संस्थाका अध्यक्ष ठाकुर प्रसाद सापकोटाले आपतविपतमा रगतको अभाव नहोस् भन्ने हेतुले समय समयमा यस्ता रक्तदान कार्यक्रम सँगै समाजले अन्य सामाजिक कार्यहरु पनि गर्दै आएको जानकारी गराउनुभयो । बाग्लुङ जिल्लामा स्थायी बसोबास भई विभिन्न पेशा व्यवसायमा संलग्न रहेका बाग्लुङेहरुको साझा संस्थाको रुपमा रहेको सो समाज २०५७ सालमा स्थापना भइ सामाजीक कार्यमा पनि अगाडि भढिरहेको र उक्त संस्थामा हाल करिब ९ सय सदस्य रहेको कार्यक्रम संयोजक नरेश सुवेदीले बताउनुभयो ।