Breaking News
संस्कृत युवा मञ्चद्वारा सत्सङ्ग तथा दिवा खाजा वितरण

पोखरा । संस्कृत युवा मञ्च नेपालले बुधवार एक कार्यक्रमका बीच सत्सङ्ग तथा दिवा खाजा वितरण कार्यक्रम सम्पन्न गरेको छ । पोखरा -५ मालेपाटन ,मनकामना मन्दिर स्थित ज्येष्ठ नागरिक मिलन केन्द्रमा सत्सङ्ग गरी ज्येष्ठ नागरिकलाई दिवा खाजाको व्यवस्था गरेको हो ।

आफ्नो नियमित कार्यक्रम अन्तर्गत “सेवा ही परमो धर्म “भन्ने
मूल मन्त्रका साथ आयोजित कार्यक्रममा ज्येष्ठ नागरिक मिलन केन्द्रका अध्यक्ष श्री होमनाथ बरालको प्रमुख आतित्थ्यता रहेको थियो। कार्यक्रम बोल्दै प्रमुख अतिथि बरालले संस्कृत युवा मञ्चले भजन तथा सत्सङ्ग सहित भोजनको व्यवस्था गरेकोमा खुसी व्यक्त गर्नुभयो । त्यस्तै कार्यक्रममा बोल्दै मनकामना मन्दिर विकास समितिका सचिव केदारनाथ बरालले मञ्चले धार्मिक तथा सेवामूलक काम गरेकोमा प्रसंशा गर्दै यस्ता शुभकर्महरू गर्न भगवानले सत्प्रेरणा दिऊन् भन्दै संस्थाको उज्वल भविष्यको कामना समेत गर्नुभयो । कार्यक्रममा बाराही आमा समूहकी अध्यक्ष भगवती बराल लगायतले मन्तव्य राख्नु भएको थियो ।

साथै, यसै कार्यक्रमका बीच संस्थाद्वारा प्रकाशित २०८२ सालको गण्डकी भित्तेपात्रोलाई वितरण समेत गरिएको थियो ।


संस्थाका उपाध्यक्ष महेन्द्र पौडेलको अध्यक्षता तथा कोषाध्यक्ष भवानी शंकर शर्माको संयोजकत्वमा सम्पन्न कार्यक्रममा संस्थाका सल्लाहकार गिरिधर आचार्यले धार्मिक प्रवचन तथा सदस्य हरिराज कोइरालाले शिवजीको भेषमा नृत्य प्रस्तुत गर्नुभएको थियो भने कार्यक्रमको सञ्चालन सचिव दिवाकर पौडेलले गर्नुभएको थियो ।

केटीएसको उद्घाटन समारोहमा नेपाल उद्योग वाणिज्य महासंघका अध्यक्ष ढकालको मन्तव्य

आफ्नो अढाइ दशकको व्यावसायिक यात्रामा आइएमई ग्रूपले बैंक तथा वित्तीय क्षेत्र, बीमा, पर्यटन तथा आतिथ्य, पर्यटन पूर्वाधार, जलविद्युत, म्यानुफ्याक्चरिङलगायत क्षेत्रमा अनेकौं उद्योग तथा परियोजनाहरु सञ्चालन गरिसकेको छ ।
आइएमई ग्रुपअन्तर्गतका कम्पनीहरुमा २५ हजारभन्दा बढी व्यक्तिले प्रत्यक्ष रोजगारी पाएका छन् । त्यत्ति नै वा त्यसभन्दा बढीलाई स्वरोजगार बनाउन पनि हामीले सहयोग गरेका छौं ।
आज उद्घाटन गरिएको यस काठमाडौं टेक्निकल स्कुलको औपचारिक सञ्चालनसँगै अब आइएमई ग्रुप प्राविधिक जनशक्ति उत्पादनका क्षेत्रमा अगाडि बढेको छ ।
यस स्कूलले थप हजारौ युवालाई रोजगार वा स्वरोजगार बनाउन महत्वपूर्ण भूमिका निर्वाह गर्ने कुरा यहाँहरुमा जानकारी गराउन चाहन्छु ।
नेपालमा प्राविधिक तथा व्यावसायिक शिक्षामा नयाँ युगको शुरुवात गर्ने लक्ष्यका साथ स्थापना गरिएको यस स्कुलले विशेष गरी रोजगारी, शिक्षा, समाज र समग्र अर्थतन्त्रमा सकारात्मक योगदान दिने हाम्रो अपेक्षा छ ।
नेपालको परिप्रेक्षमा व्यक्तिगत तथा पारिवारिक समृद्धिका साथै देशको विकासमा दक्ष जनशक्तिको आवश्यकता र महत्वलाई दृष्टिगत गर्दै आइएमई ग्रूपले यस क्षेत्रमा कदम चालेको हो ।
आगामी एक दशकमा १ लाखभन्दा बढी कुशल जनशक्ति तथा प्रोफेशनलहरु उत्पादन गर्ने लक्ष्यका साथ हामीले यो पहल लिएका हौँ । यसका लागि यस स्कुलले तीन दर्जनभन्दा बढी रोजगारमूलक तथा स्वरोजगारमूलक विधाहरुमा तालिमहरु सञ्चालन गर्नेछ ।

आधुनिक विश्वमा प्राविधिक शिक्षा विकल्प होइन, आवश्यकता बनिसकेको छ । पहिलेजस्तो विश्वविद्यालयको डिग्री लिनै पर्ने र त्यस्तो अध्ययन गर्न नसक्ने वा नभ्याउनेहरुले प्राविधिक शिक्षा पढ्ने अवस्था अहिले छैन ।
अझ अघिल्लो पुस्तासम्म त नेपालमा विद्यालय तहको पढाइमा राम्रो नतिजा हासिल गर्न नसक्नेले मात्र प्राविधिक शिक्षा वा तालिम लिने सोच थियो जुन कतिपयमा अद्यपि कायम छ ।
तर अहिले आफूलाई दक्ष र अब्बल साबित गर्न मात्र होइन आफूले चाहेको क्षेत्रमा जागिर पाउन वा आफ्नै व्यवसाय थाल्नका लागि प्राविधिक शिक्षा अपरिहार्य बनेको हामीले देखेका छौं । अभिभावक र विद्यार्थीहरु स्वस्फूर्तरुपमा यसतर्फ आकर्षित भइरहेका छन् ।
अबको शिक्षाको मोडल पनि यस्तै बन्नुपर्छ । विद्यालय तहको अनिवार्य शिक्षा हासिल गरिसकेपछि प्राविधिक विषयको अध्ययन वा तालिम सक्ने, अनि रोजगार वा स्वरोजगार बन्दै अन्य प्राज्ञिक विषयको अध्ययन अघि बढाउने ।
त्यसैले सरकारले पनि प्राविधिक स्कुल तथा तालिम केन्द्रहरुको स्थापना र सञ्चालनलाई प्रोत्साहन तथा सहयोग गर्नुपर्छ । विश्वका अनेक मुलुकहरु र हाम्रा छिमकी भारत र चीनले इनोभेसन, उत्पादकत्व र आर्थिक वृद्धिलाई टेवा दिनका लागि सीपमूलक क्षिक्षाको उच्च उपयोग गरेको देखिन्छ ।
इञ्जिनियरिङ, स्वास्थ्य, सूचना तथा सञ्चार प्रविधि, होटल तथा पर्यटन, कृषि वा अन्य धेरै क्षेत्रमा प्राविधिक ज्ञानले उद्योगलाई आकार दिन र समाजलाई परिवर्तन गर्न महत्वपूर्ण भूमिका खेल्न सक्छ ।
नेपालमा पनि सरकारले राष्ट्र निर्माण तथा आर्थिक उन्नतिमा प्राविधिक शिक्षाको महत्वपूर्ण भूमिका रहेको कुरालाई आत्मसाथ गरेको देखिन्छ । सीपमूलक शिक्षा तथा व्यावसायिक प्रशिक्षणलाई प्रवद्र्धन गर्न विभिन्न नीति तथा पहलहरु थालिएका छन् ।
यस्ता नीति तथा अभियानलाई सार्थक बनाउनका लागि नेपालमा उचित मूल्यमा गुणस्तरीय शिक्षा र प्रशिक्षण प्रदान गर्न सक्ने शिक्षालयहरुको आवश्यकता छ । सीटीईभीटीमा मात्र सिमित प्राविधिक तथा व्यावसायिक शिक्षामा अहिले स्वदेशी तथा विदेशी विश्वविद्यालयहरुको समेत प्रवेश भइसकेको छ । यसबाट पनि यसको महत्व र गाम्भिर्यता पुष्टी हुन्छ ।
उपस्थित महानुभावहरु,
अहिले नेपालले सामना गरिरहेको सबैभन्दा ठूलो चुनौति के हो ? भनेर सोध्यो भने यहाँहरुमध्ये अकिांशले सेकेन्ड पनि खेर नफाली जवाफ दिनुहुनेछ – बेरोजगारी तथा युवा शक्तिको पलायन ।
त्यसो भए हाम्रा युवाहरु किन यसरी देश छाडिरहेका छन् ? के यो उनीहरुको रहर हो ? परिवारबाट बिछोडिएर अनि देश र समाजबाट टाढिएर विरानो मुलुकमा बस्ने ?
हामी सबैलाई थाहा छ, यो उनीहरुको बाध्यता हो । हो केही संख्यामा युवाहरु विदेशिनु पर्छ । नयाँ नयाँ विषयहरुको अध्ययन गरी ज्ञान यहाँ भित्र्याउनु पर्छ । नयाँ रोजगारी तथा सीपका अवसरहरु भित्र्याउनुपर्छ । तर सकीनसकी रिनधन गरेर थ्रीडी भनिने डर्टी, डेन्जरस र डिमिनिङ काम गर्न अर्काको देशमा जानुपर्ने अवस्था पक्कै पनि सन्तोषको कुरा होइन ।
पछिल्ला तथ्यांकअनुसार गत आर्थिक वर्षमा नयाँ र नवीकरण गरी ७ लाख १४ हजारभन्दा बढीले श्रम स्विकृति लिएका छन् । त्यस्तै अनौपचारिक माध्यमबाट विदेशमा काम गर्न जाने नेपालको संख्या पनि उल्लेख्य छ । त्यसको अर्थ हो, एक दिनमा झण्डै २ हजार नेपालीले कामकै लागि मुलुक छाडिरहेका छन् । विदेशमा पढ्न र तालिम लिन जानेको संख्या पनि तिब्र गतिमा बढिरहेको छ ।
यो चिन्ताजनक अवस्था हो । तर मलाई लाग्छ, अझ बढी चिन्ताको अवस्था हामीसँग विद्यमान छ ।
त्यो भनेको के हो भने विदेशमा काम गर्न स्वीकृति लिनेमध्ये १ लाख ४५ हजार अदक्ष र ५ लाख ३२ हजार सामान्य सीप भएका छन् । यस्ता सीपविहीन वा सामान्य सीप भएका कामदारले पाउने तलब वा सुविधा ज्यादै कम हुने गरेको छ । उनीहरुले गर्ने काम पनि सहज हुँदैन ।
सात लाख भन्दा बढी नेपाली विदेशमा रोजगारी गर्न गएकोमा जम्मा ७ सय ३२ उच्च सीप भएका र २ हजार ७ सय ७२ प्रोफेशनल छन् ।
वैदेशिक रोजगारमा रहेको एक नेपालीले एक वर्षमा पठाउने रेमिट्यान्सको रकम भन्दा फिलिपिन्सको व्यक्तिले झण्डै चार गुणा बढी रहेको तथ्याङ्कले देखाउँछ ।
यी तथ्यांकले पनि यहाँ सीप विकासको आवश्यकता कति ठूलो रहेछ भन्ने प्रष्ट पार्छ । स्वदेशमा रोजगार वा स्वरोजगार हुन नचाहेर विदेशै जान चाहे पनि यदि सीप छ भने राम्रो काम र उच्च ज्याला वा तलब पाइने अवस्था रहन्छ । अहिले देशले प्राप्त गरेको रेमिट्यान्सको परिमाणमा पनि यसले सकारात्मक प्रभाव पार्ने छ ।
यस्ता कुरामा हस्तक्षेप गरी युवाहरुलाई सीपले सुसज्जित गर्ने हाम्रो लक्ष्य हो ।
माननीय मन्त्रीज्यू, सीप सहित मात्र नेपालीलाई आन्तरिक रोजगारी तथा वैदेशिक रोजगारमा संलग्न हुने कानुनी प्रबन्ध गरेमा काठमाडौँ टेक्निकल स्कुल जस्ता प्राविधिक सीप दिने थप विद्यालयहरु देशै भरी खुल्ने अवस्था हुन्छ ।
जसरी प्राज्ञिक ज्ञानको तहगत सर्टिफिकेट हुन्छ । त्यसैगरी, प्राविधिक ज्ञान, सीपको पनि राष्ट्रिय तथा अन्तराष्ट्रिय मान्यता हुने गरी सीप परीक्षण मार्फत प्रमाणीकरण गर्न सहियो र निजी क्षेत्रले आन्तरिक रोजगारमा जनशक्ति लिँदा उक्त प्रमाणपत्र लाई आधार मान्ने र वैदेशिक रोजगारमा जाने व्यक्तिलाई पनि उक्त प्रमाण पत्रले आफ्नो दक्षता अनुसारको काम पाउने सुनिश्चितता हुन्छ । हो, रोजगारका सबै क्षेत्रमा स्किल सर्टिफिकेट एकै पटक अनिवार्य गर्न सकिदैन । तर कुनै कुनै निश्चित रोजगारीका क्षेत्र जस्तै हस्पिटालिटी, निर्माण क्षेत्रबाट तुरुन्तै सुरुवात गर्न सकिन्छ । वैदेशिक रोजगारबाट फर्किएका नेपाली युवाको पनि सीप परीक्षण गरी सर्टिफिकेट दिने व्यवस्था गर्न सकेमा त्यस सर्टिफिकेटले देश भित्रै सीप अनुसारको रोजगारी खोज्ने वा स्वरोजगार बन्ने पाटो समेत खुल्नेछ ।
आदरणीय महानुभावहरु,
यस केटीएसको माध्यमबाट हामीले युवाहरुलाई विश्वस्तरीय तालिम तथा शिक्षा प्रदान गर्ने लक्ष्य राखेका छौं जसले उनीहरुलाई केवल विदेशमा रोजगारीका लागि तयार गर्ने मात्र होइन, नेपालभित्रै विभिन्न अवसरहरु सिर्जना गर्नेछ ।
सीपले युक्त कुशल व्यक्तिहरुले मात्र आफ्नै व्यवसाय स्थापना र सञ्चालन गर्न सक्छन् । स्थानीय अर्थतन्त्रको विकासमा योगदान दिन सक्छन् । राष्ट्रिय विकासलाई गति दिन सक्छन् । जब युवाहरु नेपालमै रहन्छन् तव त्यसले परिवार, समाज र समुदायको विकासमा सकारात्मक प्रभाव पार्नेछ । साथै, राष्ट्रिय पहिचानलाई मजबुत बनाउने छ ।
आर्थिक अवस्था राम्रो भएको परिवारको स्वास्थ्य र शिक्षा पनि राम्रो हुन्छ । त्यसले समाजमै खुशीयाली सिर्जना गर्छ ।
त्यसैले, केटीएसले कर्मचारी मात्र होइन, उद्यमी सिर्जना गर्ने लक्ष्य लिएको छ । आतिथ्य, प्राविधिक सेवा र एज केयरजस्ता उच्च माग भएका उद्योगहरुमा केन्द्रित पाठ्यक्रमहरुको सहयोगमा हामीले हाम्रा ग्रयाजुएटहरुलाई उच्च आय दिने दीर्घकालीन करियरका लागि तयार गरिरहेका छौं ।
उनीहरुलाई विश्वस्तरमै प्रतिस्पर्धा गर्न सक्षम बनाउन केटीएसले स्थानीय तथा राष्ट्रियस्तरका उद्योग व्यवसायका साथै अन्तरराष्ट्रिय साझेदारहरुसँग सहकार्य गर्ने नीति लिएको छ । आफ्नो क्षेत्रमा सफल बनेका व्यक्तिहरुले यहाँ ज्ञान बाँड्नेछन् । यहाँको पाठ्यक्रम अहिलेको समयको बजारको मागलाई सम्बोधन गर्ने गरी तयार गरिएको पनि म जानकारी गराउन चाहन्छु ।
अन्त्यमा, शिक्षा प्रगतिको आधार हो भने प्राविधिक शिक्षा आर्थिक र सामाजिक परिवर्तनको इञ्जिन हो । काठमाडौं टेक्निकल स्कुल त्यही परिवर्तनको संवाहक बन्न चाहन्छ ।
धन्यवाद ।

ग्लोबल आइएमई बैंकद्वारा ग्लोबल मनि विकको अवसरमा सातै प्रदेशमा विद्यार्थी तथा युवा लक्षित कार्यक्रम आयोजना

ग्लोबल आइएमई बैंक लिमिटेडले ग्लोबल मनि विक २०२५को सेरोफेरोमा विद्यार्थी तथा युवा युवतीहरु लक्षित वित्तीय साक्षरता कार्यक्रमहरु सप्ताहव्यापी रुपमा सञ्चालन गरेको छ । बैंकले युवा तथा विद्यार्थी लक्षित वित्तीय साक्षरता सम्बन्धी विभिन्न कार्यक्रमहरु सातवटै प्रदेशहरुमा संचालन गरेको हो ।

बैंकले ग्लोेबल मनि विक २०२५ को अवसर पारेर देशव्यापी रुपमा आयोजना गरेका विभिन्न कार्यक्रमहरुमा ६ हजार भन्दा बढी विद्यार्थी तथा युवा–युवतीहरुको सहभागिता रहेको थियो ।

यसका साथै, नेपाल राष्ट्र बैंक तथा अन्य संस्थाहरुले आयोजना गरेको कार्यक्रममा समेत ग्लोबल आइएमई बैंकका कर्मचारीहरु वित्तीय सचेतना अभिवृद्धि व्यानर सहित सहभागि भएका थिए ।

ग्लोबल आइएमई बैंकले आफ्ना ३५५ वटै शाखाहरुमार्फत वित्तीय साक्षरता तथा डिजिटल बैंकिङ्ग प्रवद्र्धन कार्यक्रमहरु सञ्चालन गर्ने उद्देश्य राखेको छ ।

कार्यक्रममा बचत, कर्जा, रेमिट्यान्स, डिजिटल बैंकिङ्ग, बीमा, लगानी, अतिरिक्त बैंकिङ्ग सेवाहरु, वित्तीय ठगी र वित्तीय अनुशासनसम्बन्धी विषयवस्तुमा जानकारी गराइएको छ ।

ग्लोबल आइएमई बैंक ग्लोबल फाइनान्सको बेष्ट बैंक अवार्ड २०२४ तथा युरो मनी अर्वाड फर एक्सलेन्स २०२४ अन्तर्गतका दुई विधाबाट नेपालको सर्वश्रेष्ठ बैंकको रुपमा सम्मानित बैंक होे । साथै, ग्लोबल आइएमई बैंक विभिन्न राष्ट्रिय तथा अन्तर्राष्ट्रिय संघ–संस्थाहरुबाट फरकफरक विधामा सम्मानित भएको छ ।

ग्लोबल आइएमई बैंक मुलुकको सतहत्तरै जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो । बैंकको ३५५ शाखा कार्यालय, ३८५ एटिएम, २३७ शाखा रहित बैंकिङ्ग सेवा, ६७ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालय समेत गरी १,१०० भन्दा बढि सेवा केन्द्रबाट आफ्ना ग्राहकलाई उत्कृष्ट सेवा प्रदान गर्दै आइरहेको छ ।

बैंकले नेपाली नागरिकहरूलाई बैंकिङ सेवाहरू प्रदान गर्नुका अतिरिक्त विश्वका विभिन्न देशहरूबाट रेमिट्यान्स सेवा पनि दिँदै आएको छ । बैंकले संयुक्त राज्य अमेरिका, संयुक्त अधिराज्य, क्यानडा, अस्ट्रेलिया, मलेशिया, दक्षिण कोरिया, जापान, साउदी अरब, कतार, यूएई, बहराइन, कुवेत, भारत, जोर्डन लगायत अन्य देशहरूबाट रेमिट्यान्स भित्र्याउने काम गर्दै आएको छ ।

संस्कृत युवा मञ्च नेपालद्वारा मन्दिर सरसफाई

पोखरा । संस्कृत युवा मञ्च नेपालले आफ्नो नियमित कार्यक्रम अन्तर्गत पोखरा १९ लामाचौर स्थित अकलादेवी मन्दिर र अकलादेवी तथा लक्ष्मीनारायण मन्दिर परिसरमा सरसफाइ कार्यक्रम सम्पन्न गरेको छ । संस्थाका सह-सचिव लक्ष्मण पौडेलको संयोजकत्वमा खटिएको युवा मञ्चलाई स्थानीय व्यक्ति र मन्दिर व्यवस्थापन समितिले सरसफाइ अभियानमा साथ दिएका थिए । सरसफाइ अभियानको उद्घाटन गर्दै अकलादेवी मन्दिर क्षेत्र विकास समितिका अध्यक्ष बाबुराम गौतमले युवा मञ्चले यसरी धार्मिक क्षेत्रहरूको सरसफाइ अभियान चलाएकोमा खुसी व्यक्त गर्नुभयो ।

त्यस्तै अकलादेवी तथा लक्ष्मीनारायण मन्दिर व्यवस्थापन समितिका अध्यक्ष रामचन्द्र आचार्यले युवा मञ्चले गरेका धार्मिक एवं सामाजिक कार्यहरूको स्मरण गर्दै यस्ता अनुकरणीय कार्यहरूमा आफ्नो साथ तथा सहयोग सदैव रहने प्रतिबद्धता समेत व्यक्त गर्नुभयो ।

सरसफाइ अभियानमा सहयोग तथा साथ दिनु हुने सबैमा धन्यवाद व्यक्त गर्दै संस्थाका अध्यक्ष विश्वराज सापकोटाले यसरी प्राप्त सहयोगले संस्थालाई थप उर्जा र हौसला प्राप्त भएको कुरा सहित कार्यक्रम समापन गरिएको संस्थाका सचिव दिवाकर पौडेलले जानकारी गराउनुभयो ।

संस्कृत युवा मञ्च नेपालद्वारा मन्दिर सरसफाई
संस्कृत युवा मञ्च नेपालद्वारा मन्दिर सरसफाई
आउदो चैत्र १४ गतेदेखि १७ गतेसम्म पोखरामा प्रथम नाडा प्रेजेन्ट्स वाडा अटो शो हुदै

पोखरा ,चैत्र ६ गते
पोखरामा चार दिन सम्म ” प्रथम नाडा प्रेजेन्ट्स वाडा अटो शो २०२५ ” शुरू हुने भएको छ। सवारी साधन खरिद विक्री एवं यस क्षेत्रमा भइरहेका आधुनिक प्रविधि विकासतर्फ सवारी धनी, सम्भावित ग्राहक एवं आम सर्वसाधारणको संघ बढिरहेको अवस्थामा पोखरामा पर्यटनको राजधानी शहर पोखरामा पहिलो पटक नाडा अटोमोबाइल्स एशोसिएशन अफ नेपालको प्रस्तुतीमा पश्चिमाञ्चल अटोमोबाइल्स डिलम एशेोनिरसनद्वारा चैत्र १४ गतेदेखि १७ गतेसम्म पोखरा(१२ स्थित अमरसिंह खेल्कुद मैदानमा प्रथम नाडा प्रेजेन्ट्स वाडा अटो शो २०२५’ को आयोजना गरिने भएको छ।

बृहत अटो प्रदर्शनीमा गण्डकी प्रदेश सरकार तथा पोखरा महानगरपालिका प्रबद्दक रहेका छन् भने पोखरा उद्योग बाणिज्य संघ, युनाइटेड क्लब पोखरा तथा प्रदर्शनीस्थल उपलब्ध गराई दिएर अमरसिंह मा।वि। सहयोगी संस्था रहने भएको विज्ञप्ति मार्फत आजको पत्रकार सम्मेलन मार्फत जानकारी गराइएको थियो। ।

नविनतम् सवारी साधनका मोडलहरू, आधुनिक प्रविधिहरू तथा यस क्षेत्रका अन्य सेवा प्रदायकहरूको एकै थलोमा प्रदर्शन हुनुका साथै नाडा प्रेजेन्ट्स् वाडा अटो शो २०२५ मा स्थानीय एवं देशभरबाट डिलर, उत्पादक, विक्रेता एवं ग्राहकहरूको भेलाले गण्डकी प्रदेशमा सवारी साधन र सम्बन्धित सम्पूर्ण क्षेत्रको विकास, बजारीकरण र विस्तारका लागि महत्वपूर्ण भूमिका निर्वाह गर्ने वाडा उपाध्यक्ष एवं वाडा अटो शो २०२५ का संयोजक निरन के सीले जानकारी गराउनु भएको थियो। साथै यस प्रदर्शनीले स्थानीय रुपमा देखिने वा महसुस गरिने विभिन्न व्यावसायिक समस्याहरूको चिनारी गर्ने तथा त्यसका सामाधानका विकल्पहरु खोज्ने साझा थलो बन्न सक्ने आयोजकहरूको विश्वास लिएको छ। शो को अनुमानित खर्च रु साठी लाख लाग्ने भनिएको छ।

राष्ट्रिय महत्वका आयोजनाहरू तथा स्थानीय विकासका कार्यक्रमहरू सवारी साधन बिना कल्पना मात्र पनि गर्न नसकिने अवस्था भैसकेकोले गर्दा यस प्रदर्शनीले बजारको मागलाई चित्रण गर्दै सवारी साधनको अपरिहार्यता बारे समस्टिगत धारणा बनाउन तथा त्यस अनुरूप निति गतका लागि पनि सहयोग गर्ने विश्वास निरन के सी ले पत्रकार सम्मेलन मा जानकारी गराउनु भएको थियो।

प्रदर्शनीमा १९ वटा ब्राण्डका ४(पाङ्ग्रे ६ वटा ब्राण्डका लाइट कमर्शियल, ७ वटा बाण्डका २(पा‌ङ्ग्रे लगाएत लुब्रिकेन्ट, टायर, ग्यारेज उपकरण, अन्य एसोसेरिजहरू तथा वित्तीय संस्थाहरुका २० वटा स्टला रहने छन् भने प्रदर्शनीमा जिल्ला ट्राफिक प्रहरी कार्यलयको सहभागितामा सवारी साधन सुरक्षा सम्बन्धी जानकारी, सडक सुरक्षा तया ट्राफिक नियम पालना सम्बन्धी विषिध जानकारी मुलक कार्यक्रमहरू गर्नु का साथै सञ्चालन गरिने छन् भने पोखरा लायन्स क्लवको सहयोगमा चैत्र १५ प्रदर्शनी परिसर भित्र रक्तदान कार्यक्रम समेत सन्चालन गरिने आयोजकले जानकारी गरिएको थियो।

ग्लोबल आइएमई बैंकद्वारा दशकौं पुराना नेपाली जीवनशैली झल्काउने दुर्लभ तस्वीर समावेश २०८२ सालको क्यालेन्डर सार्वजनिक

ग्लोबल आइएमई बैंक लिमिटेडद्वारा दशकौं पुराना नेपाली जीवनशैली झल्काउने दुर्लभ तस्वीरहरु समावेश नयाँ वर्ष २०८२ सालको क्यालेन्डर सार्वजनिक गरेको छ ।
नेपाल उद्योग वाणिज्य महासंघ तथा ग्लोबल आइएमई बैंकका अध्यक्ष चन्द्रप्रसाद ढकालले बैंकको कर्पाेरेट कार्यालय, कमलादीमा आयोजित एक समारोहबिच नयाँ वर्ष २०८२ को क्यालेन्डर सार्वजनिक गर्नुभएको हो ।
क्यालेण्डरमा दशकौं अघिका नेपाली जीवनशैली, रहनसहन र परम्परागत अभ्यासलाई कैद गरिएका दुर्लभ तस्वीरहरु समावेश गरिएको छ ।
तस्वीरहरुले समयको प्रवाहसँगै परिवर्तन भएका जीवनशैली र रहनसहनको स्मरण गराउँदै नयाँ पुस्ताहरुलाई विगतको जीवनशैली, रहनसहन तथा अवस्थाका बारेमा जानकारी गराउन सहयोग पुग्नेछ ।
क्यालेन्डर सार्वजनिक गर्दै अध्यक्ष ढकालले ग्लोबल आइएमई बैंकले आफ्नो संस्थागत सामाजिक उत्तरदायित्वलाई पूरा गर्दै विभिन्न सामाजिक कार्यहरु गर्दै आएको बताउनु भयो ।
विगतका वर्षहरुमा क्यालेण्डरमा नेपाली कला र संस्कृतिसम्बन्धी विषयहरु प्रकाशन गर्ने गरेको स्मरण गराउँदै उहाँले भन्नुभयो, ‘नेपालको सर्वांगिण विकासका लागि हामीले नेपाली कला, साहित्य, संस्कृति र सभ्यतालाई संरक्षण तथा प्रवद्र्धन गर्न आवश्यक छ । ग्लोबल आइएमई बैैंकले आफ्नो संस्थागत सामाजिक उत्तरदायित्व अन्तर्गत यस्ता कार्यहरुलाई निरन्तरता दिँदै आएको छ ।’
कार्यक्रममा बैंकको सञ्चालक समिति, उच्च व्यवस्थापनलगायत बैंकका कर्मचारी तथा विभिन्न व्यक्तिहरुको उपस्थिति रहेको थियो ।
ग्लोबल आइएमई बैंक मुलुकका सतहत्तरै जिल्लामा शाखा सञ्जाल रहेको निजी क्षेत्रको पहिलो तथा वित्तीय सूचक अनुसार मुलुककै सबैभन्दा ठुलो वाणिज्य बैंक हो । बैंकले देशका ७७ वटै जिल्ला तथा तीन अन्तर्राष्ट्रिय सम्पर्क÷वैदेशिक प्रतिनिधि कार्यालय सहित १,१०० भन्दा बढी सेवा केन्द्रबाट बैंकिङ्ग सेवा प्रदान गर्दै आएको छ ।
ग्लोबल आइएमई बैंकलाई सबैंका लागि बैंक बनाउँदै बैंकले विभिन्न सेवा तथा सुविधा सहितका योजना मार्फत आफ्ना ५० लाख भन्दा बढी ग्राहकलाई उत्कृष्ट सेवा प्रदान गरी लावान्भित गरिरहेको छ ।
त्यसैगरी बैंकले संयुक्त राज्य अमेरिका, संयुक्त अधिराज्य, क्यानडा, अष्ट्रेलिया, मलेसिया, दक्षिण कोरिया, जापान, साउदी अरेबिया, कतार, युएई, बहराइन, कुवेत, भारत, जोर्डन, हङकङ लगायतका मुलुकबाट रेमिट्यान्स भित्र्याउँदै देशको अर्थ व्यवस्थामा महत्वपूर्ण योगदान पु¥याउँदै आइरहेको छ ।

पोखरामा घरको कम्पाउन्डभित्र बाघ भेटियो, सफल उद्दार

पोखरा । पोखरा महानगरपालिका वडा नं. ७ मा दिउँसोको समयमा घरको कम्पाउन्डभित्र बाघ भेटिएको छ । स्थानिय शोभा चन्द्र बरालको घरको कम्पाउन्ड भित्र बाघ देखिएको हो । मंगलबार दिउँसो करिब ३ बजे बाघ देखिएको स्थानीयले डिभिजन वन कार्यालय कास्कीलाई जानकारी गराएका थिए।

सूचना प्राप्त भएपछि डिभिजन वन कार्यालय कास्कीका वन अधिकृत हरि प्रसाद गौतमको नेतृत्वमा गएको टोलीले तत्कालै उद्धार प्रक्रिया अघि बढाएको थियो। टोलीले बाघलाई सुरक्षित रूपमा नियन्त्रणमा लिँदै पचभैया वन्यजन्तु उद्धार केन्द्रमा स्थानान्तरण गरेको छ।

यस घटनापछि स्थानीयवासीहरूमा केही समय त्रास फैलिएको भए पनि बाघलाई सुरक्षित रूपमा उद्दार गरेपछि स्थिति सामान्य बनेको छ।

२० औँ संस्करणको फेवा नव वर्ष महोत्सव आउदो चैत ३० देखि

पोखराको फेवाताल किनारमा नेपाली नयाँ वर्षका अवसरमा २० औँ संस्करण फेवा नव वर्ष महोत्सवको हुने भएको छ ।
होटल संघ पोखराले नेपाली नयाँ वर्षको सन्दर्भमा हर्षोल्लासका साथ मनाउन आन्तरिक तथा बाह्य पर्यटकलाई लक्षियत गरी विविध सांस्कृतिक कार्यक्रमसहित आकर्षित महोत्सव गर्न लागेको हो ।
पर्यटकीय क्षेत्र ड्यामसाइडदेखि खहरेचोकसम्मको तीन किमी भन्सदा धेरै सडक क्षेत्रमा आउँदो ३० चैत देखि आगामी वैशाख १ गतेसम्म महोत्सव हुने आयोजक होटल संघ पोखराका अध्यक्ष लक्ष्मण सुवेदीले जानकारी दिनुभयो।
सुवेदीका का अनुसार नव वर्ष महोत्सवलाई भव्य र सफल बनाउने तयारी भइरहेको जानकारी दिए।नेपाली मौलिक संस्कृतिको संरक्षण र परम्परागत नेपाली खानाको प्रवर्द्धन गर्नेसहित विविध सांस्कृतिक झाँकी, नृत्य र खानाका स्टल महोत्सवमा राखिने महोत्सवको प्रमुख उद्देश्य रहेको अध्यक्ष सुवेदीले जानकारी दिए ।
नेपालका मुख्य सहरमा अङ्ग्रेजी नयाँ वर्ष धुमधामका साथ मनाउने गरिएकामा नेपाली नयाँ वर्ष पनि उत्तिकै उत्साहका साथ मनाउन महोत्सवलाई निरन्तरता दिइएको हो”, अध्यक्ष सुवेदीले भने, “पर्यटनको राजधानी घोषणापश्चात दोस्रो पटक पोखरामा हुन लागेको यस महोत्सवमा स्वदेशी तथा विदेशी पर्यटकलाई मनोरञ्जन प्रदान गरने विश्वास व्यक्त गरे।”
महोत्सव आन्तरिक र बाह्य गरी तीन लाख पर्यटकलाई अवलोकन गराउने आयोजकको लक्ष्य छ भने महोत्सव तयारीका लागि विभिन्न २१ वटा समिति गठन गरिएको छ ।
महोत्सवको अवसरमा होटल संघ पोखरा मातहतका होटलहरुले प्रकाशित गरेको दररेटमा २० प्रतिशतसम्म छुट प्रदान गरिने निर्वतमान अध्यक्ष विकल तुलाचनले बताए ।
महोत्सवका आकर्षणमा परम्परागत नेपाली खानाको प्रवर्द्धन, सांस्कृतिक झाँकी, लोकदोहोरी, पप कन्सर्ट, स्थानीय कलाकारद्वारा सांस्कृतिक नृत्य, हास्यव्यङ्ग्य प्रहसन र पर्यटक दौड प्रतियोगितालगायत रहेका छन् ।
महोत्सव सफल सफल बनाउन होटल संघ पोखराले जाउँ है पोखरा लगायतका अभियान सञ्चालन गरेको छ ।
पर्यटन बोर्ड गण्डकीका प्रमुख मणिराज लामिछानेले महोत्सवले नेपाली संस्कृति संरक्षण र पर्यटन प्रवर्द्धनको साथै आर्थिक उन्नतिमा योगदान पुगेको बताए । अंग्रेजी नयाँ वर्षको सडक महोत्सव जस्तै फेवा नववर्ष महोत्सव सफल रहने अपेक्षा प्रकट गरे ।
होटल संघ केन्द्रका सदस्य एवं सल्लाहकार परिसद संयोजक भरतराज पहारीले पर्यटन क्षेत्रमा सकारात्मक सन्देशको आवस्यकता आौँल्याए ।
पत्रकार महासंघ कास्कीका अध्यक्ष माधव बरालले महोत्सवको सफलताको कामना गरे ।
संघका महासचिव राजेन्द्र ढकाल महोत्सवको विविध पक्षका बारेमा जानकारी गराए ।

डा श्रीराम तिवारी राष्ट्रिय क्षयरोग नियन्त्रण केन्द्रको निर्देशकमा नियुक्त

राष्ट्रिय क्षयरोग नियन्त्रण केन्द्रको निर्देशकमा डा श्रीराम तिवारीले जिम्मेवारी पाएका छन्। केन्द्रमा निर्देशक रहेका डा प्रज्वल श्रेष्ठलाई भने वीर अस्पतालमा पठाइएको छ।


डा तिवारी यसअघि सप्तरीस्थित गजेन्द्रनारायण सिंह अस्पतालको प्रमुख मेडिकल सुपरिटेन्डेन्ट थिए। लामो समयको अनुभव तथा देशका विभिन्न जिल्लामा कार्यालय प्रमुखका रुपमा रही आएका थिए। डा तिवारीले हाल देशभर क्षयरोग सम्बन्धिक कार्यक्रम संचालन गर्ने गजेन्द्रनारायण सिंह अस्पतालबाट राष्ट्रिय क्षयरोग नियन्त्रण केन्द्र भक्रपुरमा निर्देशकको रुपमा जिम्मेवारी पाएका छन ।


यसअधि निर्देशकमा भने डा प्रजवल श्रेष्ठ रहनु भएको थियो। उहाँ हाल विर अस्पतालमा कार्यरत हुनुहुन्छ। श्रेष्ठले आफनो कार्यकालमा टिभि रोग उपचारमा नयाँ उपचार पद्धतिको विकास गर्नु थियो । त्यस्तै क्षयरोगमुक्त पालिका समेत घोषण गर्नु भएको थियो।

संस्कृत युवा मञ्च नेपालद्वारा प्रकाशित वि. सं २०८२ सालको भित्ते-पात्रो विमोचन

संस्कृत युवा मञ्च नेपालद्वारा प्रकाशित वि.सं २०८२ सालको गण्डकी भित्ते-पात्रो विमोचन, शुभकामना आदानप्रदान तथा सेतीगण्डकी दिव्य महाआरती एक कार्यक्रमका बिच सम्पन्न भएको छ । पोखरा ९ शान्तिघाट, आरती भवनमा भएको उक्त कार्यक्रमा पोखरा महानगरपालीका वडा नं ९ का वडाध्यक्ष दिपेन्द्र मर्सानीको प्रमुख आतिथ्यमा सम्पन्न भयो । प्रमुख अतिथिको मन्तव्य राख्दै मर्सानीले संकृत युवा मञ्च नेपालले सामाजिक काममा लागेर गरेको कार्यको प्रशंसा गर्दै पञ्चाङ्ग सहितको यस्तो गुणस्तरीय भित्ते – पात्रो प्रकाशनमा ल्याउनु असाध्यै राम्रो काम भएको बताउनु भयो ।

उहाँले सेती गण्डकीको साप्ताहिक सन्ध्याकालिन महाआरती गरी अझै राम्रो काम गरेको भन्दै यस्ता सामाजिक तथा धार्मिक कार्यहरूमा आफूले सक्दो सहयोग तथा साथ दिने भन्दै प्रतिबद्धता समेत व्यक्त गर्नु भयो । संस्थाका अध्यक्ष विस्वराज सापकोटाको अध्यक्षतामा सम्पन्न कार्यक्रममा संस्थाका सचिव डिल्लिराम पौडेल (दिवाकर) ले कार्यक्रम संचालन तथा संस्थाका उपाध्यक्ष महेन्द्र पौडेलले स्वागत मन्तव्य राख्नुभएको थियो । कार्यक्रममा संस्थाका सल्लाहकार तथा विन्दुवासीनि संस्कृत विद्यापीठ पोखराका सह-प्रध्यापक डा. भोलानारायण रेग्मीले धर्म, संस्कार, संस्कृति र संस्कृतको संरक्षणका निम्ति युवा मञ्चले खेलेको भूमिका प्रति खुसी व्यक्त गर्दै थप कार्यका लागि प्रोत्साहन समेत गर्नुभयो । कार्यक्रममा वडा नं ९ का वडा सदस्य नन्दराम गिरी, भित्तेपात्रो प्रकाशन उप-समितिका संयोजक लक्ष्मण पौडेल लगायतले आ-आफ्नो मन्तव्य राख्दै शुभकामना प्रदान गर्नुभएको थियो भने गुरुहरू विकाश पौडेल, अरविन्द चापागाईं र आनन्द गौतमले गण्डकीको सन्ध्याकालिन आरती गर्नु भएको थियो ।