फोनिज धादिङद्धारा २६ औं स्थापना दिवसमा अन्तरक्रिया कार्यक्रम

धादिङ, साउन २७ गते ।
नेपाल आदिवासी जनजाति पत्रकार महासंघ (फोनिज) धादिङले २६ औं स्थापना दिवस मनाएको छ । दिवसको अवसरमा मङ्गलबार धादिङबेसीमा “दिगो विकासमा पत्रकारको भूमिका” विषयक अन्तरक्रिया कार्यक्रम गरि स्थापना दिवस मनाएको हो ।

फोनिज धादिङले नीलकण्ठ नगरपालिका वडा नम्बर १२ को सहयोगमा धादिङमा रहेका क्रियाशिल पत्रकारहरुसँग अन्तरक्रिया कार्यक्रम गरेको हो । कार्यक्रमको उद्घघाटन गर्दै नीलकण्ठ नगरपालिका वडा नं. १२ का वडा अध्यक्ष धर्मराज भण्डारी (राजकुमार) ले पत्रकारहरू विकास र परिवर्तनको संवाहक रहेको बताउनुभएको छ ।

‘विश्वसनीय र तथ्यपरक पत्रकारिताको माध्यमबाट सामाजिक रुपान्तरणमा पत्रकारहरुको भूमिका अतुलनिय रहेको छ । राज्यको चौथो अंगको रुपमा रहेको पत्रकारिता समाजको ऐना पनि हो’ उहाँले भन्नुभयोे । कार्यक्रमकै अवसरमा आफु वडा अध्यक्ष भएर आइसकेपछि नीलकण्ठ वडा नम्बर १२ मा सेवा प्रवाह चुस्त तथा सहज बनाएको उहाँले बताउनुभयो ।

नागरिकको चाहना र आवश्यकता अनुरुपनै काम गरेको वडा अध्यक्ष भण्डारीले बताउनुभयो । सिमित श्रोत र साधनमा पनि देखिने खालका थुप्रै कामहरु भएका छन् । उहाँले भन्नुभयो, ‘शिक्षा, स्वास्थ्य, खानेपानी, विकास निर्माण लगायत हरेक क्षेत्रमा राम्रा कामहरु भएका छन् । वडाबासीको जीवनस्तर सुधार तथा समृद्धिका लागि तल्लिन रहेका छौं ।’

पत्रकारहरुकै कारण विकास तथा समृद्धिको क्षेत्रमा फड्को मारेका वडा अध्यक्ष भण्डारीले बताउनुभयो । तर अझै पनि पत्रकारहरुले थुप्रै खालका सवालहरु उठाइदिन उहाँले आग्रह गर्नुभयो ।

सांकोष तिप्लिङ सडक खण्ड राती तथा पानी परेको समयमा पिच गरेको आफैले देखेर पिच कमसल भएको बताउदा पनि नमानेको उदाहरण स्मरण गर्दै यस्ता क्षेत्रमा अझै दम्दारिलो साथ कलम चलाइदिने उहाँले आग्रह गर्दै दिगो विकासमा ठूलो योगदान पुग्ने बताउनुभयो ।

त्यस्तै, फोनिज धादिङका अध्यक्ष अर्जुन श्रेष्ठले अनिजबाट फोनिज हुँदै २६ औं वर्षसम्म आइपुग्दाको यात्रा, उतारचढाव, फोनिजका मुद्धा, धादिङमा पत्रकारिताको इतिहास लगायतका विषयमा स्पष्ट पार्नुभयो । पत्रकारहरुलाई सक्षम बनाई पत्रकारितामा सिक्ने, टिक्ने र विक्ने वातारण बनाउन फोनिजले विभिन्न तालिम सञ्चालन गर्दै आएको उहाँले बताउनुभयो ।

यो पनि पढ्नुहोस् : एसइई २०८२ मा उत्कृष्ट नतिजा ल्याउने विद्यार्थीलाई चिल्ड्रेनपार्क आवासीय माविद्वारा सम्मान

‘स्थापना दिवस फोनिजकर्मीहरुका लागि एउटा उत्सव पनि हो । यसले अन्य संघ संगठनहरुसँग सम्बन्ध विस्तारसँगै भावी रणनिति बनाउन पनि ठूलो सहयोग पुग्नेछ’ उहाँले भन्नुभयो ।

कार्यक्रममा सहभागी वक्ताहरूले पत्रकारितामा सत्य, निष्पक्षता र तथ्यको संरक्षणमार्फत समाजलाई दिगो विकासको बाटोमा अघि बढाउन सकिने धारणा राखेका थिए ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।