प्याब्सन बागमती प्रदेश स्तरीय चित्रकलामा चिल्ड्रेनपार्क सान्त्वना
धादिङ, असार १ गते ।
निजी तथा आवासीय विद्यालय अर्गनाइजेसन, नेपाल (प्याब्सन) बागमती प्रदेशले प्रथम प्रदेशस्तरीय चित्रकला प्रतियोगिता सम्पन्न गरेको छ। उक्त प्रतियोगिता शुक्रबार सिन्धुपाल्चोकस्थित सेरावीच रिसोर्टमा सम्पन्न भएको हो।
प्रतियोगितामा बागमती प्रदेशका १३ जिल्लाबाट ७२ जना विद्यार्थीहरूले सहभागिता जनाएका थिए। धादिङ जिल्लाबाट चिल्ड्रेनपार्क आवासीय माध्यमिक विद्यालय, धादिङबेसीका आयुष बराईली र मुनाल एकेडेमी, गजुरीकी कृशुना डल्लाकोटी प्रतिनिधिका रूपमा सहभागी भएका थिए।
उनीहरू दुवैजना गत जेठ १० गते प्याब्सन धादिङले आयोजना गरेको जिल्ला स्तरीय चित्रकला प्रतियोगिताबाट छनोट भएका थिए।
प्रतियोगितामा धादिङका प्रतिनिधि आयुष बराईलीले सान्त्वना पुरस्कार प्राप्त गर्दै जिल्लालाई पहिलोपटक नै प्रदेशस्तरमा पुरस्कृत गराउने सफलता हासिल गरेका छन्।
यस उपलब्धिप्रति खुशी व्यक्त गर्दै प्याब्सन धादिङका सचिव भीम बहादुर श्रेष्ठले चिल्ड्रेनपार्क विद्यालय र आयुष बराईलीको योगदानले सम्पूर्ण प्याब्सन धादिङको गरिमा थप उचो बनाएको बताउनुभयो।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ श्रावण ७, बिहीबार ०८:३५‘एन्जिला’ उत्कृष्ट चलचित्र बन्दै ४ हजार डलरको अवार्ड जित्यो- कला, विचार/मनोरञ्जन२०८३ श्रावण ६, बुधबार २२:०८निर्देशक सन्तोषले चलचित्र जाँचपासबाट प्राप्त भत्ता कलाकार थापाको उपचारमा सहयोग
- खेलकुद२०८३ श्रावण ६, बुधबार २०:२९१२१ देशका ४७२ खेल पत्रकारले गरे मेस्सीलाई उत्कृष्ट खेलाडी घोषणा
- स्वास्थ्य/जानकारी टिप्स२०८३ श्रावण ६, बुधबार १८:०९मन्त्रीको उपस्थितिमा आयुर्वेद तथा वैकल्पिक चिकित्सा सुधारका लागि उच्चस्तरीय छलफल
