Breaking News
सारमन श्रीको पूर्वेली लोकभाका ‘लै बरी माया लै’ सार्वजनिक (भिडियो)

काठमाडौँ। गायक सारमन श्रीको स्वरमा रहेको नयाँ गीत भिडियो सहित सार्वजनिक गरिएको छ। सार्वजनिक ‘लै बरी माया लै’ बोलको गीतमा सन्तोष बिसिको शब्द तथा संगीत रहेको छ। पूर्वेली लोक भाकाको गीतको भिडियो निर्देशन गायक स्वयम् सारमनले गरेका हुन्। विकेश सापकोटाले सम्पादन गरेको भिडियोमा सारमन श्री,दिक्षा,सुजाता,गीता,निरुता,बिनिता ऋतु,लिजा अनिशा लगायतको अभिनय रहेको छ। भिडियो गायक सारमन श्रीको अफिसियल च्यानल मार्फत सार्वजनिक गरिएको छ।

https://www.youtube.com/watch?v=vtY9VpN5SPs

चलचित्र ‘ईश्वर’को शुभमुहुर्त

काठमाडौँ। राजु गिरीको निर्देशनमा बन्न लागेको चलचित्र ‘ईश्वर’को शनिबार पोखरास्थित बिन्दवासिनी मन्दिरमा शुभमुहुर्त गरिएको छ । लक्ष्मी कुँवर थापाको प्रस्तुतीमा निर्माण हुने चलचित्र माघ २८ गतेबाट फ्लोरमा जाँदैछ ।

चलचित्रमा पृथ्वीराज प्रसाई, सुनिल थापा, शिशिर वाङ्देल, बुद्धि तामाङ, माओत्से गुरुङ,रविन्द्र झा, सविन बास्तोला र गीता अधिकारी लगाइतको अभिनय रहनेछ । दिव्या कंगना फिल्मस्को ब्यानरमा निर्माण हुने चलचित्रको पटकथा संवाद भोजराज देवकोटाले तयार गरेका छन् । हरिबहादुर थापा र शंकर गिरी निर्माता रहने चलचित्रमा राजेन्द्र बजगाई र बीपी वाग्लेको संगीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी, रामेश्वर हुँमागाईको छायांकन र देव महर्जनको द्वन्द्व निर्देशन रहनेछ ।

भुवन र जुनाको ‘हे सानू’ मा विदेशिनु पर्दाको पिडा (भिडियो)

काठमाडौंँ । गायक बिनोद दनुवारको स्वर रहेको गीत ‘हे सानू’ सार्वजनिक गरिएको छ । नवराज घिमिरेको शब्द तथा संगीत रहेको गीतको भिडियो युके इन्टरटेन्मेटले सार्वजनिक गरेको हो । भिडियोमा मोडल भुवन के.पोखरेल र जुना कार्की फिचर्ड छन् । नेपाली युवा विदेशिनु पर्दा उसको प्रेमीका र घरपरिवारले कस्तो पिडा भग्नुपर्छ भनेर भिडियोले देखाएको छ । भिडियोमा भुवन र जुनाको अभिनय सुहाउँदो छ ।

गीतका शब्द निकै मार्मिक र मर्मस्पर्सी रहेकाले भिडियो पनि त्यस्तै बनेको मोडल भुवन के पोखरेल बताउँछन् । अहिलेसम्म दुई दर्जन बढी म्युजिक भिडियो तथा बिभिन्न टेलिसिरियलमा अभिनय गरिसकेका भुवनले गीतबाट राम्रो प्रतिक्रिया पाउने आशा गरेका छन् । गीत मार्मिक बिषयमा तयार भएकोले दर्शक श्रोताको मन जित्ने बिश्वास लिएको गायक बिनोद बताउँछन् । भिडियोको छायांकन, सम्पादन र निर्देशक प्रवेश पोखरेलले गरेका हुन् ।