पोखराको शान्तिनगरमा लागूऔषधको ‘लुकीछिपी’ कारेबार, दुई जना पक्राउ
पोखरा । जिल्ला कास्कीको पोखरा महानगरपालिका वडा नं. ५ शान्तिनगरचोकमा लागूऔषधको अवैध कारोबार भइरहेको गोप्य सूचनाको आधारमा प्रहरीले दुई जनालाई पक्राउ गरेको छ।
लागूऔषध नियन्त्रण ब्यूरो शाखा कार्यालय पोखरा र वडा प्रहरी कार्यालय बैदामको संयुक्त टोलीले यो अपरेशन गरेको हो।
पक्राउ पर्नेमा पर्वत जिल्लाको कुस्मा नगरपालिका वडा नं. १२ ठुलीपोखरी स्थायी ठेगाना भई हाल पोखरा महानगरपालिका वडा नं. ४ नालाकोमुख बस्ने २६ वर्षीया सीमा दर्जी र सोही ठेगानाका २६ वर्षीय आशिष श्रेष्ठ रहेका छन्।
प्रहरीले उनीहरूको साथबाट कालो झोलामा लुकाइछिपाइ राखिएको अवैध लागूऔषध बुप्रिनर्फिन १६७ एम्पुल, डाइजापाम १६८ एम्पुल, र फेनरागन १६६ एम्पुल गरी जम्मा ५०१ एम्पुल बरामद गरेको छ। साथै, उनीहरूको साथबाट तीन थान मोबाइल फोन पनि फेला परेको छ।
प्रहरीले पक्राउ परेका दुवै जनालाई नियन्त्रणमा लिई कास्की जिल्ला अदालतबाट लागूऔषध सम्बन्धी मुद्दामा ६ दिनको म्याद थप गरी अनुसन्धान प्रक्रिया अगाडि बढाएको छ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=18417, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ भाद्र ७, आईतवार ०६:०५गरिमा हत्या प्रकरणमा सरकार–परिवारबीच सहमति, शालिक निर्माणदेखि कानुन संशोधनसम्म- समाचार२०८३ भाद्र ६, शनिबार २०:२५फेज–टु यात्रामा सल्युट गोर्खाका १०७ प्रशिक्षार्थी, बिदाइसँगै सफलताकाे शुभकामना
- समाचार२०८३ भाद्र ५, शुक्रबार १०:४१पोखरा उद्योग वाणिज्य संघको अध्यक्षमा शोभा गौतमको उम्मेदवारी
- समाचार२०८३ भाद्र ४, बिहीबार १९:०६पोखरामा भदौ २० गते ‘ओशो मेगा क्याम्प’ आयोजना हुँदै
