Breaking News
गायिका उमा श्रेष्ठको गीतमा अभिनेता सिमान्त उदास (भिडियो)

काठमाडौँ। गायिका उमा श्रेष्ठको स्वरमा रहेको नयाँ गीत भिडियो सार्वजनिक गरिएको छ। राजधानी काठमाडौँमा एक कार्यक्रमका बीच भिडियो सार्वजनिक गरिएको हो। उपसभामुख इन्दिरा राना मगरको प्रमुख आतिथ्यता सम्पन्न भिडियो सार्वजनिक कार्यक्रममा संचारकर्मीको बाक्लो उपस्थिति रहेको थियो। सार्वजनिक ‘के भुल गरें थिएँ र मैंले’ बोलको गीतमा शब्द रचना अर्जुन थेबेको र संगीत देवराज आले मगरको रहेको छ।

कमल एक्चै मगरले निर्देशन गरेको भिडियोको छायाँकन चक्र महर्जनले गरेका हुन्। भिडियोमा सन्तान नहुँदाको पारिवारिक तनाबलाई देखाउन खोजिएको छ।
भिडियोमा अभिनेता सिमान्त उदास र गायिका उमा श्रेष्ठ फिचर्ड छन्। बिशाल निरौलाको संगीत संयोजन रहेको गीतको भिडियोको सम्पादन निर्देशक स्वयम् कमलको रहेको छ भने कलर संयोजन राजेन्द्र मोक्तानले गरेका छन्।

भिडियो सार्वजनिक कर्यक्रममा मेची नगर लेडी जेसिजका संस्थापक कविता शर्मा र कृष्ण थापा मगरले शुभकामना मन्तब्य राखेका थिए। कार्यक्रममा बोल्दै प्रमुख अतिथि उपसभामुख इन्दिराले बाल्यकालको सम्झना गरिन्। गायिका उमा र इन्दिरा बाल्यकालका साथी हुन्। भिडियो गायिका उमा श्रेष्ठको अफिसियल च्यानल मार्फत सार्वजनिक गरिएको छ।

‘पूजार सार्की’ को गीतमा प्रकाश र शान्ति श्रीको स्वर

काठमाडौँ। अभिनेता त्रय आर्यन सिग्देल, प्रदीप खड्का र पल शाहको महत्त्वाकाङ्क्षी चलचित्र ‘पूजार सार्की’को प्रमुख गीत रेकर्डिङ भएको छ । शनिवार रेकर्डिङ भएको गीतमा पछिल्लो समयका चर्चित गायक गायिका प्रकाश सपूत र शान्ति श्री परियारले स्वर दिएका छन् ।

चलचित्रका निर्देशक दिनेश राउतले सामाजिक सञ्जालमार्फत गायक सपूतसँगको फोटो शेयर गर्दै गीत रेकर्डिङ भएको जनाएका छन् । उनले गीतको शीर्षक भने खुलाएका छैनन् । लोक शैलीमा तयार हुँदै गरेको सो गीतमा हर्क साउदको शब्द रचना, सुबास भुसालको सङ्गीत तथा हेमन्त कान्छा रसाइलीको एरेञ्ज रहेको राउतले जानकारी दिएका छन् ।

यस चलचित्रमा अभिनेत्री द्वय अन्जना बराइली र परीक्षा लिम्बुले पनि प्रमुख भूमिकामा अभिनय गर्दैछन् । बराइलीले यसअघि चलचित्र ‘महापुरुष’मा अभिनय गरेकी थिइन् । परिक्षाले ‘जारी’ र ‘छक्का पन्जा ४’मा अभिनय गरेकी छन् ।

दर्शकको रोजाइका तीन स्टारहरू एकसाथ चलचित्रमा आउँदा यसले दर्शकमा छोड्ने छाप पनि स्मरणीय हुने अपेक्षा गरिएको छ । ‘प्रसाद’, ‘क्लासिक’, नोभेम्बर रेन’ लगायतका सफल चलचित्रका निर्देशक राउतले हालसम्म दर्शकलाई निराश बनाएका छैनन् । उनले यस चलचित्रलाई विषयगत र व्यापारिक दुवै दृष्टिकोणबाट ब्लकबस्टर बनाउन घनिभूत लागेका छन् ।

माघको मध्यबाट छायाङ्कन सुरु हुने यो चलचित्रलाई विकास सुवेदीले लेखेका छन् । सङ्गीतकार सुबास भुसालले निर्माण गर्दैछन् । एक दर्जन चलचित्रमा सङ्गीत दिएका भुसालले पहिलो पटक चलचित्र निर्माण गर्न लागेका हुन् ।

भुसालले सङ्गीत गरेको सुपर हिट गीत ‘लै लै’ र ‘बनकी चरी’ दिनेशले निर्देशन गरेको चलचित्र ‘प्रसाद’मा समावेश थिए भने अर्को सुपर हिट गीत ‘जिन्दगीको के छ र भर’ दिनेशकै चलचित्र ‘सेल्फी किङ्ग’मा समावेश थियो । ‘पूजार सार्की‘ किङ्गडम नेटवर्कको ब्यानरमा बन्नेछ भने आरआर फिल्मसले वितरण गर्नेछ ।

चलचित्र ‘जिग्री’को पोस्टर सहित प्रदर्शन मिति सार्वजनिक

काठमाडौँ। सुस्केरा आर्ट्सको निर्माण तथा प्रस्तुति रहेको चलचित्र ‘जिग्री’ को तीन फरक पोस्टर सार्वजनिक गर्नुका साथै रिलिज मिति पनि घोषणा गरिएको छ । निर्माण टिमले एउटा आलु जस्तो, अर्को तामा जस्तो ट्यागलाइन राख्दै चलचित्र फागुन ४ गते रिलिजमा आउने जानकारी गराएका हुन् ।

कमेडी–क्राइम–एक्सन-ड्रामाको मिश्रण रहेको उक्त चलचित्र `जिग्री´लाई आकाश मगरले निर्देशन गरेका हुन् । चलचित्रमा कलाकारहरू अभय राज बराल, आकाश मगर, सुशील राज पाण्डे, पशुपति राई, सुप्रिया राना, रोशन सुवेदी, जीवन बराल, वासुदेव खनाल, नवीन लम्साल, केदार श्रेष्ठ, दिवाकर घिमिरे, सुशीला लक्ष्मी महर्जन, मनिष व्याञ्जु, स्नेहा रसाइली, अर्जुन पौडेल, शंकर भण्डारी लगायतको अभिनय रहेको छ।

चलचित्र `जिग्री´ काठमाडौँमा अनेकन् महत्वकांक्षा बोकेर आएका फरक व्यवहार भएका दुई केटाको कथा हो । ती युवाहरूले महँगी र अभावमा पिल्सँदै काठमाडौँमा टिकेर बस्नका लागि गरेको सङ्घर्ष चलचित्रको मुख्य विषय बस्तु रहेको छ । वर्तमान समयमा आम नेपाली युवाहरूको परिश्रम अनुसारको आम्दानी नहुने अवस्था र त्यस अवस्थाले निम्त्याएका घटनाहरूलाई जिग्रीले कमेडी, क्राइम र एक्सन शैलीबाट दर्शक माझ देखाउन खोजेको छ ।

चलचित्रका कार्यकारी निर्माता कुसुम थापा मगर र निर्माता कुमार श्रेष्ठ रहेका छन् । चलचित्रमा छायाङ्कन सुमित भट्ट र सोमित माझी, सम्पादन र कलर सरुन मानन्धर, ध्वनि परिकल्पना र मिश्रण किशोर आचार्य, प्रोडक्सन डिजाइन आकी थेक्पा, सङ्गीत सुवास पौडेल र भास्कर स्वाँर, कास्टिङ निर्देशक केदार श्रेष्ठ र भिएफएक्स लुज राजभण्डारीको रहेको छ ।

५ अंगलाई मुटु भन्दा पहिले थाहा हुन्छ प्रेम

लामो र गहिरो अनुसन्धान पश्चात मनोवैज्ञानिकहरुले प्रेमको साइकोलोजी बुझ्ने कोशिस गरेका छन्। एक अनुसन्धानका अनुसार प्रेम मुटु भन्दा पहिले ज्ञानेन्द्रीयलाई महशुस हुन्छ । ज्ञानेन्द्रीय पछि मात्रै मुटुलाई जानकारी हुन्छ । सवैभन्दा पहिले ५ ज्ञानेन्द्रीय अर्थात् आँखा, नाक, कान, जिब्रो र छालालाई प्रेम महशुस हुन्छ।

प्रेमको यो मनोविज्ञानबाट सम्बन्धको गहिराइ बुझ्ने सहज हुने अनुनसन्धानकर्ताको दाबी छ।

दिमागको १२ ठाउँमा हिट गर्छ प्रेम

पीएसवाई ब्लगको एक रिपोर्ट अनुसार कसैलाई देख्नेबितिक ५ वटै ज्ञानेन्द्रीयमा प्रेम हर्मोन सक्रिय भएर मानवलाई प्रेमकव संसारमा लैजान सक्छ । मानव बाहिरी दुनियाँलाई ५ सेन्सेजबाट महशुस गर्छ। ती सेन्सेज हुन्- आँखा, नाक, कान, जिब्रो र छाला।

जब यी ५ सेन्सेजले दिमागलाई न्युरो ट्रान्समिटर्सबाट म्यासेज पठाउँछन् , ‘फलानो चिज राम्रो र प्रेम गर्न लायक छ।’ त्यसको ०.२ सेकेन्डमा ब्रेनबाट ४ लभ हर्मोन (अक्सिटोसिन, डोपामाइन, वेसोप्रेसिन र ड्रिनेलिन) रिलिज हुन थाल्छन् । दिमाथमा १२ तरिकाले त्यस चिजको चित्र बन्ने र बिग्रिने गर्छ। त्यसपछि मान्छे प्रेमतिर धकेलिन्छ।

दिमागमा नाचिरहेका तारा !

‘न्युयोर्क विल करनेल मेडिकल सेन्टर’ का चीफ न्युरोसर्जन डा फिलिप स्टिगका अनुसार जब मान्छेहरु प्रेममा पर्छन्, उनीहरुको शरीरमा फिजियोलोजिकल स्तरमा धेरै परिवर्तन भइरहेका हुन्। प्रेमको उत्तेजनामा दिमागमा एकसाथ एक लाख भन्दा ज्यादा न्युरोट्रान्समिटर्स सक्रिय हुन्छन्। एक सेकेन्डमा १० हजार भन्दा बढी न्युरोकनेक्सन बनिरहेका हुन्।

यदि तपाईं कुनै मेसिनमा त्यो समय आफ्नो दिमागमा सक्रिय न्युरोट्रान्समिटर्स देख्न पाउनुहुन्थ्यो भने लाग्थ्यो- सारा चम्किला तारा एकसाथ डान्स गरिरहेका छन्।

अनु चौधरीको ‘सुनन ए मायालु’ मा पुस्कर र स्मारिका(भिडियो)

काठमाडौँ। पछिल्लो समयकी चर्चित गायिका अनु चौधरीको स्वर रहेको गीत ‘सुनन ए मायालु’ बोलको गीतको म्युजिक भिडियो सार्वजनिक गरिएको छ । शनिबार स्याङ्याजा म्युजिक नामक युट्युब च्यानलबाट यो गीतको भिडियो सार्वजनिक गरिएको हो ।

तुलाआर लामिछानेको शब्द रचना रहेको गीतमा संगीत तथा एरेञ्ज पवन परियारले गरेका हुन् । गीतको म्युजिक भिडियोको निर्माता तुलाआर लामिछाने नै हुन् । गीतको भिडियोमा पुस्कर राउत र स्मारिका ढकाल फिचर्ड छन् ।

मुभि पोइन्टमा पोस्ट प्रोडक्सनको काम गरिएको गीतमा सुरेश पाण्डेको कोरियोग्राफी, रामेश्वर हुँमागाईको छायाँकन, बन्दे प्रसाद र प्रविन ढकालको सम्पादन, प्रिया नगरकोटीको हेयर एण्ड मेकअप रहेको छ । म्युजिक भिडियोको निर्देशन कोरियोग्राफर पाण्डेले नै गरेका हुन् ।

मौलिक गाउँघरको कथामा समिरको ‘किन न बोलेकी’

काठमाडौँ। फरक स्वाद र मौलिक गाउँघरको कथा बोकेको गीत ‘किन न बोलेकी’ को म्युजिक भिडियो सार्वजनिक गरिएको छ । समिप इन्टरटेन्मेन मार्फत सार्वजनिक भिडियोमा राजु ज्ञ्याबाक ,दिवा पैजा ,कुमार गुरुङ्गको अभिनय रहेको छ । लोकपप शैलिमा रहेको गीतमा समिर थापाको स्वर रहेको छ।

मिलन शंकरले छायांकन गरेको भिडियोको सम्पादन नकुल खड्काले गरेका छन्। रोहन नेपालीले निर्देसहन गरेको भिडियोमा त्रीकोणात्मक प्रेमकथा देखाउन खोजिएको छ । मगर समुदायको संस्कृती युवा, युवती बिचको माया प्रेमका तितामिठा पलहरुलाई भिडियोमा उतारेको निर्देशक रोहनले बताए ।

अभिनेता राजबल्लभ कोइराला ‘एक्टर’बाट कमब्याक गर्दै

अमेरिकामा बस्दै आइरहेका अभिनेता राजबल्लभ कोइरालाले ९ वर्षपछि फिल्म ‘कामिनो’बाटकमब्याक गर्ने निश्चित भएको थियो । तर पछि कारणबस फिल्मको निर्माण नभए भएपछि उनी सहमतिमै बाहिरिएका थिए । अब भने अर्को फिल्म ‘एक्टर’बाट उनले कमब्याक गर्ने भएका छन् । फिल्मको एक पोस्टर आफू चित्रित फेसबुकमा सेअर गर्दै उनले कमब्याक पुष्टि गरेका हुन् ।
आरजे हुँदै फिल्म ‘पर्खि बसें’बाट अभिनेताको रुपमा डेब्यु गरेका राजबल्लभको एक समय लभस्टोरी फिल्ममा राम्रो जगजगी थियो । ‘हाइवे टु धम्पुस’बाट उनको हलिउडमा समेत डेब्यु भएको थियो । यही फिल्मको छायांकनका लागि २०७१ सालमा अमेरिका गएपछि उनले अभिनयलाई निरन्तरता दिन सकेका थिएनन् ।
‘एक्टर’मा राजबल्लभसँगै प्रदीप खड्का र आना शर्मा पनि मुख्य भूमिकामा देखिनेछन् । केही दिनमा अर्की एक अभिनेत्रीको पनि फिल्ममा प्रवेशको सम्भावना छ । राजन भुसालको निर्देशनमा बन्न लागेको फिल्मका निर्माता थमन कुमार भण्डारी हुन् भने सह-निर्मातामा एनिस भुसाल र सार्थक केसी छन् । सन् २०२५ मा रिलिज लक्ष्य राखिएको फिल्ममा नरेन्द्र मैनालीको छायांकन रहनेछ ।

आज केहि प्रदेशमा हिमपातको सम्भावना

नेपालमा हाल पश्चिमी वायुको आंशिक प्रभाव रहेको छ। मौसम पूर्वानुमान आइतबार देशको पहाडी भू-भागमा आंशिक देखि साधारण बदली रही बाँकी भू-भागमा आंशिक बदली देखि महाशाखाका अनुसार मौसम मुख्यतया सफा रहनेछ।

त्यस्तै आज कोशी, गण्डकी र कर्णाली प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ। भने तराईका अधिकांश स्थानहरूमा हुस्सु र कुहिरो लाग्ने हुँदा दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने महाशाखाको भनाई छ ।

भोलि सोमबार पनि देशभर आंशिक बदलीदेखि मुख्यतया सफा रहनेछ। कोशी र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ। चिसोबाटसमेत बच्न आवश्यक उपायहरू तथा सतर्कता अपनाउन महाशाखाको अनुरोध छ ।