Breaking News
कोटिहोममा सहयोगी दाता बढ्दै, भोलि चर्चित गायिका एलिना चौहान

पोखरा । पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञमा भक्तजनको उपस्थितिसँगै सहयोग गर्नेको सङ्ख्या पनि बढ्दै गएको छ ।

कोटिहोममा देशका विभिन्न ठाँउबाट आएका दानवीरहरू, आमा  समूह, विभिन्न सङ्घ संस्था तथा व्यक्तिहरूको सहयोग गर्ने सङ्ख्या दिनहुँ बढ्दै गएको आयोजकले जनाएको छ ।

कोटिहोममा आउने जो कोहि हुन खालि हात देखिँदैन । किनकि कोटिहोममा जे सकिन्छ त्यही दान गर्ने व्यवस्था भएर पनि आउने भक्तजन केही न केही सहयोग गरेर जाने गरेको आयोजकले बताएको छ ।

कोटिहोममा भोलि बिहिवार चर्चित गायिका एलिना चौहानको प्रस्तुति रहने प्रचार प्रसार संयोजक लेखराज ढकालले जानकारी दिए ।

कोटिहोममा प्रमुख अतिथि गण्डकी प्रदेश सरकारका पूर्व सामाजिक विकास मन्त्री मेखलाल श्रेष्ठले पोखरामा जारी कोटिहोमले गण्डकी प्रदेशलाई धार्मिक सहरको रूपमा स्थापित गर्न सहयोग पु¥याउने बताए ।

उनले हाम्रो हिन्दु धर्ममा विज्ञान जोडिएकोले पनि हिन्दु धर्म प्रति आकर्षण बढ्ने गरेको बताउँदै हाम्रो हिन्दु धर्मको सशक्त प्रचार गर्न यो कोटिहोम कोषेढुड्डा साबित हुने उल्लेख गरे ।

उनले अनावश्यक गरिने खर्च कटाएर यस्ता उदाहरणीय कार्यक्रममा सहयोग गर्न सम्पूर्ण भक्तजनलाई आग्रह गरे ।

सामाजिक व्यक्तित्व ध्रुवचन्द्र बस्यालले महायज्ञका सङ्कल्पकर्ता वाल योगेश्वर विजय श्रीकृष्ण मूर्तिजीले आफूलाई सामाजिक क्षेत्रमा लाग्ने प्रेरणा दिनुभएको बताए ।

कोटिहोममा आज चर्चित हास्य कलाकार जितु नेपाल ‘मुन्द्रे’ ले भजन शैलीमा भक्तजनलाई मनोरञ्जन दिँदै गर्दा राष्ट्रिय लोक दोहोरी तथा भजन गायक सूर्य खड्काले आफ्ना भजन प्रस्तुतिका माध्यमबाट दर्शकहरूलाई छमछम नचाएका थिए । 

कोटिहोममा राष्ट्रिय तथा अन्तर्राष्ट्रिय स्तरमा ख्यातिप्राप्त लोक गायिका तथा फाउन्डेसनकी केन्द्रीय उपाध्यक्ष राधिका हमालको पनि प्रस्तुति रहेको थियो ।

कार्यक्रममा मानव सेवा फाउन्डेसनका हरेक गतिविधिमा सहयोग गर्ने सामाजिक व्यक्तित्व इशा गुरुङकी आमा इन्द्रा कुमारी गुरुङ, र सुनिता गुरुङकी आमा विद्या कुमारी उदास तथा सामाजिक व्यक्तित्व सरस्वती घिमिरे, नगेन्द्र भण्डारी, हरि प्रसाद भण्डारी लगायतको उपस्थिति रहेको थियो ।

कोटिहोममा पोखरा महानगर पालिका वडा नं. १३ का अमर सापकोटा र लक्ष्मी सापकोटाले नगद २५ हजार, पोखरा महानगर पालिका वडा नं. ६ निवासी गङ्गा लामिछानेले नगद २५ हजार ५ सय ५५ रुपैयाँ सहयोग गरेको आयोजकले जनाएको छ ।
  
कोटिहोममा जेठ २ गते लोकदोहोरी गायिका पूर्णकला बिसी, ३ गते देउडा गायक नन्द कृष्ण जोशी, ४ गते भजन गायक रमेश सापकोटा, ५ गते लोकदोहोरी गायक राजु ढकाल,  ६ गते हास्य कलाकार मेरी वास्यैकी पल्पसा डंगोल ‘चम्सुरी’ र २४ गते महानायक राजेश हमालको सहभागिता रहने प्रचार प्रसार संयोजक ढकालले जानकारी दिए ।

त्यसै गरी ‘सनातन संस्कृति, गण्डकी कोटिहोम र हामी विद्यार्थी’ भन्ने शीर्षकमा जेठको ११ गते  राष्ट्रव्यापी खुल्ला वक्तृत्वकला प्रतियोगिता हुन लागेको प्रतियोगिता संयोजक पब्लिक स्पिकर, मोटीभेटर, शिक्षा तथा संस्कृतिविद्  डा. तुलसी प्रभास खनालले जानकारी दिए ।

जेठको पहिलो साताबाट प्रतियोगिता आयोजान गर्ने तयारी रहेपनि धेरै अभिभावकको अनुरोध र कक्षा १२ को परीक्षालाई मध्यनजर गरी जेठ ११ देखि प्रतियोगिता आयोजना गर्न लागेको उनले जनकारी दिए । प्रतियोगितामा सहभागी हुने विद्यार्थीले जेठ १० गते सम्म नाम दर्ता गरिसक्नु पर्नेछ ।

उनका अनुसार देशभरबाट कक्षा ८ देखि १२ सम्मका विद्यार्थी उक्त वक्तृत्वकला प्रतियोगितामा सहभागिता जनाउन पाउनेछन् । एसइई तथा कक्षा ११ को परीक्षा दिएका विद्यार्थी पनि प्रतियोगिता सहभागिता जनाउन पाउनेछन् ।

प्रतियोगितामा  प्रथम हुनेलाई ५१ हजार १ सय ५१, द्वितीय हुनेलाई ४१ हजार १ सय ४१, तृतीय हुनेलाई ३१ हजार १ सय ३१ र सान्त्वना हुनेलाई २१ हजार १ सय २१ र विविध सम्मान गरिने छ । 

महायज्ञका सङ्कल्पकर्ता वाल योगेश्वर विजय श्रीकृष्ण मूर्तीजीका अनुसार २०८३ सालको अन्तिम तिर पनि पोखरामा महायज्ञ हुनेछ जुन महायज्ञमा १ हजार भन्दा बढी धार्मिक सङ्घ संस्था पनि सामेल हुनेछन् ।

उनले कोटिहोम महायज्ञ पश्चात् पनि नियमित पोखरामा कार्यक्रम गर्न आश्रम स्थापना र मानस सेवा फाउण्डेसनको प्रदेश र जिल्ला समिति घोषण हुने बताए ।

महायज्ञमा गत वैशाख २७ गते देखि वाचन प्रवीण पं. दिनबन्धु पोखरेलले आफ्नै झाँकी र सङ्गीत समूह सहित कोटीहोममा प्रवचन गरिरहेका छन् । उनले जेठ ३ गते सम्म ७ दिन कथा वाचन गर्ने कार्यक्रम रहेको छ । 
कोटिहोममा अन्तर्राष्ट्रिय मानव मिलन संस्थाका संस्थापक नेपाल केशरी राष्ट्र सन्त डा. मणिभद्र मुनीजी महाराजले पनि प्रवचन गरेका थिए । कोटिहोममा राष्ट्रिय भजन प्रतियोगिता र रक्तदान कार्यक्रम जारी रहेको छ ।

अनुराधा पाण्डेद्वारा श्यामद भागवत कथा प्रवचनको सुरुवातसँगै महायज्ञमा अन्तर्राष्ट्रिय कथा वाचिका देवी प्रतिभा, व्यासाचार्य प्रशान्त कृष्ण परांकुशलगायत साधु सन्तले महायज्ञमा कथा वाचन गरिसकेका छन्।

कोटिहोममा चौरासी पूजन कार्यक्रम, सवा करोड पार्थिव शिवलिड्डको निर्माण गरी भगवान् शिवको आशीर्वाद प्राप्त  गर्ने महत्त्वपूर्ण कर्म, १८ पुराण, ४ वेद र १०८ श्रीमदभागवत पाठ पारायण श्रवण साथै वेद, पुराण र भागवत मध्ये कुनै एकको कर्ता बन्ने अवसर, भूमि पूजनका लागि आफ्नो घरमा जमिनको एक मुठी माटो ल्याइ भूमि पूजन जस्तो महत्त्वपूर्ण कर्ममा सहभागी हुने व्यवस्था रहेको छ ।

त्यसै गरी पितृ उद्धार, पारिवारिक सुख, शान्ति, सु–स्वास्थ्य र समृद्धिका लागि आफ्नो घर परिवार तथा आफ्ना पितृहरूको नाममा २१ कोटि दीप प्रज्वलन गर्ने, तुला दान कर्मका लागि आफ्ना पूजनीय आमाबुवाहरूलाई तुला दानका लागि कोटिहोम स्थलमा सहभागी गराउने,  वैवाहिक जीवनमा जोडिन इच्छुक सबैलाई शुभ विवाह कार्यक्रम, रुद्राभिषेक महा अनुष्ठान, अति रुद्री, लुघुरुद्री आदि पुण्यमयी कर्ममा सहभागी हुने व्यवस्था रहेको छ ।

कोटिहोममा ४ सय बढी व्रामणले दैनिक भगवानको नाममा आहुति अर्पण गरिरहेका छन्। पावन भूमिमा आयोजित १ सय कुण्डीय कोटिहोमको हवन कुण्डका लागि जौ, तिल, घिउ आदि हवन सामग्री दान गर्ने र हवन कुण्ड परिक्रममा गर्ने व्यवस्था रहेको मानव सेवा फाउन्डेसन व्यवस्थापक विष्णु थापाले जानकारी दिए । 

कोटिहोममा जेठ १४ देखि २२ गतेसम्म प्रसिद्ध कथा वाचिका राधिका दासी, श्रीराम कथा वाचिका देवी चन्द्रकला सखी, दार्शनिक प्रवचनकर्ता चैतन्यकृष्ण महाराज सहभागी हुने महायज्ञ मूल आयोजक समितिका सह निर्देशक युवक लामिछानेले जानकारी दिए ।

कार्यक्रममा राष्ट्रिय तथा अन्तर्राष्ट्रिय स्तरमा ख्याति प्राप्त कलाकारहरूबाट भजन, झाँकी, देव लीला, नृत्य लगायत प्रस्तुति रहेका छन् । पोखरा १७ स्थित सदाशिवजी सिद्देश्वर हरिहर मन्दिरको जग्गा र आसपासका स्थानीयको जग्गामा कोटिहोम सञ्चालन भएको छ । कोटिहोम जेठ २६ गतेसम्म सञ्चालन हुने छ ।

कोटिहोममा जेठ ११ गते देखि राष्ट्रव्यापी खुल्ला वक्तृत्वकला प्रतियोगिता

पोखरा । पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञमा जेठको ११ गते राष्ट्रव्यापी खुल्ला वक्तृत्वकला प्रतियोगिता हुने भएको छ । 

‘सनातन संस्कृति, गण्डकी कोटिहोम र हामी विद्यार्थी’ भन्ने शीर्षकमा प्रतियोगिता हुन लागेको प्रतियोगिता संयोजक पब्लिक स्पिकर, मोटीभेटर, शिक्षा तथा संस्कृतिविद्  डा. तुलसी प्रभास खनालले जानकारी दिए ।

जेठको पहिलो साताबाट प्रतियोगिता आयोजना गर्ने तयारी रहे पनि धेरै अभिभावकको अनुरोध र कक्षा १२ को परीक्षालाई मध्यनजर गरी जेठ ११ देखि प्रतियोगिता आयोजना गर्न लागेको उनले जनकारी दिए । प्रतियोगितामा सहभागी हुने विद्यार्थीले जेठ १० गते सम्म नाम दर्ता गरिसक्नु पर्नेछ ।

उनका अनुसार देशभरबाट कक्षा ८ देखि १२ सम्मका विद्यार्थी उक्त वक्तृत्वकला प्रतियोगितामा सहभागिता जनाउन पाउनेछन् । एसइई तथा कक्षा ११ को परीक्षा दिएका विद्यार्थी पनि प्रतियोगिता सहभागिता जनाउन पाउनेछन् ।

प्रतियोगितामा  प्रथम हुनेलाई ५१ हजार १ सय ५१, द्वितीय हुनेलाई ४१ हजार १ सय ४१, तृतीय हुनेलाई ३१ हजार १ सय ३१ र सान्त्वना हुनेलाई २१ हजार १ सय २१ र विविध सम्मान गरिने छ । प्रतियोगितामा देशका प्रख्यात पब्लिक स्पिकरहरूका विशेष प्रवचन र मोटीभेसन समेत रहेको खनालले जानकारी दिए ।

उक्त प्रतियोगितामा राष्ट्रिय तथा अन्तर्राष्ट्रिय स्तरमा ख्याति प्राप्त वाल प्रतिभा पाल्पाकी ओजस्वी आचार्य, कास्कीकी प्रेन्सा रेग्मी नवलपुरकी मनिषा पौडेललगायत अतिथि वक्ताको रूपमा रहेको र उनीहरूलाई सम्मान गर्ने कार्यक्रम समेत रहेको छ । प्रतियोगितामा ख्याति प्राप्त व्यक्तिहरूबाट मुल्याड्ढन हुने खनालले जानकारी दिए ।

अहिले सम्म काठमाडौँ, जुम्ला, रुकुम, रोल्पा, वाके, बर्दिया, झापा, धादिङ लगायत देशभरका जिल्लाबाट १ सय जना बढीले नाम दर्ता गराएको खनालले जानकारी दिए ।

प्रतियोगिताको समय ७ मिनेट रहेको छ भने वक्ताले सकारात्मक सन्देश दिने खालको हुनु पर्ने छ । प्रतियोगितामा एउटा विद्यालयबाट जति पनि सहभागी हुन पाउने व्यवस्था गरिएको छ ।
कोटिहोममा धर्म र संस्कृति मात्रै नभई शिक्षालाई जोड्न पनि यो प्रतियोगिता आयोजना गरेको उनले बताए । कास्की बाहिरका सहभागीलाई आतेजाते भाडा र बस्नको व्यवस्था समेत मिलाइएको छ ।

महायज्ञका सङ्कल्पकर्ता वाल योगेश्वर विजय श्रीकृष्ण मूर्तिजीका अनुसार २०८३ सालको अन्तिम तिर पनि पोखरामा महायज्ञ हुनेछ जुन महायज्ञमा १ हजार भन्दा बढी धार्मिक सङ्घ संस्था पनि सामेल हुनेछन् ।

उनले कोटिहोम महायज्ञ पश्चात पनि नियमित पोखरामा कार्यक्रम गर्न आश्रम स्थापना र मानस सेवा फाउण्डेसनको प्रदेश र जिल्ला समित घोषण हुने बताए ।
कोटिहोममा आज चर्चित हास्य कलाकार जितु नेपाल ‘मुन्द्रे’ को सहभागिता रहने प्रचार प्रसार संयोजक लेखराज ढकालले जानकारी दिए । आज  नै राष्ट्रिय लोक दोहोरी तथा भजन गायक सूर्य खड्का र राष्ट्रिय तथा अन्तर्राष्ट्रिय स्तरमा ख्यातिप्राप्त लोक गायिका तथा फाउन्डेसनकी केन्द्रीय उपाध्यक्ष राधिका हमालको पनि प्रस्तुति रहने छ ।

कोटिहोममा जेठ १ गते चर्चित गायिका एलिना चौहान, २ गते लोकदोहोरी गायिका पूर्णकला बिसी, ३ गते देउडा गायक नन्द कृष्ण जोशी, ४ गते भजन गायक रमेश सापकोटा, ५ गते लोकदोहोरी गायक राजु ढकाल,  ६ गते हास्य कलाकार मेरी वास्यैकी पल्पसा डंगोल ‘चम्सुरी’ र २४ गते महानायक राजेश हमालको सहभागिता रहने उनले जानकारी दिए । 

महायज्ञमा गत वैशाख २७ गते देखि वाचन प्रवीण पं. दिनबन्धु पोखरेलले आफ्नै झाँकी र सङ्गीत समूह सहित कोटीहोममा प्रवचन गरिरहेका छन् । उनले जेठ ३ गते सम्म ७ दिन कथा वाचन गर्ने कार्यक्रम रहेको छ । कोटिहोममा राष्ट्रिय भजन प्रतियोगिता र रक्तदान कार्यक्रम जारी रहेको छ ।
अनुराधा पाण्डेद्वारा श्यामद भागवत कथा प्रवचनको सुरुवातसँगै महायज्ञमा अन्तर्राष्ट्रिय कथा वाचिका देवी प्रतिभा, व्यासाचार्य प्रशान्त कृष्ण परांकुशलगायत साधु सन्तले महायज्ञमा कथा वाचन गरिसकेका छन्।

कोटिहोममा चौरासी पूजन कार्यक्रम, सवा करोड पार्थिव शिवलिड्डको निर्माण गरी भगवान् शिवको आशीर्वाद प्राप्त  गर्ने महत्त्वपूर्ण कर्म, १८ पुराण, ४ वेद र १०८ श्रीमदभागवत पाठ पारायण श्रवण साथै वेद, पुराण र भागवत मध्ये कुनै एकको कर्ता बन्ने अवसर, भूमि पूजनका लागि आफ्नो घरमा जमिनको एक मुठी माटो ल्याइ भूमि पूजन जस्तो महत्त्वपूर्ण कर्ममा सहभागी हुने व्यवस्था रहेको छ ।

त्यसै गरी पितृ उद्धार, पारिवारिक सुख, शान्ति, सु–स्वास्थ्य र समृद्धिका लागि आफ्नो घर परिवार तथा आफ्ना पितृहरूको नाममा २१ कोटि दीप प्रज्वलन गर्ने, तुला दान कर्मका लागि आफ्ना पूजनीय आमाबुवाहरूलाई तुला दानका लागि कोटिहोम स्थलमा सहभागी गराउने,  वैवाहिक जीवनमा जोडिन इच्छुक सबैलाई शुभ विवाह कार्यक्रम, रुद्राभिषेक महा अनुष्ठान, अति रुद्री, लुघुरुद्री आदि पुण्यमयी कर्ममा सहभागी हुने व्यवस्था रहेको छ ।

कोटिहोममा ४ सय बढी व्रामणले दैनिक भगवानको नाममा आहुति अर्पण गरिरहेका छन्। पावन भूमिमा आयोजित १ सय कुण्डीय कोटिहोमको हवन कुण्डका लागि जौ, तिल, घिउ आदि हवन सामग्री दान गर्ने र हवन कुण्ड परिक्रममा गर्ने व्यवस्था रहेको मानव सेवा फाउन्डेसन व्यवस्थापक विष्णु थापाले जानकारी दिए । 

कोटिहोममा जेठ १४ देखि २२ गतेसम्म प्रसिद्ध कथा वाचिका राधिका दासी, श्रीराम कथा वाचिका देवी चन्द्रकला सखी, दार्शनिक प्रवचनकर्ता चैतन्यकृष्ण महाराज सहभागी हुने महायज्ञ मूल आयोजक समितिका सह निर्देशक युवक लामिछानेले जानकारी दिए ।

कार्यक्रममा राष्ट्रिय तथा अन्तर्राष्ट्रिय स्तरमा ख्याति प्राप्त कलाकारहरूबाट भजन, झाँकी, देव लीला, नृत्य लगायत प्रस्तुति रहेका छन् । पोखरा १७ स्थित सदाशिवजी सिद्देश्वर हरिहर मन्दिरको जग्गा र आसपासका स्थानीयको जग्गामा कोटिहोम सञ्चालन भएको छ । कोटिहोम जेठ २६ गतेसम्म सञ्चालन हुने छ ।

नेपाल बीमा प्राधिकरण : ५७ औँ वार्षिकोत्सवमा बृहत रक्तदान

पोखरा । नेपाल बीमा प्राधिकरणले बीमा दिवसको अवसरमा बीमा सम्बन्धि सचेतनात्मक कार्यक्रमहरु गर्दै आएकोमा आज बुधबार नेपाल बीमा प्राधिकरणले आफ्नो ५७ औँ वार्षिकोत्सवको अवसरमा बृहत रक्तदान कार्यक्रम आयोजना गरि सम्पन्न गरेको छ ।

कार्यक्रमको अध्यक्षता नेपाल बीमा प्राधिकरण गण्डकी प्रदेश कार्यालय प्रमुख शम्भु प्रसाद मिश्रले गर्नुभएको थियो । उक्त रक्तदान कार्यक्रमको प्रमुख अतिथिमा नेपाल रेडक्रस सोसाइटि कास्की शाखाकी सभापति उर्मिला खड्का भण्डारी हुनुहुन्थ्यो ।

त्यस्तै , विशेष अतिथिहरुमा पेसागत बीमा अभिकर्ता संघ केन्द्रिय अध्यक्ष केदारनाथ अधिकारी , पोखरा निम्स च्याप्टरका अध्यक्ष बद्रिनाथ पौडेल र सर्वियर एसोसियसन पोखरा च्याप्टरका संयोजक बुद्धिराज अधिकारीको विशेष अतिथि रहेको थियो ।

उक्त रक्तदान कार्यक्रममा प्रदेश प्रमुख सर्वियरहरु , अभिकर्ताहरुको सहभागिता रहेको थियो । सो कार्यक्रममा बीमाका शाखा तथा उपशाखा प्रमुखहरुको उपस्थितिले वृहत रक्तदान कार्यक्रम भव्य रुपमा सम्पन्न भयो । कार्यक्रमको औपचारिक उद्घाटन प्रमुख अतिथि नेपाल रेडक्रस सोसाइटि कास्की शाखाकी सभापति उर्मिला खड्का भण्डारीले ब्यानरमा हस्ताक्षर गरि कार्यक्रमलाई विधिवत ढंगले अगाडी बढाउनुभयो ।

रक्तदान जीवनदान , जीवनदान महानदान भन्ने उच्च आदर्श प्रेरणाबाट प्रेरित भइ नेपाल बीमा प्राधिकरणले आफ्नो स्थापनाकालदेखि नै आफू मातहतका विभिन्न अभिकर्ताहरु लगायत आफू मुख्य रुपमा आयोजना गरि कयौँ पटक रक्तदान गर्नुभएकोमा नेपाल रेडक्रस सोसाइटि कास्की प्रादेशिक रक्त संचारको तर्फबाट धन्यवाद दिनुभएको थियो ।
यहाँहरुले यस्तै पुण्य कार्यलाई आउँदा दिनहरुमा पनि निरन्तरता दिनुहुन्छ भन्ने विश्वास व्यक्त गरे ।

प्रमुख अतिथि भण्डारीले यस कार्य असाध्यै राम्रो पक्ष पनि हो, आफ्नो उत्तरदायित्व लिनुपर्ने बताउनुभयो । त्यस्तै , जीवन बीमा र रगत तथा रक्तदानको सम्बन्ध नजिक रहेको बताउनुभयो जसरी मानिसको गोजीबाट पैसा हराएर, नासिएर जान्छ, त्यसैगरि महिना महिनामा मरेर जाने सेलहरु, खेर जाने रगतहरु दिँदा रक्तदान गर्दा मानिसको प्राण बच्ने हुँदा रक्तदान गरि पुण्य कमाऊ उपस्थित वक्ताले बताए ।

नेपाल बीमा प्राधिकरण गण्डकी प्रदेश कार्यालय प्रमुख शम्भु प्रसाद मिश्रले यस पुनित कार्यमा आफ्नो अमूल्य समय प्रदान गरि रक्तदान गर्नुहुने सबै रक्तदाताहरुलाई ८४ युनिट रगत संकलन गर्न सफल भएकोमा विशेष अतिथि, प्रमुख अतिथि एवं सम्पूर्णलाई धन्यवाद ज्ञापन गर्नुभयो ।

केहि तस्बिरहरु :

संस्कृत विद्यापीठमा अनुसन्धान विधि तालिम सम्पन्न

पोखरा । विन्दुवासिनी संस्कृत विद्यापीठ पोखरा १ बगर भिमकालिपाटनमा अनुसन्धान व्यवस्थापन एकाइको आयोजना र विश्वविद्यालय अनुदान आयोगको सहयोगमा पाँच दिने अनुसन्धान विधि तालिम प्राध्यापक र विद्यार्थीको सहभागितामा मङ्गलवार सम्पन्न भएको छ ।

२०८२ साल वैशाख २६ गतेदेखि ३० गतेसम्म पाँच दिन चलेको यस कार्यक्रममा विद्यापीठमा कार्यरत प्राध्यापक, शास्त्री तृतीय वर्षमा अध्ययनरत विद्यार्थीका साथै पोखरामा अवस्थित पृथ्वीनारायण, जनप्रिय, कालिका बहुमुखी, शिवशक्ति क्याम्पस, पोखरा विश्वविद्यालय लगायतका उच्च शिक्षण संस्थामा कार्यरत प्राध्यापकहरूको सहभागिता रहेको थियो । तीन भाषामा लेखिएका अनुसन्धान प्रविधिसम्बद्ध कार्यपत्रहरूको प्रस्तुति, छलफल र कार्यशालाका २० सत्र रहेको तालिमको उद्घाटन गर्दै प्रमुख आमन्त्रित व्यक्तित्व गण्डकी विश्वविद्यालयका कुलपति इन्द्रप्रसाद तिवारीले उच्च शिक्षा र नीतिनिर्माणमा अनुसन्धान पद्धतिको अपरिहार्यतामाथि प्रकाश पारे । उनले यस्ता कार्यक्रमले कुशल अनुसन्धाता उत्पादन गरी शैक्षिक उत्कृष्टता सुदृढ गर्नुका साथै नवप्रवर्तनमा पनि टेवा पुर्‍याउँछ, कुशल अनुसन्धाताद्वारा सञ्चालित प्राज्ञिक अनुसन्धानले राष्ट्र र समाजको उन्नतिको पूर्वाधार खडा गर्छ भन्ने धारणा राखेका थिए ।

त्यसैगरी उद्घाटन मन्तव्य राख्दै पूर्व प्राचार्य प्रा. श्रीराम बराल, निवर्तमान प्राचार्य प्रा. डा. जगन्नाथ रेग्मी, अंग्रेजी शिक्षण विभागका विभागीय प्रमुख प्रा. सत्यराज सुवेदी, विद्यापीठका प्राचार्य सहप्रा. आनन्दमणि रिजाललगायतले कार्यक्रमको सफलताको शुभकामना व्यक्त गरेका थिए । अनुसन्धान व्यवस्थापन एकाइका संयोजक सहप्रा. डा. चुडामणि कडेलको अध्यक्षतामा सम्पन्न उद्घाटन सत्रका सहभागीलाई अनुसन्धान व्यवस्थापन एकाइका सदस्य सहप्रा. डा. योगराज पौडेलले स्वागत गरेका थिए ।

विश्वविद्यालय अनुदान आयोगको सहयोगमा पाँच दिनसम्म सञ्चालित कार्यक्रममा अनुसन्धान विधि सम्बद्ध १० ओटा कार्यपत्र प्रस्तुति, छलफल र कार्यशालाका २० सत्रहरूको सञ्चालन एकाइका सदस्य सचिव प्रकाश पौडेलले गरेका थिए । तालिमको उद्घाटनसँगै डा. नवराज न्यौपानेले Challenges in Choosing the Research Topic शीर्षकमा कार्यक्रमको पहिलो कार्यपत्र प्रस्तुत गरेका थिए । ज्योतिष विभागका विभागीय प्रमुख प्रा. श्रीराम बरालको अध्यक्षतामा सम्पन्न त्यसलगत्तैको सत्रमा पहिलो सत्रमा प्रस्तुत कार्यपत्रमाथि छलफल र कार्यपत्रमा आधारित भई कार्यशाला सञ्चालत गरिएको थियो । सहप्रा. डा. भवानीशङ्कर भट्टराईद्वारा अनुसन्धाने सैद्धान्तिकपक्षस्य उपयोगः शीर्षकको कार्यपत्र प्रस्तुति, छलफल र कार्यशालाका दुई सत्रको अध्यक्षता अनुसन्धान व्यवस्थापन एकाइका सदस्य तथा व्याकरण विषयका सहप्रा. भोलानारायण रेग्मीले गरेका थिए ।

अंग्रेजी शिक्षण विभागका विभागीय प्रमुख प्रा. सत्यराज सुवेदीको अध्यक्षतामा सम्पन्न दोस्रो दिनका पहिला दुई सत्रमा डा. नवराज न्यौपानेले Research Gap and Interconnectedness of Problems in the Research शीर्षकमा कार्यपत्र प्रस्तुति छलफल र कार्यशाला गरिएको थियो । त्यसैगरी तेस्रो सत्रमा प्रस्तुत सहप्रा. डा. भवानीशङ्कर भट्टराईले गुणात्मकानुसन्धाने शोधविधिः शीर्षकको कार्यपत्रमाथि चौँथो सत्रमा छलफल र त्यसमा आधारित कार्यशाला सञ्चालित यी दुवै सत्रको अध्यक्षता सहप्रा. डा.योगराज पौडेलले गरेका थिए । तेस्रो दिन डा. सविन्द्र राज भण्डारीद्वारा सञ्चालित Exploring the Interrelationship among Statement of the Problem, Research Questions, Objectives and Methodology in the Research शीर्षकका कार्यपत्र प्रस्तुति छलफल र कार्यशाला सञ्चालित पहिलो र दोस्रो सत्रको अध्यक्षता सहप्रा. राधाकृष्ण गैरेले गरेका थिए भने निमित्त प्राचार्य सह-प्रा.अम्बिकाप्रसाद भट्टराईको अध्यक्षतामा सम्पन्न त्यसपछिका दुई सत्रमा डा. खगेन्द्र घोडासैनीले शोधसामग्री विश्लेषण र निष्कर्षणका प्रक्रिया शीर्षकमा कार्यपत्र प्रस्तुति, अन्तरक्रिया र कार्यशाला सञ्चालन गरिएका थिए ।

चौँथो दिन डा. खगेन्द्र घोडासैनीको शोधमा सन्दर्भङ्कन र सुरज पौडेलको अनुसन्धानमा पूर्वकार्य समीक्षा लेखन विषयका कार्यपत्र प्रस्तुति, अन्तरक्रिया र लेखन कार्यशालाका चार सत्रको अध्यक्षता क्रमशः पृथ्वीनारायण क्याम्पसको नेपाली विभागका उपप्राध्यापक निर्मल सापकोटा र विद्यापीठको अंग्रेजी विभागका उपप्रा. कृष्णबहादुर सुनार गरेका थिए ।

कार्यक्रमको अन्तिम दिन डा. श्रीधर न्यौपानेले शोधमा सामग्रीको सत्यापन र अर्थापनको औचित्य सहप्रा. डा. योगराज पौडेलले Research Models शीर्षकमा कार्यपत्र प्रस्तुत गरेका थिए । कार्यपत्र प्रस्तुति छलफल र कार्यशालाका सत्रको अध्यक्षता शिवशक्ति क्याम्पस फूलबारीका उपप्राध्यापक इन्दिरा भण्डारी तथा कालिका बहुमुखी क्याम्पस काजिपोखरीका सहायक क्याम्पस प्रमुख युवराज गुरुङले गरेका थिए । अन्तिम सत्रमा छलफल र कार्यशालासमापनपछि आयोजित समापन समारोहमा सहभागीहरूलाई प्रमाणपत्र वितरण गरिएको थियो ।

समापन मन्तव्य दिँदै विद्यापीठका निमित्त प्राचार्य सहप्रा. अम्बिकाप्रसाद भट्टराईले सहभागी र आयोजकको सक्रियताले विद्यार्थीको प्रागिक कर्ममा नयाँ इट्टा थपेको धारणा राखेका थिए । मणि डुम्रे, निर्मल सापकोटा, शान्ति कुमारी गुरुङ, राजेश घिमिरे लगायतका सहभागीबाट उद्देश्यअनुसार प्रभावकारी र सफल रहेको, तालिम निकै ज्ञानवर्धक रहेको, अनुसन्धानका लागि तालिममा प्राप्त ज्ञान र सीप निकै उपयोगी हुने प्रतिक्रिया प्राप्त भएको थियो । कार्यक्रम अनुसन्धान व्यवस्थापन एकाइका संयोजक सहप्रा. डा. चुडामणि कडेलको अध्यक्षतामा र सदस्य सचिव उपप्राध्यापक प्रकाश पौडेलको सञ्चालनमा सम्पन्न भएको थियो ।