धादिङ आएर रविले भने, “राजनीतिक परिवर्तन र इतिहास रच्ने अवसर हो ”
धादिङ,१४ फागुन
राष्ट्रिय स्वतन्त्र पार्टी (रास्वपा) का सभापति रवि लामिछानेले सुशासन, राजनीतिक परिवर्तन र इतिहास रच्ने अवसरको सदुपयोग गर्न अपिल गर्नुभएको छ। धादिङबेंसी सदरमुकाममा आयोजित चुनावी सभालाई सम्बोधन गर्दै सुशासन, राजनीतिक परिवर्तन र इतिहास रच्ने अवसरबारे जोडदार अपिल गर्नुभएको हो ।
उहाँले भन्नुभयो, “यो आवाज सुशासन माग्न संसद् अगाडि गएका विद्यार्थीहरूलाई टाउको र छातीमा ताकी ताकी गोली हान्नेको विरुद्धको आवाज हो।”उहाँले यसपटकको निर्वाचन सामान्य नभएको उल्लेख गर्दै इतिहासले दिएको पीडासँगै आएको अवसरलाई सदुपयोग गर्नुपर्ने बताउनुभयो। “हामीलाई दलबन्दा माथि उठ्ने, झण्डाभन्दा माथि उठ्ने र नेताभन्दा माथि उठ्ने अवसर आएको छ। यतिका वर्ष दल, झण्डा, नारा सबै थिए, तर यस्तो अवसर कहिल्यै थिएन,” उहाँले भन्नुभयो।
राष्ट्रिय स्वतन्त्र पार्टी (रास्वपा) प्रति जनसमर्थन बढ्दो रहेको दाबी गर्दै उहाँले सबै युवा, अधिकांश महिला, जेनेरेसन–जेड (जेन्जी), विभिन्न जातजाति तथा पेशाकर्मीहरू घण्टी चिन्हमा एकत्रित भएको बताउनुभयो। “सिङ्गो देश घण्टीमा अटाएको छ। पाँच वर्षको स्थायी सरकारका लागि इतिहास रच्ने गरी रास्वपालाई मतदान गर्न अनुरोध गर्न आएको छु,” उहाँले भन्नुभयो।
उहाँले मतपत्रमा आफ्नो नाम नदेखिए पनि घण्टी चुनाव चिन्ह खोजेर मतदान गर्न आग्रह गर्दै भन्नुभयो, “आफ्नो भविष्य सम्झेर यस पटक भोट हाल्नुहोला। यस पटक धादिङले इतिहास रच्ने छ।”
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८३ जेष्ठ ९, शनिबार ०७:०१हैदरावाद ५५ रनले विजयी « रिपोर्टर्स नेपाल- स्वास्थ्य/जानकारी टिप्स२०८३ जेष्ठ ८, शुक्रबार २२:५९क्यान्सरको उपचारमा प्रयोग हुने औषधि अभाव
- खेलकुद२०८३ जेष्ठ ८, शुक्रबार १७:३३अमेरिकाविरुद्धको खेलमा नेपालले सहज जित
- खेलकुद२०८३ जेष्ठ ८, शुक्रबार ११:१५काभा महिला भलिबल च्याम्पियनसिप आजदेखि, नेपालले भारतसँग खेल्दै
