Breaking News
गोर्खा वारियरलाई सफलताको शुभकामना सहित निर्देशक चाम्सलाई सम्मान

काठमाडौँ। नेपाली चलचित्रलाई अन्तराष्ट्रिय बृत्तमा पुर्याएको भन्दै गोर्खा वारियरका निर्माता तथा निर्देशक मिलन चाम्सलाई एक कार्यक्रमका बीच काठमाडौंमा सम्मान गरिएको छ ।

‘ब्रिटिश एकेडेमी अफ फिल्म एण्ड टेलिभिजन आर्टस’ (बाफ्टा) मा मनोनयनमा परेको चलचित्र गोर्खा वारियर आगामी ११ फागुनबाट रिलिज हुँदैछ । हालै बेलायतमा ऐतिहासिक रुपमा अन्तराष्ट्रिय रेड कार्पेट प्रिमियर गरेपछि चलचित्र ‘गोर्खा वारियर’ले अन्तराष्ट्रिय रुपमै चर्चा कमाएको छ ।

यस अघि लेस्टर स्क्वायर लन्डनको आइम्याक्स हलमा प्रिमियर सहभागी चलचित्रकर्मी तथा पत्रकारको टिमले चाम्सलाई नेपाली सहित अन्तराष्ट्रिय बजारमा ‘गोर्खा वारियर’ सफलताको सफलताको लागि शुभकामना दिंदै बधाई स्वरुप सम्मान गरिएको हो ।

चाम्सलाइ निर्देशक समाजका अध्यक्ष जनकदीप पराजुली,निर्देशक समाजका महासचिव अरुण कुमार प्रधान,संचारकर्मी तथा गीतकार नरेश भट्टराई,चलचित्र निर्माता संघका कोषाध्यक्ष ज्योतिराज राइ, ओएस आर डिजिटलका ओम प्रकाश अग्रवाल, अंकिता गोयल, राकेश थापा, निर्माता प्रेम कुमार श्रेष्ठ, चलचित्र पत्रकार संघका महासचिव रघुनाथ सापकोटा, सोही संघका उपाध्यक्ष सुरक्षा भट्टराई, संघका केन्द्रिय सदस्य अनुप भट्टराई, चलचित्र पत्रकार सृस्टी पोखरेल, व्यवसायी राज कुमार श्रेष्ठलगायतले संयुक्त हस्ताक्षर सहितको सम्मानपत्रबाट निर्देशक चाम्सलाई सम्मानित गरिएको हो ।

११ फागुनबाट रिलिज हुने यो चलचित्र नेपाली, हिन्दी, अँग्रेजी र कोरियन भाषामा निर्माण भएको छ । भारत र दक्षिण कोरियाको रिलिजका लागि यो फिल्मको बिक्री भईसकेको छ । यस्तै अमेरिकाको एउटा चर्चित वितरक कम्पनीले ‘गोर्खा वारियर’ लाई भारत र कोरियाबाहेक विश्वव्यापी रुपमा रिलिज गर्दैछ ।’

यो चलचित्रका मुख्य अभिनेता रितेश चाम्सले गोर्खा वारियरबाटै डेब्यु गरेका हुन् । रितेससँगै यो चलचित्रमा विजय लामा, रेविका गुरुङ, शिशिर बाङ्देल, कविता आले, रियर राई, बिरूप घले, आरुस जंग सारु,सारा राई लगायतका कलाकारहरुको मुख्य भूमिका रहेको छ ।

यो चलचित्रको निर्मातामा सुमन राई, सुस्मिता वाइवा छन् । यस्तै कार्याकारी निर्मातामा प्रशान्त थापा, राजेन्द्र घिमिरे एवम् सहनिर्मातामा सुरेश राई रहेका छन् । यो चलचित्र लन्डन सिनेआई प्रोडक्सनको प्रस्तुति र चाम्स इन्टरटेनमेन्टको सहकार्यमा निर्माण भएको हो । यो चलचित्रमा निर्देशक मिलन चाम्स र गिरिराज घिमिरेको लेखन, मिलन श्रेष्ठको सम्पादन, सुदीप बरालको डीओपी, हिमाल केसीको द्वन्द्व निर्देशन, शैलेन्द्र खनाल ‘शरद’को गीत, एलिस कार्कीको संगीत, राजेशपायल राईको गायन, राजेन्द्र मोक्तानको रंग संयोजन रहेको छ ।

दोश्रो विश्व युद्ध अन्तर्गत मलायाको युद्धमा गोर्खा सैनिकले बीरताका साथ लडेर हाँसिल गरेको सफलतासँगै उनीहरुको सँघर्षको कथा यो चलचित्रमा समेटिएको छ । सँसारमै शाहसिक भनेर चिनिने गोर्खाली योद्धाको सँघर्षमा आधारित यो चलचित्रले उनीहरुको युद्धसँगै पारिवारिक कथालाई गोर्खा वारियरले पर्दामार्फत विश्वका दर्शकमाझ पुर्याउने कथन निर्देशक मिलन चाम्सको रहेको छ ।

ओम सुनारको ‘मायाले सजाऊँला’ सार्वजनिक (भिडियो)

काठमाडौँ। गायक ओम सुनारको स्वरमा रहेको नयाँ गीत भिडियो सार्वजनिक गरिएको छ। सार्वजनिक ‘मायाले सजाऊँला’ बोलको गीतमा मुना शाहको शब्द रचना र गायक सुनारकै संगीत रहेको छ। भिडियोमा जातका कारण मायामा आएको बाधा र अबरोधले पिडित महिलाको कथालाई प्रस्तुत गरिएको छ।

गायक ओम सुनारकै कन्सेप्टमा निर्माण गरिएको भिडियोमा देवेन्द्र कुँवरको निर्देशन,बिमल ढकालको छायांकन र बिनोद बमको सम्पादन रहेको छ। भिडियोमा ओम र आलिसा बास्तोला फिचर्ड छन्। भिडियो गायकको आफ्नै यु ट्युब च्यानल मार्फत सार्वजनिक गरिएको छ।

माण्डवीको ‘आदत’ मा प्रियना र सञ्जिव (भिडियो)

काठमाडौँ । लोकप्रिय गायिका माण्डवी त्रिपाठीको स्वर तथा डा.भामा देवकोटा शर्माको शब्द रहेको गीत ‘आदत’ सार्वजनिक गरिएको छ । गीतमा संगीत तथा संगीत संयोजना बिपिन आचार्यको छ ।

रोमान्टिक शैलीमा तयार गीतमा प्रेमिकाले आफ्नो जीवनमा प्रेमीको आदत परेको कुरा ब्यक्त छ । प्रेमिकाले आफ्ना लागि प्रेमिकोसाथ अपरिहार्य रहेको समेत बताएकी छन् ।

गीतको भिडियो फिल्मी शैलीमा तयार गरिएको छ । भिडियोमा हास्य सिरियल ‘सक्किगोनी’ को कलाकार प्रियाना आचार्य मुन्नी’, सञ्जिव तामाङ, गीतकार डा.भामा देवकोटा शर्मा, डा.प्रमोद शर्मा, श्यामा देवकोटाको अभिनय छ ।

डा.प्रमोद शर्मा निर्माता रहेको भिडियोमा प्रेमी प्रेमिकाको रोमान्टिक प्रेमकथा देखाइएको छ । सञ्जिव तामाङको कोरियोग्राफी, विजय रुम्बा लामाको छायांकन तथा सम्पादन रहेको भिडियो संगीतकार विपिन आचार्यले नै निर्देशन गरेका हुन् ।

गीत अमेरिकामा रहेर नेपाली गीत संगीत, साहित्य र संस्कृतिलाई माया गर्ने जोडी डा.भामा देवकोटा शर्मा र डा.प्रमोद शर्माको आधिकारिक युट्युव च्यानल प्रभामा क्रियसनबाट सार्वजनिक गरिएको हो ।

नेपाल र अमेरिकाको बिभिन्न स्थानमा छायाङ्कन भएको भिडियोेको चर्चित छायांकार रामेश्वर कार्कीले अमेरिकामा छायाङ्कन गरेका हुन् । फिल्मी शैलीमा तयार भिडियोमा चर्चित फिल्म निर्देशक नारायण पुरीको समेत विशेष मार्ग निर्देशन रहेको निर्देशक संगीतकार आचार्यले बताए ।

भ्वाइस अफ नेपाल सिजन ५ को उपाधि विनोदले जिते

काठमाडौँ । रियालिटी शो भ्वाइस अफ नेपाल सिजन ५ को उपाधि विनोद राईले जितेका छन् । शुक्रबार ललितपुरको गोदावरीमा भएको ग्राण्ड फिनालेमा उनले अन्य तीन प्रतिस्पर्धीलाई पछि पार्दै आफ्नो पक्षमा नतिजा पार्न सफल भएका हुन् । सर्वाधिक भोट ल्याएको आधारमा टीम मिलनका उनले उपाधिसँगै २० लाख नगद हात पारे ।

भ्वाइस अफ नेपालको फाइनालिस्टमा कोच मिलन नेवारको टीमबाट विनोद राईसहित कोच प्रमोद खरेलको टीबाट नोगेन लिम्बू, कोच राजेशपायल राईको टीमबाट मकरबहादुर योञ्जन र कोच उदय सोताङको टीमबाट कुमार प्रयास राई पुगेका थिए ।